Happened

Episode - 10

သူပြုံးရယ်လိုက်တိုင်း ငါ့နှလုံးသားမှာ ​နေကြာ​တွေပွင့်လာတတ်တာ.. ။

×

မထူးဆန်း​ပေမယ့် ထူးဆန်းစွာပင် သူတို့နှစ်​ယောက်ရဲ့ ဆက်ဆံ​ရေးက အဆင်​ပြေ​နေခဲ့သည်။ လူအများမြင်နိုင်တဲ့ ပတ်ဝန်းကျင်​တွေမှာ အ​တော်အသင့်ရင်းနှီးသည့် မိတ်​ဆွေ​တွေဖြစ်ပြီး ကန့်လန့်ကာများရဲ့ ​နောက်ကွယ်​တွင်​​တော့ အစအ​နောက်များပြီး နီးနီးကပ်ကပ်ရှိ​နေတတ်သည့် ရည်းစား​တွေဖြစ်သည်။

Yu Jimin က တစ်ခါတစ်​လေ အားနာစရာ​ကောင်းရ​လောက်တဲ့အထိ Minjeong အလိုကိုလိုက်​ပေးသည်။ စကားနား​ထောင်​ပေးသည်။ မလုပ်နဲ့ဆိုလျှင် ​တွေး​တောင်မ​တွေး​တော့တဲ့အထိ သူမရဲ့ဆုံးဖြတ်ချက်ကို အ​လေးထားသည်။

အရင်က ​ယောကျ်ား​လေးများနှင့် လက်ချိတ်တွဲသွားတဲ့ မြင်ကွင်းမျိုး မမြင်ချင်ဘူးဆို​တော့ သူ့အနားကပ်ဖို့ကြိုးစားသည့် အမျိုးသားများနှင့် နှစ်​ပေ​လောက်(ရံဖန်ရံခါတွင်မူ ထိုထက်နီး) အကွာအ​ဝေးမှ စကား​ပြောသည်။

မလိုအပ်ဘဲ Aeri နှင့် သူမကို သဝန်မတိုနဲ့ဟု မှာထားလျှင် သက်ပြင်းချပြီး စိတ်ကိုထိန်းသည်။ ​နေ့တိုင်း အိမ်ပြန်ပို့စရာမလိုဟု သတ်မှတ်ထားလျှင် အိမ်ကို​သေချာပြန်​ရောက်မ​ရောက် ဖုန်းဖြင့်အမြဲဆက်သွယ်ကာ ​မေးသည်။

ထင်မထား​လောက်​အောင် နားလည်​ပေးတဲ့အတွက် ကိုယ့်ကိုကိုယ် ကံ​ကောင်းသူမှန်း Minjeong သိသည်။ တစ်ခါတစ်​လေ သူ့လိုလူက မိမိဆီမှာ ဝဋ်​ကြွေးလာဆပ်​နေတာများလားလို့ပင် ​ပေါက်​ပေါက်ရှာရှာ စဥ်းစားမိ​သေးသည်။

"လိုအပ်တဲ့ လူဦး​ရေပမာဏရဖို့ ပစ္စည်းကွာလတီကို စိစစ်ထုတ်တာအပြင် ကိုယ့်ပစ္စည်းကိုသုံးချင်လာ​အောင် ဆွဲ​​ဆောင်နိုင်မယ့် ပုံ၊ စာ​၊ ကမ်ပိန်း​တွေ၊ ​ကြော်ငြာ​တွေကို အသုံးပြုပြီး​တော့ .."

အတန်း​ရှေ့ထွက်ကာ ဝှိုက်ဘုတ်​ပေါ်တွင် စာ​ရေးလိုက်၊ လှည့်ရှင်းပြလိုက်ဖြင့် Yu Jimin တစ်​ယောက် Presentation လုပ်ရင်း ကြည့်​ကောင်း​နေသည်။ ဆံပင်​တွေချထားပြီး ဘယ်ဘက်လက်တွင်မူ ​​ပန်းနု​ရောင် ခေါင်းစည်းကြိုးကို အဆင်သင့်ဝတ်ထားသည်။