وقعت في بحور انتقامه

وقعت في بحور انتقامه ( الفصل الاول )

ناهد : لولولولولولولولولوي
فتحت رحيق عينها لتقابل أشعة الشمس
رحيق : صباح الخير يا ماما
ناهد : صباح النور يا حبيبة ماما
رحيق : الساعة كام
ناهد : ٩ ونص يا حبيبتي
رحيق : يدوب اقوم علشان الكوافير
قامت رحيق وفي تلك اللحظة فتح باب الغرفة علي مصرعيه و دخلت شقيقتها كالعاصفة
ريناد : فين الشراب الاسود بتاعي
رحيق : سلام قول من رب رحيم صباح الخير كوتش ريناد
ريناد بغضب : فين الشراااب
رحيق بحذر : لبسته امبارح سوري
ريناد بحنق :يعني اتأخرت علي التدريب وكمان الشراب مش نضيف اوووووف
ناهد : تدريب اية انتي رايحة الشغل النهاردة فرح اختك
ريناد : هاجي قبل الفرح
وتركتهم وغادرت
ناهد : اقسم بالله مجنونة
روزانا : والنهاردة فرحي يا جدعان عاوز كله يبقي تمام لولولولولوي الف مبروك يا عروسة
احتضنتها رحيق وقالت : الله يبارك فيكي يا حبيبتي عقبالك انتي والكابتن ريناد
ناهد : سبحان الله انتوا التلاتة اخوات ومختلفين عن بعض خااالص
استووووووب
رحيق ( ٢٥ سنة ذات بشرة بيضاء شعر اسود طويل عيون بني وملامح جذابة )
ريناد ( ٢٣ سنة ذات بشرة شقراء شعر اصفر قصير يصل الي اول كتفها وعيون خضراء )
روزانا ( ٢٠ سنة ذات بشرة بيضاء ملامح طفولية شعر بني فاتح عيون عسلي )
******************
باسل : واحدة واحدة زميلي عالرايق اصل اخصامنا بتضايق
يوسف : بس بس دا صوووت
باسل : بغنيلك يعم
يوسف : تسلم يا معلم مستغنين عن خدماتك
باسل : صحيح فين سيف
يوسف : راح الشغل
باسل بدهشة : بتهزر
يوسف : بجد والله راح الشغل وقالي هرجع قبل معاد الفرح
باسل : دا انا واخد إجازة بقالي اسبوع
يوسف ضاحكا:  هو احنا كلنا فاشلين زيك
خلع باسل حذائه وقذفه علي يوسف وضحكوا سويا
استووووووب
يوسف ( ٣١ سنة ذو بشرة قمحي شعر بني عيون زيتوني )
سيف ( ٢٩ سنة ذو بشرة بيضاء شعري بني متداخل مع الاصفر عيون زرقاء )
باسل ( ٢٦ سنة ذو بشرة بيضاء شعر اسود عيون بني )
******************
ريناد : يووووه دا وقت إشارة كمان
سيف : اووووف انا كنت ناقص تأخير
وقع موبايل سيف ومال برأسه قليلا حتي يلتقطه وفي تلك اللحظة اصتدمت سيارتة بسيارة أمامه
سيف : اوبس هو اليوم باين من أوله
ريناد : يا متخلف
نزلت ريناد تري السيارة ونزل سيف أيضا
سيف : اسف يا آنسة مكنتش اقصد
ريناد بغضب : اسف اية و زفت اية بس انت بوظتلي العربية
سيف : اية الأسلوب السخيف دا انا غلطت واعتذرت عاوزة اية تاني يعني
ريناد بحدة : انا بردو اللي اسلوبي سخيف ولا انت اللي بني ادم عديم الاحساس
سيف بغضب : بت انتي متخلنيش أقل ادبي عليكي
و بدون سابق انذار رفعت ريناد يدها و صفعت سيف في منتصف الطريق تفاجأ سيف في بادئ الأمر ثم نظر بغضب شديد ود لو يخرج سلاحه و يدمر رأس تلك اللعينة ود لو يصفعها بدل القلم عشرة ولكن لم يستطيع فعل ذلك لأنها بكل بساطة ركبت سيارتها و انطلقت
ركب سيف سيارتة وضرب علي المقود بغضب
سيف : اقسم بالله لامشي وراكي أن شالله لو مروحتش الشغل النهاردة والله لاردهالك يا حيوانة
ظل سيف يراقب سيارة ريناد حتي وقفت أمام مقر عمله
سيف : اية الهبل دا دي وقفت قدام الوحدة بس ازاي امممم يمكن بنت رتبة ولا حاجة
ركن سيف سيارتة ودلف الي الوحدة بكل كبرياء وقوة وصرامة
وبعد فترة دلف إليه صديقه
محمد : صباح الخير
سيف : صباح النور
محمد : عامل اية يا معلم
سيف : الحمد لله
محمد : مالك شكلك متضايق يعني
سيف : مفيش
محمد : بص انا مش هتقل عليك علشان عارف انك كتوم ومش هتحكي حاجة بس عاوز أسألك سؤال انت جاي الشغل وفرح ابن عمتك وصديق طفولتك انهاردة
سيف ببرود : عادي هلحق اروح قبل الفرح
محمد : يا برودك يا اخي
سيف : جاي عاوز اية اصلا
محمد : بيقولوا المدرب الجديد بنت مش راجل
سيف : نعمممم بنت ازاي يعني بنت هتدرب ظباط علي اخر الزمن
محمد : انا كمان استغربت بقي بنت تعلم ظباط فنون قتاليه بس سيبك من دا كله بيقولوا أنها مزززززززة جامدة اخر حاجة
سيف : لم نفسك بقي
محمد : يعم فكها بقي دول كل ظباط الوحدة حبوا التدريب علشانها بيقولوا حاجة كدا اجنبي خالص شعر اصفر وعيون خضراء وتقفيل اجنبي
سيف : ربنا يهديك يا محمد
محمد : طب يلا عندنا تدريب نزلوا لايحة جديدة بتغير مواعيد تدريبنا
سيف : طيب روح انت وانا جاي كمان شوية
محمد : براحتك
******************
انتهي الفصل الاول
رأيكم يهمني
# أميرة اشرف لبنة .