وقعت في بحور انتقامه

وقعت في بحور انتقامه ( الفصل السابع )

كانت ريناد جالسة تنتظر اتصال من سيف
ريناد : اتصل بقي الساعة ٨ ونص اهي اتصل بقي
ظلت تنتظر و تتحرك في الغرفة بقلق وتوتر حتي رن هاتفها
ريناد بلهفة : الو يا سيف انت فين دا كله انت كويس اية اللي حصل
سيف بضحك : اهدي بس مالك
ريناد : اصل انت اتأخرت في الاتصال النهاردة فأنا قلقت عليك
سيف : لا كنت باخد دش بس
ريناد : الحمد لله انك كويس
سيف : بقولك اية
ريناد : اية
سيف : احنا نعرف بعض بقالنا قد اية ؟
ريناد : اربع شهور تقريبا
سيف :طيب انا جايلكم بكرة علي الساعة ٨
كدا أن شاء الله
ريناد بأستغراب : تنور طبعا بس لية يعني
سيف : علشان اطلب ايدك يا ريري
صمتت ريناد فترة مندهشة لا تجيب
ريناد : ...........
سيف : رينااااد
ريناد : .........
سيف : يبنتي روحتي فين
ريناد بفرحة : الكلام دا بجد
سيف : اه والله بجد لا لا شكلك مدلوقة خلاص مش جاي 
ريناد : علي فكرة عادي ولا يهزني
سيف : ايوة يشبح
ضحكت ريناد : يعم انجز جاي ولا لأ
سيف بضحك : جاي أن شاء الله
ريناد بمزاح : خلاص اقفل بقي ونام انت هتقرفنا من دلوقتي كفاية هتفضل قاعد علي قلبي طول العمر
سيف بضحك : انتي والله ملكيش حل
ريناد : يلا تصبح على خير
سيف : وانتي من اهل الخير يا خطيبتي
ضحكت ريناد و أغلقت الهاتف وظلت سارحة بخيالها فترة حتي ذهبت في النوم
*****************
تاني يوم
ياسمين : يااااااه والله مش مصدقة أننا اخيرا رايحين نخطبلك
صفاء : اه والله الحمد لله ربنا هداك اخيرا
سيف : عادي يا جماعة دا مجرد نصيب يعني و ربنا محببنيش في الموضوع غير لما دوري جه
صفاء : ربنا يصلحلك حالك يارب يا حبيبي
قبل سيف رأسها : تسلميلي يا ست الكل
وذهبوا جميعا الي منزل ريناد
رن جرس الباب عند ريناد وانتفض قلبها
ريناد بتوتر : شكلي حلو يا ماما
ناهد : بسم الله ماشاء الله يا حبيبتي زي القمر
كانت ريناد ترتدي فستان باللون السكري يعلوه جاكت چينز قصير باللون الكحلي و تصفف شعرها علي كتفها وتضع ميك اب بسيط
دلفوا جميعا الي منزل ريناد وسلموا علي بعضهم وجلسوا سويا
مالت صفاء علي إذن سيف : مش دي العروسة اللي انا جبتهالك في الفرح يا حبيبي
سيف : اه هي يا ماما
صفاء : ماشاء الله زي القمر بس ناقصها الحجاب
سيف : هتلبسه بعد الجواز أن شاء الله
ناهد : طيب نسيبهم لوحدهم
خرجوا جميعا وتركوا سيف و ريناد سويا
سيف : قمرين دول ولا عنين اية الحلاوة دي
ضحكت ريناد بخجل ونظرت للأرض
سيف : اية يصحبي انت بتتكسف
ريناد بتذمر : بس بقي انا مش صاحبك
سيف برومانسية : انتي حبيبتي
ريناد بخجل لكي تخرج من هذا الموقف : اومال انت عامل اية
سيف بضحك : الحمد لله ما انتي طلعتي بتتكسفي اهو
ريناد بضحك : يعني مش اوي
وجلسوا يتحدثون فترة ثم اتفقوا علي ميعاد قراية الفاتحة وانصرفوا عائلة سيف
**************
بعد مرور يومين
ناهد : أن شاء الله يا حبيبتي تنورنا في اي وقت نقرأ الفاتحة
صفاء : بأذن الله يوم الخميس هنيجي ربنا يكمل فرحتنا علي خير
ناهد : أن شاء الله
روزانا : لولولولولوي اخيرا ام الهول هتتجوز
ريناد بضحك : بس يا روزي
روزانا : وكمان بتضحكي و بتدلعيني لا لا في حاجة غلط اكيد دا انا قولت كدا وكنت مستنية بونية في وشي شلوت في بطني مثلا
ضحكوا جميعا وقامت ريناد تجري وراء روزانا ولكن قاطعهم رنين جرس الباب 
فتحت روزانا وجدت رحيق احتضنتها ودلفت معها الي الداخل
روزانا : اتفضل يا يوسف
يوسف : لا لا انا عندي شغل بس اعملوا حسابكم هاجي اتغدي معاكم أن شاء الله سايبلكم رحيق اهو
ضحكت روزانا وأغلقت الباب ودلفت الي الداخل
ناهد : باركي لريناد أن شاء الله هنقرا الفاتحة يوم الخميس الجاي
رحيق بفرحة : الف مبروك يا حبيبتي ربنا يتمملك علي الف خير يارب
ريناد : يارب يا حبيبتي وربنا يرزقك الذرية الصالحة يارب
حزنت رحيق ونظرت للأرض
ناهد : مالك يا حبيبتي
رحيق بحزن : روحت للدكتورة تاني النهاردة و بردو مفيش جديد
ناهد : أن شاء الله خير متقلقيش
رحيق بحزن : يااارب
خلص البارت دا يا حلوين
# دمتم بخير
# أميرة اشرف لبنة .