Happened

Episode - 6

မင်းကြိုက်တာကို​ပြောပါ။ ကိုယ်က​တော့ မင်းကိုသ​ဘောကျတာမို့ မင်း​ပြောသမျှအကုန် ဂရုစိုက်ပြီး နား​ထောင်ပါ့မယ်။

×

"ဟိုမှာ Jimin ဖြတ်သွားတာ မင်းဘက်ကို လှည့်​တောင်မကြည့်ဘူး "

သူငယ်ချင်းတစ်​ယောက်ရဲ့ စကား​ကြောင့် အားလုံးရဲ့အကြည့်များနဲ့ထပ်တူ Gim လည်း လိုက်ကြည့်မိသည်။ တကယ်ကို Jimin က သူ့လမ်းသူ ​အေး​အေး​ဆေး​ဆေးသွား​နေပြီး ဘယ်သူ့မှ ဂရုစိုက်ပုံမရ။

ဒါကို Gim မကြိုက်။ သူက မိန်းက​လေး​တွေရဲ့ အာရုံစိုက်မှုကို အမြဲတမ်းရ​​လေ့ရှိတဲ့ ​ယောကျ်ား​လေးတစ်​ယောက်။ ဒါ​​ပေမယ့် ဒီ Yu Jimin က သူရှိရာကို မျက်​တောင်တဖျတ်ပင် ခတ်မလာ။ ဒီအချက်က သူ့ကိုသိက္ခာကျ​စေသည်။

"Gim သူ့ကိုလိုက်နိုင်လား မလိုက်နိုင်ဘူးလားဆိုတာ ​လောင်းမလား "

"စိန်လိုက်​လေ ဘာ​ကြေးလဲ ငါက​တော့ မလိုက်နိုင်တဲ့ဘက်က​နေ ​လောင်းမယ် "

သူငယ်ချင်းများက ​လှောင်ရယ်ပြီး အ​လောင်းအစားလုပ်​နေကြသည့်အခါ Gim ပို၍​နေရခက်သည်။ သူလိုက်တဲ့မိန်းက​​လေးတိုင်း ငြင်းရိုးထုံးစံမရှိ။ အချိန်အတိုင်းအတာတစ်ခုအတွင်း ​ချော​ပေ့လှ​ပေ့ဆိုတဲ့ ​မိန်းက​လေးတိုင်းကို Gim တွဲနိုင်သည်။

"Jimin က မင်းကိုတကယ်မကြိုက်တာဖြစ်မယ် "

Gim က ကြည့်​ကောင်းသည်။ ​ဖြောင့်သည်။ အရပ်ရှည်သည်။ ​ငွေ​ကြေးလည်း သုံးစွဲနိုင်သည်။ သူက အဘက်ဘက်က ပြည့်စုံ​​သော ​ယောကျ်ား​လေးမှန်း သူ့ကိုယ်သူလည်းသိသည်။ ဒါ​ပေမယ့် Yu Jimin က သိဟန်မတူ။

Gim ရဲ့ မရိုး​ဖြောင့်တဲ့ ရည်ရွယ်ချက်​တွေကို ရိပ်မိတာနဲ့ သူ့ဘက်က​နေ စည်းတိတိကျကျတားပြီး အဆင့်မ​ကျော်​အောင်လုပ်သည်။ အသိမိတ်​​​ဆွေ အဆင့်မှာတုန်းက Gim နှင့်အတူ တွဲသွားတွဲလာ အလုပ်များ​သေးသည်။ ​နောက်ပိုင်း တစ်ချို့ရဲ့ပါးစပ်ဖျားမှာ သူတို့နှစ်​ယောက် တွဲ​နေတဲ့သတင်း​တွေ ထွက်လာတာကိုသိ​ချိန်ကစလို့ Jimin တစ်​ယောက် သူ့ကို ​ရှောင်လာတာဖြစ်သည်။