UNICODE
ဆိုးလ်မြို့ရှိ Top 10ကျောင်းlistထဲတွင်တစ်ကျောင်းအပါအဝင်ဖြစ်သော Shiwa အထက်တန်းကျောင်း... ကျောင်းကြီးသည် မြို့၏အထင်ကရနေရာများမှတစ်နေရာတွင်တည်ရှိပြီး ဧကများစွာကျယ်ဝန်းလေသည်။
ယနေ့ကျောင်းဖွင့်ရက်ဖြစ်သောကြောင့် အဖြူနှင့်နက်ပြာရောင်ရောစပ်ထားသောကျောင်းဝတ်စုံများဖြင့် တက်ကြွလန်းဆန်းနေသောကျောင်းသားကျောင်းသူများကိုတွေ့နိုင်လေသည်။
ကျောင်းရှေ့တွင် ရှုပ်ယှက်ခပ်နေသောကားများကြား စက်ဘီးတစ်စင်း ကျောင်းထဲသို့ဝင်လာလေသည်။ ထိုစက်ဘီးပေါ်တွင် ကျောင်းသားနှစ်ယောက်ပါပြီး နောက်ခုံပေါ်မှကျောင်းသားလေးသည် စက်ဘီးနင်းလာသည့်ကျောင်းသားလေးအား စနောက်နေလေသည်။
"ရှင်းမ် တစ်လမ်းလုံးငြိမ်ငြိမ်မနေဘူး မင်းဘယ်လိုဖြစ်နေတာလဲ"
ရှေ့မှစက်ဘီးနင်းလာသူမှာ ပတ်ဆောင်ဟွန်းဖြစ်ပြီး နောက်မှလိုက်လာသူမှာ ရှင်းမ်ဂျယ်ယွန်းပင် ဖြစ်လေသည်။ တစ်လမ်းလုံး နောက်မှငြိမ်ငြိမ်စီးမလိုက်လာဘဲ မရယ်ရသောဟာသတွေပြောပြီး ကိုယ့်ကိုစနောက်နေသော ရှင်းမ်အား စက်ဘီးရပ်မှပဲ လက်မောင်းအားမနာအောင်ထိုးလိုက်ရင်းမေးလိုက်သည်။
"ဒီအတိုင်း မင်းနဲ့ကျောင်းတူတူမလာရတာကြာပြီဆိုတော့ ပျော်လို့"
အရမ်းပျော်နေပုံပေါ်သောရှင်းမ်အားကြည့်ရင်း ကိုယ်တိုင်လည်းပျော်မိသည်။
"ဒါဆို နောက်နေ့တွေလည်းတူတူလာကြမယ် ငါမင်းကိုဝင်ခေါ်မယ်"
"ok.. သွားစို့"
ကျောင်းထဲသို့ဝင်မည်အပြုတွင် ကျောင်းရှေ့တွင် ရပ်လိုက်သောရင်နှီးနေသည့်ကားအဖြူလေးအားမြင်သော် နှစ်ယောက်လုံးရပ်စောင့်နေလိုက်ကြသည်။ ကားရပ်ပြီးမကြာ ကားပေါ်မှအလွန်ချစ်ဖို့ကောင်းသောကောင်လေးတစ်ယောက်ဆင်းလာလေသည်။ အသားလေးမှာဖြူဖွေးနေပြီး ကျောင်းဝတ်စုံလေးနှင့်အလွန်လိုက်ဖက်နေသည်။ နက်မှောင်၍ဖြောင့်စင်းနေသောဆံပင်လေးများကြောင့် အုန်းသီးလုံးလေးကဲ့သို့ပင်။ သာမန်ကျောင်းသားများထက်အရပ်လေးမှာမဆိုသလောက်လေးပုသောကြောင့် ပုပုလုံးလုံးလေးနှင့် အလွန်ပင်ချစ်ဖို့ကောင်းလေသည်။
