حارسي الشخصي مجهول الهوية

الفصل الثاني والعشرون

من رواية حارسي الشخصي مجهول الهوية بقلمي سندريلا انوش ❤💋💋...

فضحك بمكر قائلاً:متقلقيش كدا اوممااال...انا عاوزك بس تسمعيني للاخر خااالص وبكل هدوء.

في المساء..
منصور بجديه:بصي بقي يامو هند..احنا نقرا الفاتحه ونلبس الدبل عند الجواهرجي واحنا بنشتري الدهب حلو.

فنظرت هند الي امها وغمزت فتنحنحت والدتها قائله:وماله يا سيد الرجاله.

فنهض منصور وهو يغلق سترته قائلاً:طيب انا والحج هنستناكم تحت.
ثم نظر الي والده الذي يرمقه بنظرات متفحصه..

فابتسم منصور ابتسامه جعلت الرهبه تدب في قلب ابيه..

فقالت امه هند بسرعه:لالا احنا جاهزين من غير حاجه.
فنهضت هند بسرعه وقالت:ايوا يلا بينا.

فابتسم منصور ونزل امامهم ثم استقلوا سيارة اجره وذهبوا لشراء الذهب..

توقفت السياره امام احدي المحلات التي تبيع المجوهرات..فنزلت هند ووالدتها ثم خميس وابنه منصور..

فنظرت هند الي والدتها بتفاخر ودلفت قبل منصور الذي اوقف والده قائلاً بهمس:معاك كام!

فنظر خميس الي ابنه وقال:عشرين الف.
فنظر منصور الي المحل وقال:طب هاتهم معايا.

فاخرج خميس المال من جيبه واعطاه لابنه فاخذهم منصور ووضعهم في جيبه ثم دلف..

ووقف بجانب هند التي تقيس الخواتم ونظر اليها بعدم اهتمام ثم قال للبائع وهو يشير الي خاتم محدد:وريني الخاتم دا كدا.

فنظر البائع الي ما يشير اليه منصور وتناول ذلك الخاتم في يده واعطاه لمنصور..

فرمقه بنظرات اعجاب شديد وقال:عامل كام!
فقال الرجل ببسمه هادئه:اربع تلاف.
فهز منصور راسه باعجاب وقال:حلو هاخده.

فقالت هند بتعجب:بس دا مش عجبني يا منصور وكمان صغير عليا.
فنظر اليها بطرف عيناه ثم وجه حديثه للرجل مجدداً:وريني الغوايش دي كدا.

فاحضر الرجل طلب منصور واعطاه له..فقالت هند:حلوه اوي الغويشه.
فاخد منصور الاخري ولم يعطي اهتمام لما قالتله فنظرت اليه بضيق وقالت:هو في اي يا منصور الشبكه دي بتاعتي المفروض انا اللي اختارها.

وهنا تدخلت والدتها وقالت بانزعاج:علي فكره انا ساكته من الصبح عشان ميحصلش مشاكل بس بنتي عندها حق!

فوقف خميس بجانب ابنه وقال بحنق:ما تخليها تختار شبكتها يابني! هو انت اللي هتلبسها.

فضحك منصور وقال:لا مش انا اللي هلبسها بس هي اللي هتلبسها..واشار الي باب المحل فنظر الجميع وجدوا ندا تقف علي اعتاب المحل بكامل اناقتها ولكن شحوب وجهها كان ظاهر..