Happened

Episode - 4

မင်းက အူ​ကြောင်ကြားပဲ။ ဒါ​ပေမယ့်လည်း မင်းကိုချစ်ပါတယ်။

×

ဒီပိတ်ရက်​​တွေမှာ Yu Jimin အ​ကြောင်း မ​တွေးဘဲနဲ့ ​နေနိုင်ခဲ့တယ်ဆိုရင် Minjeong ကိုယ့်ကိုယ်ကို လိမ်ရာကျပါလိမ့်မယ်။

နှစ်​ယောက် စကား​ပြောဖူးချိန်​တွေ အကုန်​ပေါင်းလိုက်ရင်​တောင် နာရီ​ပေါင်း ၁၂၀ မပြည့်​ပေမယ့် မိမိ​အ​​တွေး​တွေထဲ သူဖြတ်​ပြေးသွားချိန်​တွေက ထင်ထားတာထက် ပိုများပြားလာသည်။ အားလပ်ရက်ပိုရ​လေ အ​တွေး​တွေ ဗျာများ​လေ။

ပါတီပြီးကတည်းက တစ်ခါ​လေး​တောင် အဆက်အသွယ်မရှိသဖြင့် သူစိတ်ဆိုး​နေလားဆိုတာ Minjeong မသိ။ မိမိက စဆက်သွယ်ဖို့ကျ​တော့လည်း မဝံ့ရဲ။ လူအများ​ရှေ့မှာ သူ့ကိုသိက္ခာချလိုက်သလိုဖြစ်သွားလား ဆိုသည့်​မေးခွန်းဟာ ဘာလုပ်လုပ် ​နောက်ကလိုက်​နေသည်။

Yu Jimin ဘာ​တွေထူးခြားလဲ၊ ဘာ​တွေလုပ်ဖြစ်​နေလဲဆိုတာ Ningi ကို​မေးလို့ရ​ပေမယ့် သူမ သူငယ်ချင်းဆီက​နေ ​မေးခွန်း​ပေါင်း​များစွာကို​တော့ ပြန်မ​ဖြေချင်။ စပ်စုတာထက် Yu Jimin အ​ပေါ် Minjeong စိတ်ဝင်စား​နေတယ်လို့ ထင်သွားမှာကို မလိုချင်တာဖြစ်သည်။

"Minjeong ဖုန်းလာ​နေတယ် "

သူမအစ်ကို Doyoungရဲ့ သတိ​ပေးသံကြားမှ နံ​ဘေးတွင်မြည်နေ​သော ဖုန်းအား လှမ်းယူကြည့်ရာ ဒီရက်​တွေထဲ ခဏခဏ​တွေ့ရ​သော ​Sung chan နာမည်က ဆီးကြိုသည်။

Minjeong သူ့ဖုန်းကိုမကိုင်ချင်ပါ။ ဖုန်းကိုင်လိုက်လျှင် သူမမှာ ​ပြောစရာစကားမရှိ​ပေမယ့် ​Sung chan က​တော့ သူကြည့်ဖြစ်တဲ့ ရုပ်ရှင်​တွေကအစ အ​ပေါ်ထပ်တိုက်ခန်းရဲ့ ​ခြေသံပြင်းတာအဆုံး စကား​ရှာပြီး ကြိုးစားပမ်းစား ​ပြောတာမို့ အားနာရသည်။

Sung chan သူမကို တကယ်ကြီး ကြိုက်​နေတာလားဆိုသည့် ထိတ်လန့်မှုမျိုးလည်း ဝင်ဝင်လာတတ်သည်။

"မကိုင်ဘူးလား "

"အင်း ဖုန်းမ​ပြောချင်ဘူး "