Happened

Episode - 3

လိုချင်စိတ်နဲ့ မလိုချင်စိတ်ကို တစ်ချိန်တည်းမှာ​ပေါ်လာ​အောင် လုပ်နိုင်ခဲ့ရင် လူ​​တွေက ဘာကိုပို​ရွေးချယ်ကြမယ်ထင်လဲ။

×

​နွေ​နေ့ရက်များရဲ့ လှပမှုကို လူတိုင်းနားလည်မှာမဟုတ်ဟု Minjeong ထင်သည်။ အပူဒဏ်​တွေကြားက တိုက်လာတတ်တဲ့ ​လေ​အေး​အေး၊ အချင်းချင်းထိ​တွေ့ရာက ထွက်​ပေါ်လာတဲ့ သစ်ရွက်​တွေရဲ့အသံ၊ နားကြပ်အတွင်းက ကြား​နေရတဲ့ ငြိမ်ငြိမ်​အေး​အေး သီချင်း၊ ​ဘေးမှာတင်ထားပြီး အရည်​တွေသီး​နေတဲ့ လက်ဖက်ရည်​အေးဘူး။

မျက်လုံး​တွေကိုမှိတ်ထားရင်း ​​နွေ​နေ့ခင်းတစ်ခုကို အပင်ရိပ်​​အောက်မှာ တစ်​ယောက်တည်းခံစားနိုင်ခြင်းက ​ကောင်းချီးတစ်ခုဟု ယုံကြည်သည်။ အ​ဖော်လာမည့် Ningi ကိုပင် ​မောင်းထုတ်ထားမိသည်အထိ ​နွေ​နေ့များကို Minjeong တန်ဖိုးထားသည်။

ဖုန်းတွင်​ပေါ်​နေ​​သော နာရီကိုကြည့်ပြီး အတန်းစရန်လို​သေး​ကြောင်း ​တွေးမိသည်။ မျက်လုံးများက ပတ်ဝန်းကျင်ကို အာရုံ​ပြောင်းသည့်အခါ ​နွေအပူ​အောက် သွားလာလှုပ်ရှား​နေကြ​သော ​ကျောင်းသား​ကျောင်းသူများကို မြင်ရသည်။ ​နွေ​ကျောင်းပိတ်ရက်များမလာခင် ကြုံ​တွေ့ရမည့်စာ​မေးပွဲအတွက် ဗျာများ​နေကြသည်။

Minjeong မျက်လုံးများသည် အလိုအ​လျောက်အတိုင်း ​ယောကျ်ား​လေးတစ်​ယောက်နှင့် အတူလမ်း​လျှောက်သွား​နေ​သော Yu Jimin ဆီ​ရောက်သွားသည်။ ​ပေါ့​ပေါ့ပါးပါး ​ခြေလှမ်းများဖြင့် သူလမ်း​လျှောက်သွားတိုင်း လူ​တွေရဲ့အာရုံကို ဆွဲငင်သလိုဖြစ်ပြီး အနည်းဆုံးတစ်​ခေါက်​တော့ Yu Jimin ရှိရာဆီ လှည့်ကြည့်မိကြသည်သာဖြစ်သည်။

​နွေ​ကျောင်းပိတ်ရက်များသာ ​ရောက်လာလျှင် Yu Jimin ပြုစားထား​သော ဒီလူအုပ်သည် မည်သို့​နေထိုင်ပါမလဲဟု​ Minjeong စဥ်းစားမိသည်။ လွမ်းဖျားဆိုတာမျိုး​တွေနဲ့ ​နွေကိုဖြတ်သန်းကြမည်လားမသိ။

"Yu Jimin က မလွယ်ဘူးပဲ "

ထိုစကားကို​ပြောလိုက်ချိန်တွင် သူက Minheong ကို လက်​ဝှေ့ယမ်းကာ နှုတ်ဆက်​နေပြီဖြစ်သည်။ သူနှင့်အတူ တွဲ​လျှောက်​​နေသူကလည်း သူမ ထိုင်​နေရာသို့ လှမ်းကြည့်သည်။