ဒါပေါ့။ ငါ့မှာ မင်းနဲ့ပတ်သတ်ပြီး စိတ်ကူးယဥ်ထားတာတွေရှိတယ်။ ဘယ်သူမှလိုက်မမှီအောင်လည်း မင်းကိုချစ်ပေးချင်တယ်။
×
"ဆိုတော့ ကျွန်မတို့ဒီအခြေအနေအထိ ရောက်နေကြပြီဆိုတာ သူများတွေကို မသိစေချင်ဘူး "
"ဘယ်အခြေအနေ? "
ကားစတီယာရင်ကို လက်နှစ်ဖက်နဲ့ကိုင်လှည့်ရင်း Minjeong အား Jimin ပြန်မေးလိုက်သည်။ တကယ်တမ်း သူ့ဆိုလိုရင်းကို နားလည်ပါသော်လည်း စနောက်ချင်စိတ်တွေ တဖွားဖွား။
"ဒီ! အခြေအနေ! "
"အင်းလေ၊ ဘာကိုဆိုလိုတာလဲ သေချာပြောမှပေါ့"
"ရှင်သိရဲ့သားနဲ့ ပြန်မေးနေတာမလား Yu Jimin"
လေသံမာမာဖြင့် ပြောနေပါသော်လည်း နဂိုရှိရင်းစွဲ အသည်းယားစရာအသံလေးကြောင့် ကြောက်ရမယ့်အစား Jimin ရယ်မောမိသည်။
နှုတ်ခမ်းဖျားတွင် လွန်ခဲ့သည့် မိနစ်များက သောက်ခဲ့သော အအေးအရသာအပြင် သူမဆီကမဟုတ်သည့် နှုတ်ခမ်းနီအနံ့ သင်းသင်းကလေး ရနေသေးသည်။
ဘာလို့ Minjeong ကို နမ်းမိသွားတာပါလိမ့်။
Jimin ပြန်စဥ်းစားရသည်။ ထိုကောင်မလေးက အလွန့်အလွန် အသည်းယားစရာကောင်းသော ခွေးပေါက်လေးပမာ ပြောဆိုပြုမူနေတာကြောင့်များလား။ ဒါမှမဟုတ် သူ့ကို အချစ်ဇာတ်လမ်းထပ်မရိုက်စေချင်တဲ့ မိမိအတ္တကြောင့်များလား။
မည်သို့ပင်ဆိုဆို သူမကြောင့် ပန်းရောင်သန်းသည့် ပါးပြင်လေးများကို နေ့တိုင်းမြင်ရမယ်ဆိုလျှင် Jimin နောင်တမရ။
"Yu Jimin "
"ဝေ "
"ကျွန်မတို့ နမ်းခဲ့ကြတယ်လေ "
ရဲရဲတင်းတင်းစကားကြောင့် Jimin မျက်ခုံးများ အတန်မြင့်တက်သွားသည်။ သို့သော် ပွင့်လင်းသည့် Kim Minjeong ကိုလည်း သူမ သဘောကျပါသည်။
KAMU SEDANG MEMBACA
Happened
Fiksi Penggemarလူတိုင်းက တစ်စုံတစ်ခု၊ တစ်နေရာရာ၊ တစ်ချို့အဖြစ်အပျက်နဲ့ တစ်စုံတစ်ယောက်တို့ကို မေ့ပစ်နိုင်ဖို့ ကြိုးစားနေကြတာပါတဲ့။
