وقعت في بحور انتقامه

وقعت في بحور انتقامه ( الفصل السادس )

كانت روزانا جالسة تتصفح الانترنت حتي سمعت صوت مألوف لها
باسل : السلام عليكم
جميع الطلاب : و عليكم السلام
رفعت روزانا رأسها سريعا لكي تتأكد من أنه حقا باسل
نظر باسل الي روزانا وابتسم
روزانا لنفسها : لا لا ليس معقول أهذا الذي يدعي باسل هو محاضر المادة للسنة الدراسية الجديدة !!
باسل : بصوا يا شباب انا هعرفكم بنفسي علشان عارف أن بيدور في دماغكم حاليا الف سؤال زي انا ابقي مين و ازاي دكتور المادة مع أن شكلي لسة صغير او انا بعمل اية هنا اولا انا اسمي باسل منصور عندي ٢٦ سنة خريج هندسة دفعة ٢٠١٦ فمن الطبيعي اني مش دكتور المادة انا بس معاكم النهاردة علشان دكتور عبد الرحيم اعتذر عن الحضور لظروف طارئة وان شاء الله هيكون متواجد معاكم من بكرة انا بقي خلصت رسالة الماچستير وهبدأ في تحضير الدكتوراه يعني ممكن سنتين تلاتة وأبدأ احاضر بأذن الله بأختصار كل اللي انا عاوز أوصله ليكم انكم تعتمدوا علي نفسكم واللي بيتعب بيوصل وتجتهد أن يبقي ليك وضع و مكانة وسط الناس ولازم انت الوحيد اللي تحقق مجدك ومتستناش حد يقدمهولك علي طبق من دهب لأن المقابل هيكون كبير وحتي و لنفترض أنه حصل وطلعت ونجحت علي كتف حد تاني مهما كان قريب منك هيجي يوم ويعايرك بكل اللي عملوا وينسب كل الفضل ليه هو انا الحمد لله أولي وتانية و تالتة هندسة جايب امتياز سنة رابعة الوحيدة اللي جبت فيها جيد علشان والدي توفي وحالتي النفسية كانت صعبة جدا ومكنتش بذاكر وكنت حرفيا متدمر بس بردو بعدها قدرت اقوم و أقف علي رجلي من تاني وفي سنة خامسة اتخرجت بأمتياز مع مرتبة الشرف وحضرت الماجستير وفي طريقي للدكتوراه الحمد لله ودي كانت حكايتي اتمني اكون أثرت فيكم ولو بنسبه ١ في المية حتي
وصمت باسل و صفق له جميع الطلاب
باسل : شكرا جدا ليكم للأسف وقتي خلص معاكم بس اتمني نتقابل تاني
و رحل باسل
ابتسمت روزانا وشعرت بقدر عظمة باسل وأنها دائما تحكم عليه بالظاهر وتأخذ قرارات وأحكام سريعة
لملمت روزانا اشيائها سريعا وخرجت وراء باسل
روزانا : باسل لو سمحت
التفت باسل وابتسم : نعم
روزانا : يعني اسفة علي اللي حصل الصبح
باسل : تمام ولا يهمك انا كمان رخم أظن كدا عرفتي انا هنا لية
روزانا : ايوة عرفت ربنا يوفقك
باسل : تسلميلي
ثم تركها وغادر و عادت روزانا الي المنزل
****************
بعد مرور أسبوع
في المساء
رن جرس الباب عند سيف قام فتح وجد محمد
دلف معه محمد الي الداخل وجلس
محمد : اخبار حضرتك يا طنط
صفاء : الحمد لله يا حبيبي انت عامل اية
محمد : تمام ماشي الحال
صفاء : اية مش ناوين تفرحونا انت وصاحبك الفقر دا بقي ولا اية
محمد : لأ سيف الأول انا اصغر منه بسنة
