ناهد : عملتي اية
روزانا : اقنعتها بالعافية تاخد دش و تنزل تفطر
ناهد : ربنا يصبر قلبها علي المصيبة دي يارب
روزانا : يارب
بعدما انتهت ريناد من الشاور خرجت وجدت البيجامة موضوعة علي الفراش نظرت إليها بسخرية
ريناد : البيجامة اللي ملحقتش ألبسها وانا عروسة هلبسها وانا مطلقة
وارتدت ملابسها ومشطت شعرها الاصفر الناعم و نزلت إلي الأسفل و جلست بجانب روزانا علي السفرة
ناهد : اية يا حبيبتي عاملة اية
ريناد بأبتسامة باهتة : الحمد لله
روزانا : يلا افطري بقي بسرعة علشان تروحي معايا النادي
ريناد : روزانا فعلا انا مليش مزاج ولا فيا طاقة اروح نوادي متضغطيش عليا وانتي اصلا اية اللي يوديكي النادي وانتي خلاص امتحاناتك باقي عليها اسبوعين
روزانا : عادي انا بذاكر اول بأول مفيش تراكمات عليا
ريناد : براحتك بس انا بجد مش قادرة اخرج
و نظرت إلي الطعام وتناولت في صمت تام ثم صعدت الي غرفتها مرة أخري و ظلت ماكثة بها حتي المساء
رن جرس الباب في تمام ال ٨ مساءا فتحت ناهد وجدتها رحيق ابنتها
رحيق بلوم : بقي معقول كدا يعني يا ماما اعرف بالصدفة أن ريناد اتطلقت
ناهد : محبناش نزود همومك
رحيق بعصبية : ملعون ابو همومي لازم اكون جنب اختي في ظرف زي دا
وتجاوزت والدتها و دلفت الي المطبخ
رحيق : طبعا مأكلتش حاجة من الصبح
ناهد : حاولنا معاها كتير
رحيق : سيبيها عليا
أخذت رحيق صنية الطعام و صعدت الي الاعلي وطرقت الباب ودلفت بهدوء وجدت ريناد مسطحة علي الفراش تبكي بصمت وتضم صورة سيف لقلبها وضعت رحيق صنية الطعام علي الكمودينو و جلست بجانب ريناد علي الفراش وظلت تمسح علي شعرها بهدوء حتي هدأت من البكاء وقامت لتناول الطعام وظلوا يتحدثون فترة وكانت ريناد تضع رأسها علي كتف رحيق شقيقتها الكبري و الأقرب الي قلبها وظلوا يتحدثون فترة طويلة حتي نامت ريناد علي هذا الوضع وضعت رحيق رأس ريناد علي الوسادة وأخرجت هاتفها ووقفت في الشرفة
رحيق : ايوة يا يوسف
يوسف : كنت لسة هتصل بيكي يا حبيبتي
رحيق : خير في حاجة حصلت
يوسف : ريناد أخبارها اية دلوقتي
رحيق : مصدومة اوي ونفسيتها بايظة خالص
يوسف : ربنا يربط علي قلبها المهم يا حبيبتي انا مسافر اسبوعين شرم الشيخ تبع الشغل
رحيق : السفر أمتي
يوسف : بعد ساعتين
رحيق بأستغراب : فجأة كدا يا حبيبي
يوسف : معلش الأمور اترتبت بسرعة
رحيق : طيب انا جاية احضرلك الشنطة
يوسف : لا يا حبيبتي انا جهزت كل حاجة متتعبيش نفسك
رحيق : طيب يا يوسف تروح و تيجي بالسلامة خلي بالك من نفسك
يوسف : حاضر يا حبيبتي متقلقيش ولو عاوزة تفضلي الفترة دي مع ريناد عادي يا حبيبتي مفيش مشكلة
رحيق : ماشي يا حبيبي سلام
يوسف : سلام
وعادت الي شقيقتها تمددت بجانبها و نامت
*************
في منطقة المقطم
كانت سيارة سيف واقفة في مقابلة سيارة محمد و يستند عليها بظهره هو و محمد
محمد : انت واعي للي انت عملته يا سيف
سيف بتوهان : انا ممكن اكون اتسرعت
محمد : انت بتفكر ازاي انا عاوز اعرف دماغك دي ماشية ازاي بجد يعني اية بنت ضربتك بالقلم تقوم تخليها تحبك وتتجوزها شهر وتطلقها !! وتلعب عليها لعبة زبالة زي دي اية شغل العيال دا سيف
