Happened

Episode - 11

အဲ့လူက မင်းကို​ပျော်​စေတယ်၊ ​ကောင်းမွန်တဲ့အရာ​တွေကို လုပ်ဖြစ်​စေတယ်၊ ဝမ်းနည်းစရာကို အတူမျှ​ဝေနိုင်တယ်လို့ ခံစားရ​စေရင် အဲ့လူကို ဘယ်​တော့မှ လက်မလွှတ်နဲ့​ပေါ့။

×

Converse အဖြူ။ မိုးပြာ​ရောင် ​ခေါင်းစွပ်အ​နွေးထည်နဲ့ ​အောက်နား​ခေါက် ဂျင်း​ဘောင်းဘီရယ်။ ခပ်မြင့်မြင့်စည်းထားတဲ့ ဆံပင်​တွေ။ မနက်​စော​စော​မှာတောင် ဖော်ပြရန်မလွယ်သည့် ​ရေ​မွှေးနံ့ကို သူ့ဆီက​နေ Minjeong ရသည်။

သူက ​ကော်ဖီတစ်ငုံ​သောက်လိုက်၊ လက်ထဲကိုင်ထားတဲ့ ​ပေါင်မုန့်ကို တစ်ကိုက်စားလိုက်၊ အတန်းတစ်ခုက​ပေးတဲ့ assignment အ​ကြောင်း တတွတ်တွတ်​ပြောလိုက်နှင့် အလုပ်များ​နေသည်။

မနက်ရှစ်နာရီ Yu Jimin သည် ​ပေါ့​ပေါ့ပါးပါး လန်းလန်းဆန်းဆန်း။ ​ကျောင်းမှာ​တွေ့ရတဲ့ Yu Jimin က​တော့ အထက်တန်းဆန်သလိုလို ​ယောကျ်ား​လေး​တွေ အမြဲတမ်းနီးပါး ဝိုင်း​နေတာ​ကြောင့် ချဥ်းကပ်ရ ခက်သူမျိုးဖြစ်ပြီး ည​​နေဘက် Minjeong နှင့် နှစ်ဦးတည်း သီးသန့်ရှိ​နေချိန်ဆိုရင်​တော့ ထို Yu Jimin က ကြက်တူ​ရွေးလို စကားများပြီး ​တောက်တဲ့လို ကပ်တတ်သည်။

အချိန်တစ်ခ​ဏ​လေးအတွင်း သူ့ပုံစံအမျိုးမျိုးကို Minjeong ရင်းနှီး​ခဲ့သည်။ သူက Minjeong ကို သူ့ဘဝထဲ လိုလိုလားလား ​ပေးဝင်ခဲ့တာ​ကြောင့်ဖြစ်မည်။

"အဲ့​တော့ အစ်မက သူ့ကို​ပြောတယ်ကွာ ဒါ​လေးကိုပဲ Copy Paste လုပ် အစ်မကိုပို့​ပေးပြီး ကျန်တာ​တွေကို Team Leader ဆီပဲ ပို့​လိုက်ပါလို့ဆိုတာကို သူက .."

သူစကား​ပြောသည့်အခါ ​ဆောင်းရာသီရဲ့ နှင်းကျတဲ့မနက်ခင်း​တွေကို သတိရ​စေသည်။ သို့​သော် ​ထုံကျင်စွာ အေးစက်​နေမှုမျိုး​တော့ မဟုတ်။ နှင်းများကို ​နွေး​ထွေးသည့် အိမ်ငယ်​လေးအတွင်းမှ စိတ်သက်​တောင့်သက်သာဖြင့် ထိုင်ကြည့်​နေမိသည့် ခံစားချက်မျိုးဖြစ်သည်။

အစ်မက စကား​ပြော​နေရင်း စားလက်စကိုရပ်ကာ Minjeong လက်မှာ​​ပေသွားတဲ့ စ​တော်ဘယ်ရီခရင်မ်တစ်ချို့ကို သုတ်ဖို့ တစ်သျှူးထုတ်​ပေးသည်။