سيف : لأ يا معلم ابدأ انت بس وانا وراك علي طول
صفاء : والله انتوا الاتنين مش نافعين وعاملين تتعازموا علي بعض و خلاص
ضحكوا جميعا و دلفت ياسمين تقدم العصير
محمد : عاملة اية يا ياسمين
ياسمين : الحمد لله بخير
محمد : عاملة اية في الكلية
ياسمين : تمام
محمد : شدي حيلك ربنا معاكي
ياسمين : امين
وجلسوا فترة ثم انصرف محمد
***************
كانت ريناد جالسة في غرفتها تمارس هوايتها المفضلة الرسم
رن هاتفها وجدته سيف
ريناد : الو
سيف : اية الاخبار
ريناد : الحمد لله وانت
سيف : الحمد لله مال صوتك
ريناد : مفيش حاجة
سيف : لأ والله صوتك متضايق
ريناد : بصراحة صاحبك دا اسلوبه مستفز جدا ولا يطاق
سيف : قصدك علي مين محمد ؟
ريناد : مش عارفة اسمه بس هو دايما معاك
سيف : ايوة هو محمد علي فكرة دا طيب خالص وجدع جدا بس هو بيحب يهزر بس متزعليش منه يعني ميقصدش حاجة
ريناد : اوك
سيف : بتعملي اية
ريناد : برسم
سيف : بتعرفي
ريناد : دي هوايتي المفضلة
سيف : خلاص ابقي ارسميني بقي
ضحكت ريناد و قالت : لية ما انا بشوفك كل يوم
سيف : شكلك زهقانة مني
ريناد : لأ خالص والله انا بهزر بس اشطا اوعدك برسم صورة ليك
سيف : أما نشوف
ريناد : هتعجبك متقلقش
سيف : اتمني
ريناد : بس شكلك بتنام بدري
سيف : بنام ١١ علشان بصحي ٥ العب رياضة واتمرن لحد معاد الشغل
ريناد : كويس والله ربنا معاك
سيف : وانتي بتنامي أمتي
ريناد : لأ انا معايا لحد ١٢ أو ١ كدا
سيف : اشطا تصبحي علي خير
ريناد : وانت من اهل الخير
واغلق سيف ونام وعادت ريناد للرسم ثم خلدت للنوم وهي تفكر في سيف وتشعر بفرحه غريبة لا تعلم مصدرها
****************
بعد مرور شهرين
عاد يوسف من الشركة وجد رحيق جالسة في الصالة تبكي اقترب منها وجلس بجانبها
يوسف : مالك في اية
رحيق : ممكن أسألك سؤال
يوسف : طبعا يا حبيبتي اسألي
رحيق : انت ممكن تسيبني في يوم من الايام لأي سبب
يوسف بأعتراض : اية الكلام دا لأ طبعا دا انتي حلم حياتي دا انا مصدقت اتجوزنا عمرك سمعتي عن حد بيعيش من غير روحه
رحيق : حتي لو قولتلك اني مش هقدر أخلف
يوسف بصدمة : وانتي عرفتي منين
رحيق : روحت النهاردة للدكتورة وهي اللي قالت كدا
يوسف : وانتي تروحي للدكتور لية اصلا
رحيق ببكاء حاد : علشان متجوزة بقالي اربع شهور ولسة مفيش حمل روحت كشفت والدكتور قالت اني عندي مشاكل ومش هقدر ابدا اكون ام
وشرعت في بكاء حاد
احتضنها يوسف وهي يحاول أن يجعلها تهدأ
يوسف : خلاص يا حبيبتي اهدي كل مشكلة و ليها حل أن شاء الله بكرة نروح لدكتورة تاني ونشوف الموضوع دا و بعدين انتي محسساني أننا متجوزين بقالنا سنة
رحيق بأمل : بجد يا يوسف يعني في امل
يوسف بأبتسامة وهو يقبل رأسها : بجد يا عيون يوسف
انتهي البارت السادس
دمتم بخير
# أميرة اشرف لبنة .