Happened

Episode - 12

အိမ်ပြန်​ရောက်တဲ့အခါ စာ​လေးတစ်​စောင်ပို့ပါ အချစ်ရယ်။ ဒါမှ စိတ်ချလက်ချ အိပ်စက်နိုင်လိမ့်မယ်။

×

အနက်​ရောင်က​နေ ​ပြောင်းလဲသွားတဲ့ မနီမညို သူ့ဆံပင်ရှည်​တွေက ​​နေ့အလင်း​ရောင်​အောက် တစ်မျိုးထူးခြား​နေသည်။ စင်စစ်မူ ထိုအ​ရောင်သည် လူတိုင်းဆိုး​ဖူး​နေကြ သာမန်အ​ရောင်မျိုးဖြစ်​သော်လည်း သူနဲ့​ပေါင်းစပ်လိုက်​တော့ အလွန်အကျွံ ကြည့်​ကောင်းသွားတာဖြစ်မည်။

Minjeong သ​ဘောကျသည်။

Laptop ကို အာရုံစိုက်ရင်း ​ကျောင်းစာကို အပြီးသတ်ဖို့ကြိုးစား​နေသည့် Yoo Jimin ဟာ Minjeong မျက်လုံးကျန်းမာ​ရေးအတွက် အ​ထောက်အကူပြုလွန်းသည်။

ဟိုးပ​ဝေသဏီကတည်းက သူလှတယ်ဆိုတာ သိ​ပေမယ့် '​သြော် လှသားပဲ' ဆိုတဲ့ အ​တွေးမျိုးသာ စက္ကန့်ပိုင်း​လောက်ဝင်ပြီး ဘာမှထပ်မဖြစ်။

ယခုမူ Minjeong ​ခေါင်းထဲ စဥ်းစားစရာ​တွေ အစုလိုက်အပြုံလိုက် ဝင်လာ​​လေပြီ။

ဘာမှထူးထူးခြားခြား ကြိုးစားမ​နေတာ​တောင် သူဘာလို့ အဲ့​လောက်လှ​နေမှန်း အ​ဖြေရှာမရ။ ​ငေးကြည့်​နေရင်း နှလုံးသားထဲ ​နွေးလာသည်။ အာရုံစိုက်မှု​ကြောင့် ဖြစ်​ပေါ်​​နေ​သော သူ့မျက်​​မှောင်ကုတ်မှု​လေး အသည်း​တွေယားလာသည်။

ကြားထဲက စားပွဲဝိုင်း​တွေကို​ကျော်ပြီး ​ဘေးနားဝင်ထိုင်ရင်း အနီးကပ်ကြည့်ချင်စိတ်က တဖြည်းဖြည်း တားဆီးမရ​တော့။ သို့​သော် သူ့အနားမှာက Minjeong မသိတဲ့လူ​တွေရှိသည်။ တစ်ချို့က ကိုယ်လုပ်စရာရှိတာ​တွေကို လုပ်​နေ​ပေမယ့် တစ်ချက်တစ်ချက် သူမရဲ့မမကို ခိုးကြည့်ကြသည်။

ဘယ်တတ်နိုင်မှာလဲ။ သူက လူကြိုက်များတာကိုး။

ထုတ်မ​ပြော​ပေမယ့် တစ်ခါတစ်​လေ​တော့ လူကြိုက်များတဲ့သူ့ကို ရည်းစားလုပ်ထားရတာ နည်းနည်း မ​ကျေနပ်စရာ​တွေ ​ပေါ်လာတတ်သည်။

အတူလမ်းသွား​နေရင်း သူ့မှာရည်းစားရှိမှန်း မသိတာ​ကြောင့် ပွင့်ပွင့်လင်းလင်း ဖွင့်​ပြောကြသည့် အချိန်​တွေလည်းရှိသည်။ ထိုအခါမျိုးတွင် ယဥ်ယဥ်​ကျေး​ကျေး ငြင်းတတ်​သော သူ့အပြုအမူကို အထအန​ကောက်လွဲပြီး ​နောက်က​နေ တရစပ်လိုက်​ပြောရဲသည့် စကြာဝဠာ့ နွားများလည်းရှိသည်။