وقعت في بحور انتقامه

وقعت في بحور انتقامه ( الفصل الرابع )

تاني يوم
استيقظ سيف واخذ شاور وارتدي ملابسه ووضع السلاح في حزامه وارتدي نظارته الشمسية وخرج من المنزل متجها الي مقر عمله
وبعد فترة
ذهب الي غرفة التدريب وجد ريناد ضحك بسخرية و استفزاز
سيف : آنسة ريناد يا محاسن الصدف
ريناد : عاوز اية
سيف : اية رأيك ننسي اللي فات ونبدأ صفحة جديدة
ريناد : ازاي يعني
سيف : يعني بما اننا يعتبر قرايب وشغالين مع بعض يعني ناخد رقم بعض ونعامل بعض بأسلوب احسن من كدا شوية
ريناد : لأ
سيف : بس انتي يعني بشعرك وبلبسك دا ورافضة الاختلاط غريبة دي
ريناد بحدة : انا مسمحلكش تتكلم عني بالطريقة دي ثم إن اللبس دا اصلا حاجة تخصني انا ملكش دعوة بيها وحاجة بيني وبين ربنا تماام
سيف : مالك اتقمصتي اوي كدا يعني
ريناد بزعيق : اتفضل اطلع برا
قام سيف بأخراج كارت من جيبه ورماه علي مكتب ريناد
سيف : علي العموم دا الكارت بتاعي فيه رقم تليفوني اتمني تفكري تاني في الموضوع تشاو يا قطة
وتركها وغادر
وضعت ريناد الكارت بحقيبتها بملل واكملت عملها ثم انتهت وركبت سيارتها وغادرت 
********************
علي الطريق
كانت ريناد تسير بسيارتها وفجأة توقفت حاولت أن تديرها مرة ثانية لكن بدون جدوي نزلت من السيارة وفتحت الكبوت ولم تستطع فعل شيئ وفجأة استمعت الي صوت شاب يأتي من بعيد نظرت خلفها وجدت اربع شباب يأتوا من اخر الشارع ووجوهم أثارت الرعب في نفس ريناد نظرت حولها ولم تجد أحد سواها بالشارع دلفت سريعا الي السيارة واغلقتها اتوماتيكيا من الداخل وأغلقت الضوء واراحت الكرسي للخلف قليلا لكي لا يروها هؤلاء الشباب ولكن الاصوات بدأت تقترب من السيارة امسكت حقيبتها وأخرجت الهاتف ولم تجد حل إلا أن تتصل بسيف
ريناد بصوت منخفض : الو ايوة يا سيف
سيف بعد أن أدرك صوتها : ايوة مين معايا
ريناد : انا ريناد
سيف : ريناد مين
ريناد : بطل استهبال يا سيف انا ريناد السويفي ارجوك ركز معايا بقي
سيف : يعني اتصلتي اهو يااااه وافقتي بالسرعة دي دا انا يدوب سايبك من ساعتين لأ انا ليا تأثير بردو
ريناد بمقاطعة : اسمعني بس كويس عربيتي عطلت مني في شارع جانبي و فيه اربع شباب شكلهم بخوف قاعدين حوالين العربية وانا خايفة اوي تعالي بسرعة
سيف : لأ اتصرفي يا كوتش خايفة لية مش انتي بتدربي ظباط بردو ولا اية
ريناد ببكاء : سيف ارجوك تعالي بسرعة قبل ما يحصل حاجة
سيف بقلق حقيقي : العنوان
ريناد : ٢٣ شارع .......
سيف : طيب خلاص انا جاي متخافيش وبطلي عياط و اوعي تنزلي من العربية
ريناد : حاضر
نزل سيف من المنزل سريعا متجهها الي العنوان الذي به ريناد
وبعد فترة قصيرة وصل سيف ونزل من سيارته واقترب من سيارة ريناد وخبط علي زجاج السيارة
ريناد بذعر : يا تري مين دا لا لا مش هرد
سيف : افتحي يا ريناد انا سيف
فتحت ريناد سريعا و نزلت من السيارة
بمجرد أن رأوها هؤلاء الشباب  اقتربوا من سيف وهم يتطاولون بالكلام وينظرون لريناد بوقاحة
سيف : ادخلي عربيتي يا ريناد
ريناد بقلق : بس أن
سيف بمقاطعة : قولت ادخلي العربية
انصاعت ريناد لكلامة وهي تنظر إليه بقلق
سيف : غور يلا منك لية
الشاب الاول : الله الله الله لية كدا بس يا كابتن
الشاب التاني : بص خلينا في الطيب هات المزة وهنطلعك من هنا سليم
الشاب التالت : قولت اية بقي
رفع سيف سلاحة في وجوههم
الشاب الرابع : نزل بس البتاع دا ليعورك يا شاطر
سيف : أما نشوف هيعور مين فينا
وأطلق رصاصة في قدم ذلك الشاب ووقع الشاب متألما وفزعوا بقية اصدقائة
سيف : يلا شيلوا ال.... دا وغوروا في داهية
ركبوا الشباب الموتسكلات وفروا هاربين
ركب سيف السيارة بجانب ريناد ونظر لها وجدها تبكي بخوف
سيف بهدوء : شششششش خلاص اهدي مشيوا مفيش حاجة
رفعت ريناد رأسها : انا كنت خايفة عليك
سيف بأبتسامة : انا زي الفل اهو
ريناد بخجل : انا اسفة انا اللي جبتك هنا بس فعلا مكنتش عارفة اتصرف
سيف : مفيش مشكلة عادي المهم أن الموضوع عدي علي خير
نظرت ريناد للأرض لحظة ثم دخلت في نوبة ضحك
سيف بأستغراب شديد : في اية بتضحكي اوي كدا ازاي مش كنتي لسة بتعيطي انتي عبيطة يبنتي
ريناد بضحك : لا لا مش عبيطة ولا حاجة بس انت لابس شورت اخضر علي تيشرت احمر علي شراب طويل علي شبشب بصباع
نظر سيف الي ملابسه وضحك هو الآخر : اوبس نزلت بسرعة ونسيت اغير هدومي
ثم أوصلها سيف الي المنزل بعد أن اطمأن عليها وأحضر ميكانيكي لتصليح سيارتها ثم أعاد السيارة الي منزل ريناد مرة أخري وعاد الي منزله تناول الطعام وادي فرضة ونام
خلص البارت الرابع
ارائكم
دمتم بخير
# أميرة اشرف لبنة .