نور الزين(قيد الكتابه)

الفصل السادس عشر (هربت العروس)

_مش لاقياها
نطقت بها نور بهمس الى تيم الذي شحب وجهه عندما استمع اليها
فسألها قائلاً:
_راحت فين يعني
_معرفش مش موجوده
اتجه اليهم رحيم وهو يقول:
_كل الناس تحت اتأخرتو ليه
_حياة مش موجوده ومش لاقياها
سألها رحيم:
_جميله؟؟!
شحب وجه نور وهي تقول بعدم تصديق:
_لا اكيد لا هي مش هتقدر تعمل كده
تدخل تيم وهو يقول:
_جميله مين
لم تجيبه نور وذهبت مسرعه الى حراسها الذي كانو يقفو امام باب الصاله الذي سيقام بها الخطبه وقالت:
_انتم متأكدين انكم مأمنين الاوتيل كويس
_طبعاً يا هانم كله متأمن
_حياة مش موجوده حالاً تقلبوا مصر كلها عليها
اقل من نصف ساعه وانقلبت الخُطبه وذهب اغلبهم بحثاً عن العروس المختطفه او..... الهاربه
وفي هذا الطريق المظلم الذي اصرت حياة على ديمه ان تتركها ببدايته كانت تركض وهي تتحامل على قدمها الذي كانت تؤلمها بسبب الكعب العالي وكانت تضم فستانه الطويل حول يديها كي تسطيع الركض اقتربت منه ووقفت تلهث هي تنادي بصوت عالِ بعض الشئ:
_زيااد
اقترب منها وهو يقول بتعجب:
_ح.. حياة انتِ بتعملي ايه هنا
_انا سبت الخطوبه عشان كنت غلطانه وعايشه في كدبه لازم افوق منها كفايه اني خسرتك كل الفتره اللي فاتت
_انتِ خسرتيني للأبد يا حياة
قالها بحزن يتغلغل بصوته فردت حياة بتفاجؤ ودموع:
_لا انا هفهمك حبي ل ماما كان عاميني ونور نور مكنتش عايزه اخذلها ارجوك افهمني وادينا فرصه انا... انا بحبك
_عمرك ما حبتيني كنتِ بس بتحبي اهتمامي بيكي واكبر دليل بتقولي دلوقتي انك مكنتيش عايزه تخذلي اختك وهو انتِ هتخذليها لما تعرف ان انا بحبك وعايز اتجوزك
_استنى انا هشرحلك والله نور كانت مقتنعه ان الشاب ده كويس وكانت بتقنعني بيه بس انا كان عليا ضغط ومكنتش عارفه اخد قرار وكنت عايزه اشوف ماما يا زياد انت اكيد فاهمني صح بس هي طلعت ميته وانا كلمتك كتير مكنتش بترد كنت محتاجالك وانت كنت بتشوف الرسايل ومش بترد بس مش مهم انت جمبي دلوقتي ومش هسيبك تاني وانت مش هتسيبني صح يا حبيبي
كانت تقولها بأنهيار شديد وهي تمسك بيده بكفيها الاثنين
رد زياد بكراهيه اصتنعها ببراعه:
_لا يا حياة انتِ غلط المره ديه احنا خلاص مينفعش نكون لبعض يا حياة هتهربي اد ايه اسبوع ولا اتنين ولو حته سنه اختك هتلاقيكي وهترجعك تكملي فرحك وهتتجوزيه وزي كل مره مش هتقدري تقولي ل اختك لا.... احنا مش لبعض يا حياة يعني خلاص
همست بتردد:
_خلاص؟؟!
اجابها بجمود:
_ايوه يا حياة خلاص
ابتعدت وهي تحاول ان تبتعد عنه ولكن في كل مره تخونها قدماها وتقف فسألها قائلاً:
_هتروحي فين
التفتت له وهي تقول ببكاء:
_معرفش...ممكن توصلني اي اوتيل بس ومش هحتاح منك حاجه تاني ومتقلقش هدفعلك فلوس انك توصلني
اومأ لها ركبت هي بجواره في سيارته ولاحظت استايل لبسه الذي تغير فقالت:
_بقيت بتلبس بدل
_اه حبيت اغير كل حاجه في حياتي
_شكلك حلو على فكره اتمنى انك تفضل لابسها
_شكراً

بكت نور بأنهيار بين احضان ماسه الذي كانت تبكي منذ ان عادو الى منزل نور ولكنها تحركت من مكانها عندما لمحت زين الذي يقف امامها وهو يطالعها بندم شديد على انه ساعد حياة للهرب فاحضتنته نور وهي تقول ببكاء:
_راحت مني يا زين انا السبب كان المفروض ماسيبهاش تقعد لوحدها
زاد زين من ضمها وهو يقول:
_اهدي يا نور اكيد لو اتخطفت هيكلموكي
_خايفه عليها اوي ممكن يكونو عملولها حاجه
جذبتها زوجة اخيها بعدما لاحظت دخول تيم اسرعت نور اليه وهي تقول:
_عرفت حاجه
_متقلقيش كلمت ناس وحطو كماين على طرق السفر بمواصفات حياة واكيد لو شافوها مش هسيبوها
دخل جاسر وزوجته وابنه فاحتضن نور وربت بحنان على شعرها قائلاً:
_متقلقيش يا حبيبتي هترجع
_يارب يا أنكل يارب