ထင်ထားတာထက် ပိုပြီးချစ်မိနေပါတယ်။
×
"Iced Tea တစ်ခွက်၊ Iced Choco နှစ်ခွက် - "
"Iced Americano တစ်ခွက်ရော "
အမြင့်တွင်ချိတ်ထားသည့် မီနူးဆိုင်းဘုတ်တွေကိုကြည့်ရင်း Minjeong အော်ဒါမှာနေတုန်း လက်တစ်ဖက်က သူမခါးကိုဖက်ကာ နားအနားကပ်ပြီး စကားပြောသံထွက်လာသည်။
ရုတ်တရက်မို့ အလန့်တကြားဖြစ်ကာ ကြက်သီးမွှေးညှင်းများ ထလာပါသော်လည်း မည်သူမည်ဝါမှန်း သိနေသည်မို့ တွန်းထုတ်တာမျိုး မလုပ်မိ။ သူက Minjeong လန့်သွားတာကို သတိထားမိပြီး ရယ်သည်။
"Iced Tea တစ်ခွက်၊ Iced Americano တစ်ခွက်၊ Iced Choco နှစ်ခွက်ပေးပါ ဘယ်လောက်ကျမလဲ "
ရယ်သံကို လျစ်လျူရှုပြီး ပြီးပြည့်စုံသည့်အော်ဒါမှာလိုက်တော့ Yu Jimin က သူ့ကဒ်ကိုထုတ်ပေးသည်။
"အစ်မ ဝယ်တိုက်မယ် "
"မလိုပါဘူး "
"အစ်မ ဝယ်တိုက်ပါမယ်ဆိုနေ "
Minjeong ငြင်းတာကိုမစောင့်တော့ဘဲ Yu Jimin က Cashier ထံသို့ သူ့ကဒ်လှမ်းပေးလေသည်။ မျက်စောင်းထိုးရန် လှည့်ကြည့်တော့ မျက်နှာချင်း အကွာအဝေးက နီးနီးကပ်ကပ်။
နှုတ်ခမ်းထောင့်က မှဲ့သေးသေးလေးကို တစ်ချက်ကြည့်မိပြီး Minjeong အရှေ့ပြန်လှည့်လိုက်သည်။ Yu Jimin လက်တစ်ဖက်က သူမခါးကို ဖက်ထားဆဲ။ Ningi တို့ရဲ့အကြည့်တွေကို ၈ပေအကွာလောက်ကနေ ခံစားလို့ရသည်။
"ဒီမှာဘာလုပ်နေတာလဲ အမျိုးသမီး? အတန်းမရှိဘူးလား "
ကော်ဖီတွေ အဆင်သင့်ဖြစ်ဖို့ ကောင်တာရဲ့ထောင့်တစ်နေရာမှာ စောင့်နေတုန်း Minjeong မေးလိုက်သည်။ Yu Jimin က ပြုံးစစနှင့် မေးခွန်းကိုချက်ချင်းမဖြေ။ သူ့လက်ချောင်းများဖြင့် မပျက်မယွင်းရှိနေသည့် သူမ ဆံပင်များကို ဟိုသပ်ဒီသပ်လုပ်သည်။
KAMU SEDANG MEMBACA
Happened
Fiksi Penggemarလူတိုင်းက တစ်စုံတစ်ခု၊ တစ်နေရာရာ၊ တစ်ချို့အဖြစ်အပျက်နဲ့ တစ်စုံတစ်ယောက်တို့ကို မေ့ပစ်နိုင်ဖို့ ကြိုးစားနေကြတာပါတဲ့။
