Happened

Episode - 2

တစ်ချို့အချစ်​တွေက ဘယ်​​တော့မှ​​မေ့လို့မရနိုင်ဘူးတဲ့။ မတူတဲ့ပုံစံ​​တွေနဲ့သာ အချစ်ကို ထပ်ကြုံချင်ကြုံရမယ်။ အဲ့အချစ်တစ်ခုကို​​တော့ ဘာနဲ့မှအစားထိုးနှိုင်းယှဥ်လို့ မရနိုင်​တော့ဘူးတဲ့။

×

Yu Jimin က တည်သည်။ သူ့ဆီကရတဲ့ အရှိန်အဝါက တခြား​ကြောက်ဖို့​ကောင်းတဲ့သူ​တွေလို မဟုတ်ဘဲ တခြားအဆင့်တစ်ခုဟု​ပြောရမည်။ ​သေးငယ်တဲ့ မျက်နှာအရွယ်အစား​ပေါ်မှာ အစိတ်အပိုင်းတစ်ခုချင်းစီ ထင်ထင်ရှားရှား ​နေရာယူထားခြင်းမျိုး၊ နှုတ်ခမ်း​အောက်​ထောင့်တွင် မှဲ့နက်က​လေးတစ်လုံး၊ နက်​မှောင်​ဖြောင့်စင်း​နေတဲ့ ဆံနွယ်များတို့က ယူဂျီမင်း၏ ကိုယ်ပိုင်သင်္ကေတများပင်ဖြစ်သည်။

တည်တယ်ဆို​​သော်ငြား သူ့အရယ်အပြုံးက ရှား​နေတာမျိုး​တော့လည်း မဟုတ်ပြန်။ Minjeong အ​နေနဲ့ ထိုမိန်းက​လေး၏ဖြစ်တည်မှုအ​ကြောင်း ရှင်းပြဖို့ခက်သည်။

နှစ်​ယောက်တိုက်​နေတဲ့ သင်ခန်းစာတူ အတန်း​တွေမှာ Minjeong အကြည့်​တွေ ရံဖန်ရံခါဟို​ရောက်ဒီ​ရောက်တတ်တာမို့ Yu Jimin ဆီ​လည်း ​ရောက်ဖူးသည်။ တစ်စုံတစ်ခုကို အာရုံစိုက်လုပ်​ဆောင်​နေပုံက အနုပညာမျက်လုံးများကို ပိုင်ဆိုင်ထားသူနှင့်တူသည်။

အပင်​တွေကို ဂရုတစိုက်ပျိုး​ထောင်​နေ​သော ဥယျာဥ်မှူးတစ်​ယောက်ရဲ့မျက်ဝန်း၊ ဂရုတစိုက် အ​ရောင်ခြယ်သ​နေသည့် ပန်းချီဆရာတစ်​ယောက်ရဲ့ မျက်ဝန်း၊ စာအုပ်​တွေစီ​နေတဲ့ စာကြည့်တိုက်မှူးရဲ့မျက်ဝန်းမျိုး။ ထိုမျက်ဝန်းများက ထင်ထားတာထက်ပို၍ သူတို့အလုပ်​တွေမှာ အာရုံစိုက်တတ်သလို Minjeong ပြောပြရခက်သည့် နူးညံ့မှုတစ်မျိုးလည်းပါသည်။

"Minjeong "

Ningi က သူမ နာမည်ကို​ခေါ်​နေတာ သက်​စေ့ရှိ​နေပြီဖြစ်​ကြောင်း မ​ကျေမချမ်း​ပြော​သော်လည်း Minjeong တကယ်မကြားပါ။ အာရုံများသည် ခပ်လှမ်းလှမ်းမှ အမျိုးသားတစ်ဦးနှင့် တစ်စုံတစ်ရာအ​ကြောင်း ​ဆွေး​နွေး​နေပုံရ​သော Yu Jimin ဆီ ခဏတာ​ရောက်​နေသည်။