رحيق : انت كويس يا يوسف
يوسف : ايوة كويس
واكملوا طعامهم وناموا
رحيق بقلق : حاسة أن فيك حاجة
يوسف بتصنع للأبتسامة : لأ يا حبيبتي مرهق بس من الشغل وعاوز انام
اومأت له رحيق بصمت ثم خلدوا الي النوم
***************
يوم زفاف سيف و ريناد
يوسف : خلاص يا معلم دخلت القفص انت كمان
سيف بضحك : يلا بقي عملت فيكم ثواب
محمد : الدور جه عليا خلاص
باسل : مستعجل علي اية بس
محمد : بكرة تشوفوا اللي هتجوزها وساعتها هتقولوا يا زين ما اختارت
سيف : و دا اللي يهمنا انك تختار حد كويس
محمد : لأ من الناحية دي اتطمن انت مربيها علي ايدك
سيف بأستغراب : مربيها علي ايدي ازاي يعني !!
محمد : لأ يعني اقصد كأنك مربيها علي ايدك
يوسف ضاحكا : شارب حاجة ولا اية يا محمد
محمد : خلاص بقي انتوا كلتوا دماغ امي
ضحكوا جميعا واستكملوا أعمالهم
**************
في منزل ريناد
روزانا : بالضحكة دي قلبي متعلق وصورتها في دماغي بتعلق
رحيق : واللي عنده ضحكة زي ديا واللي لون عيونة مش عادية
ريناد : اية يجماعة دا كله علشان ضحكت خلاص بقي
روزانا : ضحكت يعني قلبها مال و خلاص الفرق ما بينا اتشال
ضحكت ريناد مرة أخري
ريناد : عقبالك يا مفعوصة
روزانا : قلب المفعوصة
واستكملوا أعمالهم هن الأخريات
**************
في القاعة
دلفوا سيف و ريناد وتعالت الهتافات والزغاريد العالية ورقصوا كثيرا وكانت ليلة لا تنسي من فرط جمالها وذهبوا الي منزلهم
وبقت روزانا تبكي أمام المنزل
باسل : بتعيطي لية
روزانا : علشان ريناد خلاص مشيت من البيت
باسل : يا روزي استهدي بالله بقي دي سنة الحياة يعني
روزانا : هتوحشني اوي
باسل : ما انتوا هتروحلها بكرة وهي كلها اسبوع وتيجي تزوركم
روزانا : ماشي انا هنام خلاص
باسل : تصبحي علي خير
روزانا : وانت من اهله
ودلفت الي المنزل ونامت وغادر باسل الي منزله
***************
تاني يوم
في تمام الساعة الثانية ظهرا
استيقظت ريناد علي رن الهاتف
أجابت بنعاس : ايوة يا ماما
ناهد : صباح الخير يا حبيبتي
ريناد : صباح النور
ناهد : اية الاخبار
ريناد : الحمد لله
ناهد : دايما يارب قولت اطمن عليكم واحنا جاين بليل أن شاء الله
ريناد : احنا بخير الحمد تنوري في اي وقت يا ماما
وأغلقت معها واعتدلت في جلستها وجدت سيف خارج من الحمام يرتدي شورت و تيشرت نصف كم
نظر إلي ريناد و ابتسم
سيف : صباح الخير يا مراتي يا قمر انتي
ريناد بعذوبة و خجل : صباح الفل يا حبيبي
سيف : الساعة كام شكلنا طولنا في النوم
نظرت ريناد للهاتف : ياااه دي الساعة ٢ الضهر واحنا لسة نايمين
سيف : و فيها اية يعني احنا ورانا اية
ضحكت ريناد و نظرت لسيف بحب : بجد ربنا عوضني بيك ربنا يخليك لقلبي يا حبيبي
سيف بهتاف : بحبككككك يا اجمل حاجة في حياتي
وفي المساء اجتمعوا الأقارب و الاصدقاء في منزل سيف ليباركوا له علي زواجه
****************
بعد مرور أسبوع
والدة يوسف : عملت اية في الموضوع اللي كلمتك فيه
يوسف : مفيش موضوع اصلا علشان اكلمك فيه انا رافض رفض تام ومش ممكن افكر اصلا ريحي نفسك يا ماما
والدته : يبني لاين دماغك دي شوية
يوسف : الاين دماغي ازاي انتي عاوزاني اخون رحيق يا ماما
والدته : خيانة اية بس ي حبيبي دا جواز علي سنة الله ورسوله
يوسف : بردو انا بعتبر دا خيانة انا بحب رحيق ومستحيل اجرحها بالشكل دا واحنا لسة قدامنا العمر طويل الدنيا مش هتطير يعني
وتركها و غادر وهو غاضب
*****************
في غرفة روزانا
كانت جالسة بغرفتها تبكي عندما رن هاتفها برقم غير معروف
روزانا : الو
باسل : كنتي بتعيطي طبعا
روزانا : مين معايا
باسل : معرفتنيش ولا اية
روزانا : هو الصوت مش غريب عليا بس فعلا مش فاكرة
باسل : طيب انا مش هقول انا مين لحد انتي ما تفتكري بس انا حسيت انك زعلانة قولت اهون عليكي شوية عاوز اقولك والله الدنيا مش بتوقف علي كدا دي سنة الحياة يا روزانا بكرة انتي كمان تتخطبي وتتجوزي وتسيبي البيت وتعيشي مع جوزك أسرة سعيدة يبقي لية الحزن دا بقي دلوقتي
روزانا : انت باسل صح
باسل : ايوة صح
ابتسمت روزانا : بجد شكرا جدا علي تحفيزك محدش غيرك هون عليا والله
باسل : بتشكريني علي اية يعني انا معملتش حاجة اصلا
روزانا : طيب وانت بقيت عامل اية دلوقتي
باسل بأستغراب : الحمد لله كويس بس انا اصلا مكنتش تعبان
روزانا : لا واحنا في الفرح كنت بتكح وشكلك كان مرهق
ضحك باسل : لا عادي متقلقيش
روزانا : طيب عاوز حاجة
باسل : عاوزك تخرجي من اوضتك بقي وتعيشي حياتك عادي بقالك اسبوع مش بتخرجي من الاوضة يبنتي
روزانا بأستغراب شديد : وانت عرفت منين
باسل بنبرة مضحكة : لأني براقبك و هراقبك يا مارد وشوشني
ضحكت روزانا بشدة
باسل بحنان : يلا تصبحي علي خير نامي بقي
روزانا : وانت من اهله حاضر هنام
باسل : هتنامي و مش هتعيطي تاني يا روزي
روزانا بأبتسامة : هنام ومش هعيط تاني
ضحك باسل وأغلقوا الهاتف وناموا وكل طرف يفكر في الأخر ويبتسم
البارت دا خلص
# دمتم بخير
# أميرة اشرف لبنة .
أنت تقرأ
وقعت في بحور انتقامه
Romansaصدمت ريناد وارتدت للخلف وقالت بشرود انت اكيد بتهزر نظر لها سيف وابتسم بسخرية ودي حاجة فيها هزار بردو
