ركبت ياسمين بجواره في السيارة وانطلقوا الي الجامعة كانت ياسمين جالسة شاردة حزينة علي ما قالته لمحمد
ياسمين بتردد : محمد
محمد بجمود : يلا وصلتي
نزلت ياسمين وظلت واقفة تنظر إلي السيارة حتي اختفت من أمامها فدلفت الي الداخل بحزن
************
في منزل يوسف
رن هاتف رحيق برقم غير معروف فأجابت
رحيق : السلام عليكم
شاهندا : وعليكم السلام عاملة اية يا حبيبتي
رحيق بأستغراب : مين حضرتك
شاهندا : انا شاهندا معقول معرفتيش صوتي
رحيق بضيق : اه شاهندا عاوزة اية
شاهندا : اية المكالمة الناشفة دي
رحيق بغضب : أظن أن مفيش بينا اللي يخليني اكلمك كويس
شاهندا : انا علشان كدا بكلمك عاوزة اقابلك ونتصافي
رحيق : لا لا انسي انا كدا مرتاحة
شاهندا : يبنتي فكيها شوية وخلينا صحاب
رحيق : بس احنا اصلا مش زي بعض لا في السن ولا في طريقة التفكير
شاهندا : انتي محسساني اني عندي ميت سنة يبنتي دا الفرق بينا ٣ سنين بس وبالنسبه لطريقة التفكير فأنا لاقياكي كويسة ومحترمة علشان كدا عاوزة اتقرب منك
رحيق : اشمعنا التغير المفاجئ دا يعني
شاهندا بنفاذ صبر : انتي مش عاوزة تاخدي ثواب ولا اية
رحيق : مش فكرة كدا بس
قاطعتها شاهندا : من غير بس يلا قومي البسي علشان هعدي عليكي كمان ساعة علشان هنروح المول مع بعض
رحيق : طيب تمام
وأغلقت معها واتصلت بيوسف
رحيق : بقولك يا حبيبي
يوسف : قولي يا ريري
قصت له رحيق كل ما دار بينها وبين شاهندا عبر الهاتف
رحيق : فأنا بستأذن منك علشان اروح معاها
يوسف : بلاش يا حبيبتي ابعدي احسن عن شاهندا انا مش مطمن
رحيق : هي قصدتني في خير ويمكن فعلا ناوية تتغير يا حبيبي
يوسف : مش عارف اقولك ايه والله
رحيق : يلا وافق بقي يروحي
يوسف : ماشي يا حبيبتي بس متتأخريش وخلي بالك من نفسك
رحيق : حاضر
ضحك يوسف : والله انتي اللي مصبراني علي كل حاجة بتحصل
رحيق بأبتسامة : تسلملي يا حبيبي
وأغلقت معه وقامت ارتدت ثيابها وبعد فترة اتت شاهندا وذهبوا سويا الي المول
ذهبت معها بحسن نية ولا تعلم أنها ذاهبة لمكان سيقلب حياتها رأسا على عقب
***************
في المول
رحيق : دا كله ومفيش حاجة عجباكي
شاهندا : طيب بصي انا رايحة الحمام اظبط الميك اب
رحيق : روحي وانا مستنياكي هنا لما نشوف اخرتها
ذهبت شاهندا وظلت رحيق واقفة مدة قصيرة حتي وجدت شاب يقترب منها ويبتسم وبدون اي مقدمات امسك وجهها واقترب منها بشدة
رحيق بفزع وهي تدفعه بعيد : ابعد عني ابعد يا حيوان انت
وظلت تقاومه حتي نجحت في ابعاده
رحيق : انت مختل عقليا
وتركته وغادرت ولكن هذة المدة كانت كفيلة لتنفيذ خطة شاهندا الحقيرة
شاهندا : تمام اوي كدا
سمير : يلهوووووي علي الحلاوة اقسم بالله لو طولتها تاني ما هسيبها هو في كدا يا بختك يا يوسف
شاهندا بسخرية : اي لحقت ريلت عليها من كام ثانية شوفتها فيهم
سمير : كفاية عليا البت طلقة
شاهندا : طيب يلا شوف انت رايح فين وانا هروح ادور عليها اشوف راحت في انهي داهية
ظلت تبحث عنها حتي وجدتها اخيرا جالسة تبكي أمام الجراج وتستغفر ربها بصوت عالي
شاهندا بأهتمام مزيف : مالك يا حبيبتي بتعيطي لية
حكت لها رحيق من بين شهقاتها
رحيق : كدا حرام جدا ربنا يجزيه دا مجنون اكيد
نظرت لها شاهندا بشماته وركبوا سويا السيارة وعادوا الي منازلهم
خلص البارت دا
# دمتم بخير
# اميرة اشرف لبنة .
أنت تقرأ
وقعت في بحور انتقامه
Romansaصدمت ريناد وارتدت للخلف وقالت بشرود انت اكيد بتهزر نظر لها سيف وابتسم بسخرية ودي حاجة فيها هزار بردو
