ويبقي الحب

الفصل الثاني

تخرج فريده من صاله الرحلات لتجد احدهم يحمل يفطه تحمل اسمها فتذهب اليه بسرعه فتجده موسي السائق الخاص لوالدها هذا الرجل الذي لم يفارق والدها طوال العشرون سنه السابقه .
لتقترب منه فريده بسرعه قائله: عمو موسي اذيك ياراجل ياطيب عامل والله ليك وحشه ياشيخ .

ليبتسم العم موسي اليها بعد ان ادرك ان تلك المنتقبه ماهي الا صغيرته فريده لتتوسع ابتسامته ويتحدث قائلا :
فريده !! معقول ...!!

لتضحك فريده برقه قائله: واحشني والله ياعمو عامل ايه وبابا ولين ...نفسي اشوفها قوي قوي ...عايزه اشوف المزيج الروسي المصري بيطلع عامل ازاي ...

ليبتسم موسي قائلا: لين ! لين دي جميله ...ماشاء الله عليها طالعه قمر ربنا يحفظها
يالا خلينا نمشي علشان هما مستنينا في البيت

لتوما له فريده وتذهب معه
يضع موسي حقائبها في السياره ويذهب سريعا بينما يتبادلوا الاحاديث طوال الطريق

موسي بفضول : انتي وصلتي فين في التعليم دلوقتي يافريده..

فريده بابتسامه تخفيها تحت نقابها: انا الحمد لله ياعمو خلصت طب وان شاء الله ناويه اتخصص جراحه ...يعني محسوبتك دكتوره قد الدنيا..

ليبتسم موسي باعجاب : ماشاء الله ربنا يحفظك يابنتي .

فريده بابتسامه: وانت ياعمو موسي مش ملاحظ انك رغم كل السنين دي الا انك لسه بتتكلم عربي ماشاء الله زي الفل

ليبتسم موسي قائلا: ماانتي عارفه اني من يوم والدتك ماجابني هنا معاه وانا مش بكلمه الا عربي وكمان معايا كريمه مراتي مش بتتكلم الا عربي ولحد دلوقتي مش راضيه تعترف باي لغه غيرها ..والعيال مجنينها والله بسبب كدا .

لتبتسم فريده قائله : انت مهاك اولاد ايه دلوقتي ياعمو انا مش فاكره الا مريم خلفت غيرها

موسي : معايا مريم ومروان عنده ١٧ سنه دلوقتي

فريده بهدوء : ربنا يحفظهملك ياعمو
..هو لسه كتير

موسي بجديه : لا خلاص هانت ساعه بالكتير ونوصل

فريده بهدوء : طيب ياعمو هغمض عيني ولما نوصل ابقي صاحيني

موسي بابتسامه: خدي راحتك ياحببتي .

********************
علي الجانب الاخر تجلس فاتن بجانب والدتها نبيله تشعر بشعور سئ فصدرها يضيق كلما تذكرت فريده لتنصحها والدتها بالاستغفار