The Heirs

Chapter 13

Chapter 13

"Ziram. Samahan mo nga ako may kukunin lang ako sa locker." Sabi ni Nova na nasa katabi ko.

Nasa library kami. Nagbabasa kami ng lesson dahil may quiz kami mamaya. Sana hindi matuloy ang quiz. Hindi kasi ako nakapag-review kagabi, na-late din ng gising kaya hindi naman masamang mangarap hahahaha.

"Sige, tatapusin ko lang 'tong binabasa ko."   Sabi ko at inilipat sa kabilang pahina ang libro.

Nang matapos ko ng basahin. Binalik ko muna sa shelf ang libro bago ko akitin si Nova na umalis na ng library. Mga ilang minuto pa bago kami nakarating sa locker area.

"Nakakapagtaka talaga Ziram." Sabi ni Nova pagkabukas niya ng locker niya.

"Ang alin?"

"I really thought na mabu-bully ka dahil nga sa nangyari kahapon. But guess what? Hindi nangyari and i'm very thankful for that." Sinarado niya na ang locker niya ng makuha ang kukuhaain niya.

"Weird nga e. Akala ko pagkatapak ko pa lang sa lupa. May sasabunot na sa akin, crazy hahahaha."

"Mabuti nga walang nangyari. Maybe Reziak pull some strings, 'yon pa?" aniya at ngumisi.

Umirap ako. "Magkapatid nga talaga kayo. Bakit ba kayong ngisi ng ngisi?" Sabi ko.

"Why? Lalo ba akong na ganda pag-ngumisi" Lalo pang ngumisi si Nova.

Umiling ako. "Hindi." Sabi ko.

"Ewan sa 'yo. Let's go na namimiss ko na si labidabs." aniya.

"Shut up, kadiri ka. Wait lang may kukunin lang din pala ako sa locker." Inilibas ko ang susi ng locker ko. Pagbukas ko, nagtaka ako kung bakit may sobre do'n. May secret admirer ba ako?

"What is that?" Tanong ni Nova at lumapit sa akin. Kumibit balikat lang ako at binuksan ang sobre. May papel pa sa loob kaya inilabas ko.

I'm warning you Ziram. Don't get close to him or  i'll make you suffer.  Pinalampas ko ang nangyari sa campus pero sa oras na mangyari ulit 'yon. Hmp humanda ka.

Napataas ang kilay ko ng nabasa ko ang nasa sobre. Sino ang tinutukoy niyang wag akong lumapit? Jowa niya? E hindi naman ako mang-aagaw ng jowa ng may jowa at saka sino ba ang jowa niya?

"Anong pinaglalaban nito?" Asar na tanong ko.

"Sino naglagay? Ang pangit ng handwriting tsk." Natawa ako sa sinabi niya. Laitera ang gaga. Sa halip na mangamba ako sa sulat, natawa ako sa sinabi ni Nova.

Tiningnan ko ang buong sobre pero walang nakalagay. "Wala e. Stay lowkey lang raw siya para daw may thrill.

"Thrill my ass. Baka mas maganda pa pwet ko diyan kesa sa mukha niya."

"Siguro hahahaha. Tara na nga, isa lang itong crazy people." Sabi ko.

Kung kanino man galing yung sobre na 'yun, siguro inggit sa kagandahan ko. Sino ba yung lalaki na ayaw sa akin palapitin? baka ang asim nun ha.

Bumalik na kami sa classroom dahil ilang minuto na lang magsisimula na ulit ang klase. Pagkapasok sa room, agad akong nakita nung tatlo. Pagkaupo ko, agad akong tinawag ni Zack na nasa likod ko lang.

"Uy Ziram, long time no see. Kumusta?" Tawag sa akin ni Zack. Ano nanamang nasa utak nito? Bakit may pa long time no see? Mukha ba akong balikbayan?

"Ha sino ka ba?"

"Sakit mo talaga sa puso Ziram. Hindi na kita bati." Sabi pa niya at nakita kong umirap siya.

"Wag mo na lang 'yan pansinin Ziram, may sira ang utak ni Zack ngayon." Ani Rainber na katabi lang ni Zack.