يوسف : زعلانة لية بقي
رحيق : علشان عاوزاك معايا انا علي طول
نظر يوسف حوله ثم نظر لرحيق
يوسف : والله انا مش برتاح غير هنا اصلا بحس هنا بالدفا والأمان وإحساس الأسرة الحقيقية ثم نظر إلي عينها والحب طبعا والمكان اللي المفروض اكون دايما موجود فيه علشان بحبك بحبك انتي وبس
ابتسمت رحيق ونظرت الي عينه وقالت : وانا بحبك بحبك انت وبس
ولكن هل ستدوم هذا السعادة وهذا الحب ام ستنتهي بخطة شاهندا الدنيئة
***************
تاني يوم
استيقظ سيف ونظر حوله وجد محمد نائم وهو جالس علي الكرسي
سيف بصوت هادئ : انت يا يا انت اسمك اية طيب اصحي يعم انت
مازال محمد نائم
سيف بصوت اعلي : يا يا محمد اصحي يا محمد
فتح محمد عينيه وعدل وضعية جلوسه ونظر الي سيف
محمد بأبتسامة : صباح الخير
سيف : صباح النور عاوز ادخل الحمام واتوضي
محمد : من عنيا
قام محمد وأسند سيف حتي وقف واوصله الي المرحاض وانتظره حتي انتهي ثم اعانه علي الوضوء و اجلسه علي كرسي مرة ثانية
محمد : صلي وانت قاعد هنا وانا هدخل اتوضي وجاي
سيف : ماشي
دلف محمد الي المرحاض وتوضأ وبلل ملابسه
محمد : اوبس قميصي اتبل ماية وانا مش جايب معايا لبس
خرج وصلي بملابسه المبتله وكان سيف أيضا انتهي من صلاته
سيف : انا جعان
محمد : اكيد طبعا انا نازل اجيب فطار ربع ساعة وراجع
سيف : هدومك مبلولة
محمد : مش مشكلة عادي هتنشف احنا في الصيف
واخذ هاتفه ونزل احضر طعام وصعد إلي سيف مرة أخري ووضع الطعام علي المائدة واجلس سيف في مقابلته وشرعوا في تناول الطعام
محمد : سيف هو انت مش فاكرني خالص يعني مش فاكر شكلي أو أي حاجة عني
سيف : هفتكرك ازاي وانا اول مرة اشوفك امبارح اصلا
محمد : اصلك بتتعامل معايا بعشم اوي ومتعود عليا جدا وكمان وانت بتصحيني ناديتني بأسمي غريبة يعني
سيف : عادي انا فاكر اسمك من امبارح وبتعامل كدا علشان مفيش حد معايا غيرك
صمت محمد واكملوا طعامهم وجلسوا سويا يشاهدون التلفاز حتي أتوا صفاء و ياسمين
وبعد أن سلموا علي سيف واطمئنوا عليه جلسوا جميعا
صفاء : انا جبت معايا غدا اهو علشان اكل المستشفيات دا ملوش طعم
محمد بمرح : ايوة بقي يا صفصف يا مدلعنااا
وبعد فترة من الوقت تناولوا طعامهم واردفت صفاء
صفاء : يلا يا محمد روح انت واحنا هنبات مع سيف انهاردة كفاية عليك كدا يا حبيبي تعبناك معانا اوي
محمد : متقوليش كدا يا طنط سيف اكتر من اخويا دا انا اخدمه بعيني
صفاء : تسلم عينك يا ابني
محمد : انا بس هروح أخد دش واغير هدومي وجاي تاني بليل
صفاء : طيب خد ياسمين معاك علشان عندها محاضرة مهمة النهاردة ومش عاوزة تروح
نظرت لها ياسمين بحنق : محاضرة مش مهمة وبعدين يعني انا اخويا تعبان وفي المستشفي وانا هروح الجامعة !!
محمد : لو علي اخوكي احنا كلنا معاه وهو مش محتاج حاجة انما لو علي الكسل فأنا مش هسمح بكدا يلا هوصلك في طريقي
ياسمين : معايا العربية
صفاء : ازاي دا احنا جايين في تاكسي علشان صحينا من النوم لقينا العربية عطلانة
محمد : انتي مملة اوي علي فكرة يلا يبنتي هو انا هخطفك
تنهدت ياسمين بغضب وقامت معه
ساروا سويا وركبوا الاسانسير ولكن حدث عطل مفاجأ وانقطعت الكهرباء فزعت ياسمين ولا إراديا تمسكت بزراع محمد
اضأ محمد كشاف الفون ونظر الي ياسمين الممسكة بزراعه بخوف
محمد : متخافيش اكيد النور هيجي دلوقتي
ياسمين بتوتر : م مش خ خ خايفة اا اصلا
ضحك محمد : واضح فعلا انك مش خايفة خالص
مر حوالي عشر دقائق ومازالت الكهرباء منقطعة
ياسمين بدوخة وهي تتصبب عرقا : ا اا انا ممش قادرة اتنفس
انهت جملتها ووقعت مغشيا عليها
فزع محمد ونظر الي ياسمين بخوف وجلس القرفصاء ووضع رأس ياسمين علي قدمه
محمد : ياسمين فوقي بالله عليكي بلاش تخوفيني عليكي اكتر
ولكن ياسمين لا تستجيب
محمد : يارب يارب انا مش قادر اعملها حاجة يارب الكهربا تيجي
ثم أخرج زجاجة برفيوم صغيرة من جيبه ورش منه علي يده ثم قرب يده من أنف ياسمين وكرر ذلك أكثر من مرة حتي فاقت ياسمين ونظرت حولها بأستغراب ووقفت فجأة وكادت أن تقع لولا أن اسندها محمد
محمد : خليكي قاعدة انتي تعبانة
ابتعدت عنه سريعا وقالت
ياسمين : انت ازاي تسمح لنفسك تقرب مني بالشكل دا
محمد بنزق : انا عملت اية كان مغمي عليكي وفوقتك وكنتي هتقعي سندتك فين الغلط بقي
ياسمين : طبعا ما انت علشان متعود علي كدا فخلاص مبقتش تحس ان اللي بتعمله دا غلط
صدم محمد من رد فعل ياسمين اتجاهه
محمد : تصدقي فعلا انا غلطان انا كنت سيبتك كدا مرمية علي الارض مغمي عليكي وانا مالي
ثم صمت وتنهد بقوة ثم قال بغضب مكبوت : وبعدين مش كل ما تشوفيني تحسسيني اني شيطان ارحمي بقي شوية وياريت ملكيش دعوة بيا علشان أنا أخلاقي بايظة ومنحل ماشي !!
ثم أتت الكهرباء وتحرك المصعد واصتدمت ياسمين بالحائط وتألمت ولكن محمد أعطاها ظهره ووقف بعيد عنها لكي لا يفعل شيئا اخر
وفتحوا باب المصعد وغادروا سويا
خلص البارت دا
# دمتم بخير
# أميرة اشرف لبنة.
أنت تقرأ
وقعت في بحور انتقامه
Roman d'amourصدمت ريناد وارتدت للخلف وقالت بشرود انت اكيد بتهزر نظر لها سيف وابتسم بسخرية ودي حاجة فيها هزار بردو
