وقعت في بحور انتقامه

وقعت في بحور انتقامه ( الفصل الحادي عشر )

فتحت ريناد باب غرفتها و نزلت كما هي بدون تغيير ملابسها
بمجرد أن رأتها ناهد صدمت ونظرت لها بحنق و ضحكت روزانا بشدة اما بالنسبه لسيف تفاجأ في بادئ الأمر ثم ظل يتأمل بياضها الناصع و البيجامة التي تعطيها سن اصغر بكثير من سنها و شعرها المعصوق كعكة و بعض الخصلات المتمردة علي وجهها و رقبتها ووجهها المشرق المستدير و عيناها الخضراء التي تشبه الزرع المسقي بماء الندي
فكانت بالنسبه لسيف فاتنة و بشدة
ريناد : ازيك
سيف بتوهان و هيام : الحمد لله
نظرت امها بغضب وقالت : تعالي معايا المطبخ
قامت ريناد معها ودلفوا سويا الي المطبخ
ناهد : اية القرف اللي نازلة تقابلي بيه خطيبك دا
ريناد : اية يا ماما فيه اية خليه يتعود من دلوقتي مهو بعد الجواز مش هكون ٢٤ ساعة بالميكب واللبس الحلو هيشوفني في المطبخ وانا متبهدلة و هيشوفني وانا نايمة و هيشوفتي وانا تعبانة ووشي دبلان و مرهق خليه يتعود من دلوقتي احسن بقي
ناهد : والله مش عارفة اقولك اية
ريناد : اهم حاجة اني اقنعتك
وحملت صنية العصير وخرجت الي سيف قبل أن تعطي والدتها فرصة اخري للحديث
ريناد : اتفضل
سيف : شكرا
ريناد : مالك بتبصلي كدا لية اللبس وحش ولا اية
سيف برومانسية و هدوء : دا حلو اوي
ريناد : طيب
سيف : مش بتردي علي التليفون لية لما بتصل
ريناد بلا مبالاه : عادي مكنتش سمعاه
سيف : حاسس انك بتردهالي
ريناد : دماغي مش صغيرة اوي كدا
سيف : ريناد اتكلمي معايا عدل احسنلك
ريناد بنفاذ صبر : انت عاوز اية يا سيف
قدم لها سيف بوكيه الورد
سيف : متزعليش مني
اخذت ريناد الورد ووضعته جانبا
ريناد : خلاص تمام مش زعلانة
سيف : قوليلي بس في قمر كدا
ريناد بخجل : تسلم يباشا
سيف ' حبيبتي فوقي انا خطيبك مش قاعدين علي القهوة احنا
ريناد بضحك : عادي بقي
و جلسوا سويا فترة ثم غادر سيف و خلدت ريناد الي النوم
*******************
بعد مرور أسبوع
يوم كتب الكتاب
استيقظت ريناد و اخذت شاور و نزلت للأسفل و جدت العائلة مجتمعة علي السفرة
ريناد بأبتسامة مشرقة : صباح الخير
ناهد : صباح النور يا حبيبتي
روزانا : صباح الجمال يا موزتي
ريناد بضحك : موزتي !!!
رحيق : صباح الفل يا قمري
ضحكت ريناد مرة ثانية : كتير عليا كدا والله يا جماعة
وتناولوا الفطور ثم رن هاتف ريناد قامت لكي تجيب
ريناد بدلع : الووو
سيف : بكلم قمر علي الصبح كدا
ريناد بضحك : ازيك ي حبيبي
سيف : تمام
ريناد : انت فين اوعي تقول في الشغل
سيف : والله مش عارف اجبهالك ازاي بس انا فعلا في الشغل
ريناد : سيف انت بتهزر دا كتب كتابك انهاردة
سيف : والله ساعتين و جاي متقلقيش
ريناد : طيب انت وحشتني
سيف : انتي كمان يا حبيبتي
ريناد : طيب سلام بقي علشان تخلص و تيجي بسرعة
سيف : سلام
أغلقت معه و دلفت الي غرفتها و جدت رحيق و روزانا جالسين علي الفراش ينظرون لها
ريناد : مالكم بتبصولي كدا لية
رحيق : بصراحة مكنتش متوقعة خالص انك تحبي بالسرعة دي يا رينو
ريناد : اولا رينو دا ماركة عربية ثانيا بقي هو النصيب وبعدين ما انا بني ادمه يعني ومن حقي احب
روزانا : الحمد لله هنرتاح من بوكساتك يا شيخة
ضحكت ريناد : ماشي يستي شكراا
و قاموا وضعوا العديد من الماسكات للعناية بالبشرة و الشعر حتي الساعة ال ٣ ونص ثم قاموا ارتدوا ثيابهم
ارتدت ريناد ( فستان باللون الاحمر القاني به فصوص لامعه باللون الذهبي و ارتدت عليه حذاء ذهبي وصففت شعرها بطريقة رائعة ووضعت ميك أب ونظرت لنفسها في المرآه فكانت حقا جميلة للغاية )
ارتدوا رحيق و روزانا ( فستان بينك و عليه حجاب اوف وايت ووضعوا ميك أب بسيط و حذاء فضي كعب عالي )
بعد حوالي نصف ساعة اتي سيف مع عائلتة و نزل من السيارة بطلته المميزة ( كان يرتدي بنطلون بيچ و قميص ابيض )
نزل وأمسك يد ريناد و قبلها و ركبت بجانبه السيارة وانطلق نحو مكان إقامة كتب الكتاب
وانطلقت وراءه جميع السيارات
في المشيخة
المأذون : بارك الله لكما وبارك عليكما وجمع بينكما في خير بالرفاء و البنين
تعالت الزغاريد في المكان وقبل سيف رأس ريناد وحملها و دار بها و هو يحضتنها
سيف : بحبك
ريناد : انا اكتر
سيف : انا خاطف ريناد النهاردة يا جماعة سلام
ضحكوا جميعا و أخذ سيف ريناد وانطلق بالسيارة
ريناد : احنا رايحين فين
سيف : هخطفك
ريناد : هتخطفني فين يعني
سيف : اصبري وانتي تعرفي دلوقتي
بعد حوالي ربع ساعة كانوا وصلوا الي يخت علي النيل صعد سيف و امسك يد ريناد حتي صعدت وجدت ريناد ورد علي الأرضية مرسوم بها قلب مكتوب بداخله اسم ريناد و بلالين معلقة علي أطراف المركب ثم جلسوا علي تربيزة صغيرة
خلص البارت دا
# دمتم بخير
# أميرة اشرف لبنة .