سيف بغضب : انا ملعبتش علي حد هي تستاهل اللي حصلها علشان تبقي تلم لسانها و أيدها شوية
محمد : احب اقولك انك مش لميت ايديها و لسانها بس لأ انت قطعتهم يا صحبي وكسرت إنسانة انت حبيتها ومتهربش من الواقع يا سيف
سيف : عادي زي ما حبيتها بسرعة اكيد هحب غيرها بسرعة بردو
محمد بزعيق : انت يا باااارد انت عارف انت عملت ايييية انت كسرت إنسانة كانت مقدمالك عينها دي كانت هدية ليك من ربنا بس انت فعلا بجد متستهلش واحدة زيها ملاك زي ريناد دي خسارة في واحد زيك
امسك سيف قميص محمد بغضب : متقولش اسمها علي لسانك تاني يا محمد محدش يتكلم عنها بالطريقة دي غيري انا وبس فاااهم
انزل محمد يد سيف بعنف و قال بقرف : بطل بقي الهبل دا انت خلاص طلقتها يعني خسرتها و هي حلوة و صغيرة و مليون واحد يتمني ضفرها اكيد هتتجوز غيرك و هتحب من تاني و تعيش حياتها مع واحد يقدرها مش يكسرها
سيف بغضب هادر : ريناد مش هتبقي لحد غيري اقسم بالله اموتهااا
محمد بسخرية : والله بجد ضحكتني المفروض بما اني اقرب صاحب ليك اهون عليك و أقف جنبك بس انت تستحق تأنيب الضمير لأخر عمرك سلاااام
و ركب محمد سيارته و غادر
ضرب سيف الأرض بغضب : مش هتبقي لغيري
و جلس علي الارض و امسك رأسه بين يده و ظل ينظر للفراغ بصمت و حسرة
****************
تاني يوم
استيقظت رحيق في تمام الساعة ال ١٠ صباحا علي رن الهاتف
رحيق : السلام عليكم
يوسف : وعليكم السلام صباح الخير يا حبيبتي
رحيق : صباح النور يا حبيبي وصلت بالسلامة
يوسف : ايوة يا حبيبي انا كويس والله
رحيق : مال صوتك يا يوسف
يوسف بصوت مختنق : رحيق انا بحبك
رحيق : انا كمان بحبك يا حبيبي بس مالك
يوسف بحزن : انا كويس يا رحيق كويس بس مهما حصل انا بحبك والله مقدرش اعيش من غيرك
رحيق بقلق : يا حبيبي مالك بس قلقتني
يوسف : والله كويس متقلقيش
رحيق : طيب يا حبيبي ربنا يرجعك ليا بألف سلامة
يوسف : الله يسلمك يا رحيق
واغلق معها وظلت رحيق تنظر للهاتف بقلق واستغراب
رحيق : قلبي مقبوض عليك يا يوسف يارب تكون بخير
ونظرت الي ريناد وجدتها نائمة ايقظتها ونزلوا سويا لتناول الأفطار
رحيق : لابسه كدا و رايحة فين يا روزي
روزانا : رايحة الجامعة
رحيق : من أمتي الانضباط دا انتي طول ال ٣ سنين اللي فاتوا كنا بنتحايل عليكي علشان تروحي
روزانا : لأ اصل دي محاضرة مهمة وكمان خلاص الامتحانات علي الابواب
رحيق : بالتوفيق يا روحي
روزانا : قلبي والله
رحيق : ساكتة لية يا روني
ريناد : عادي هقول اية يعني
رحيق : تحبي نخرج سوا النهاردة
ريناد : ملوش لزوم انا مرتاحة في البيت اكتر
رحيق : علي العموم علي قلبك بردو يوسف سافر اسبوعين شرم تبع الشغل وانا قعداهم معاكي يا روني
ريناد : تنوري يا حبيبتي
روزانا : اوبااا بقي هنخربها ارجع من الكلية بس ونشوف الحوار دا
وغادرت روزانا
البارت دا خلص
# دمتم بخير
# أميرة اشرف لبنة.
أنت تقرأ
وقعت في بحور انتقامه
Storie d'amoreصدمت ريناد وارتدت للخلف وقالت بشرود انت اكيد بتهزر نظر لها سيف وابتسم بسخرية ودي حاجة فيها هزار بردو
