وقعت في بحور انتقامه

وقعت في بحور انتقامه ( الفصل الثاني )

محمد ( ٢٩ سنة يمتلك بشرة قمحي شعر اسود غزير عيون رمادي لامعة )
ذهب محمد الي صالة التمرين وبمجرد أن رأي ريناد أطلق صفير عالي
محمد : اوباااااا اية دا هي كلية الشرطة بقت بتخرجلنا حلويات ولا اية
ريناد بحدة : احترم نفسك واتكلم عدل
ضحك محمد وبدؤا التدريب
أما عند سيف ظل يعمل حتي رن هاتفه
سيف : الو
يوسف : اية يا سيف انت فين
سيف : انا في الشغل
يوسف : شغل اية بس دي الساعة ٤ والحفلة هتبدأ ٥ انا خلاص رايح اجيب رحيق من الكوافير
سيف : طيب ماشي جاي
اغلق سيف الهاتف ووضع سلاحه في الحزام وحمل هاتفه ومفاتيح سيارته وخرج من الإدارة متجها الي المنزل
انهت ريناد جميع التدريبات و دلفت الي المرحاض اخذت شاور سريع وارتدت ملابسها وغادرت متجهه الي المنزل
*****************
توقفت سيارة سيف أمام فيلا تشبه تلك التي نشاهدها في التلفاز
نزل منها سيف واعطي المفاتيح للسائق
سيف : دخلها الجراج
السائق : امرك يفندم
دلف الي داخل الفيلا لم يجد أحد ووجد ورقة محتواها ( كلنا في الفرح تعالي علي القاعة )
دلف الي الحمام اخذ شاور و خرج ارتدي بدلة بيچ فاتح وقميص أبيض وفتح اول زرارين وحذاء هاڤان وصفف شعره بعناية ووضع عطره وأخذ سيارتة وانطلق نحو القاعة
*****************
وصلت ريناد الي الفيلا وأدخلت سيارتها الجراچ
ريناد : اوووف هروح ازاي الفرح بالخبط اللي في العربية دا
ظلت تفكر حتي رأت سيارة رحيق
ريناد : حلو هروح بعربية رحيق كدا كدا مش هتحتاجها النهاردة في حاجة
صعدت الي الاعلي وأخذت شاور وارتدت فستان ذهبي قصير يصل حد الركبة وصففت شعرها بعناية وتركته منسدل علي كتفها ووضعت القليل من الميكاب وأخذت حقيبة يدها وانطلقت نحو القاعة
*****************
في القاعة
دلف سيف وسلم علي يوسف وجلس مع والدته واخته ياسمين
و دلفت ريناد واحتضنت رحيق وسلمت عليها و جلست مع والدتها و اختها روزانا
صفاء والدة سيف : ربنا مش هيهديك وتتجوز بقي يبني
سيف : لأ انا كدا تمام
صفاء : طب بص العروسة دي
سيف بنفاذ صبر : فين
صفاء : اهي اللي في وشك علي طول
نظر سيف الي مكان ما أشارت والدته
سيف : لأ مش حلوة
صفاء بدهشة : مش حلوة دي زي القمر والله انت اللي عديم النظر
سيف : ماشي انا بتبطر
صفاء : انا سألت عليها و عرفت أن اسمها ريناد و أنها اخت رحيق كمان
سيف : ماشي
صفاء : هو اية اللي ماشي انت بتريحني علي قد عقلي
سيف : مش بريحك بس انا مش هتجوز بالطريقة دي
صمتت صفاء بتبرم وكانت ريناد مثل الفراشة تتجول بين الضيوف و تسلم عليهم بود
وكان سيف ينظر لها من حين الي آخر
سيف لنفسه : انا شوفتها فين قبل كدا شوفتها فين شكلها مش غريب عليا خالص
حاول سيف التذكر ولكن بلا فائدة
بالطبع لم يستطيع التذكر لأنها الان ترتدي فستان سواريه وتضع ميك أب وتفرد شعرها علي عكس الصباح كانت ترتدي بنطال رياضي وبلوزة نصف كم رياضية أيضا وكاب علي رأسها يخفي معظم ملامحها
روزانا : فوني بيرن هطلع ارد عليه بره
ناهد : ماشي يا حبيبتي
خرجت روزانا كي تجيب علي الهاتف وكانت تتحدث بشرود وتتمشي يمينا ويسارا بدون تركيز حتي اصتدمت بشخص ما ووقع الهاتف منها وكادت هي الأخري أن تقع ولكنها تماسكت
روزانا : انت اعمي مبتشوفش
باسل بأستفزاز : لأ بشوف الناس النضيفة بس
روزانا بقرف : عديم الذوق صحيح
باسل : وانتي لسانك طولك مرتين يا اوزعة
كادت روزانا أن تصفع باسل ولكنه مسك يدها قبل أن تصل إلي وجهه
باسل : لأااا يا قطة هتعملي اية مش انا اللي عيلة زيك تمد أيدها عليا
وثني يدها خلف ظهرها وتركها و رحل
فركت روزانا معصمها بألم وقالت : والله متخلف وحيواااااان
و بعد فترة
يوسف : طب سلام عليكم احنا بقي
ضحكوا الجميع
رحيق : بس يا يوسف
يوسف : بس اية كفاية كدا قاعدين بقالنا ساعتين اهو
وحملها يوسف و خرج من القاعة سريعا ضحك الجميع عليه و خرجوا ورائة
وانتهي الزفاف علي خير بدون أن يتعرف سيف علي ريناد فهل سيظل الحال علي ذلك أم سيتغير
تابعوا البارت التالت
اتمني يكون البارت دا عجبكم عاوزة تفاعل علشان انزل البارت الجديد
دمتم بخير
# أميرة اشرف لبنة .