اذا بحثت في هذه الحياة لم تجد من يساعدك او يساندك إلا اخوتك حتى وحين يرحل الجميع لم تجد جوارك إلا اخوتك
مرت ساعه وحياة تحكي جميع التفاصيل ل تيم وهي تبكي بشده وتشكو له من غبائها الذي جعلها توافق على امجد و زياد الذي كانت تعتقد انه يرى الرسائل ولم يساندها لو برساله ومن نور الذي لا تعرف شيئاً عنها منذ الامس
ضمها تيم وقال لها:
_انسى انسى كل اللي حصل يا حياة وانا جمبك ومش هسيبك
زاد بكائها وهي تتذكر كلام جاسر عن وفاة والديها:
_ماتو من غير م اشوفهم كان نفسي اكون فاكراهم
ولا حتى معايا صوره
_انا معايا صوره
_ممكن اشوفها.
اشار لها الي هذه الصوره المُعلقه في الغرفه وقال:
_طبعاً
نهضت حياة من مكانها وامسكت هذه الصوره وقالت وهي تحاول السيطره على بكائها:
_كان بيركب خيل زيي
ابتسم تيم قائلاً:
_حاول يخليني اركب خيل بس مكنتش بحبه
اندفعت حياة وهي تقول:
_انا بحبه اوي انا اصلاً عندي اسطبل في خيل كتيره
دخلت رزان الى الغرفه وهي تقول:
_حياة غالباً السواق بتاعك بره
خرجت حياة وبالفعل وجدت طاهر السائق يقف لدى الباب وعندما رأها قال:
_حياة هانم الدكتوره بتقولك روحي لها على شقتها ونور هانم وراها شغل مش هتخلصه دلوقتي
_تمام يا طاهر عشر دقايق ونازله
نزل طاهر والتفتت حياة وقالت:
_انا همشى دلوقتي بس هاجي تاني اكييد عشان اشوف رَيان
سألها تيم:
_هي مين الدكتوره ديه يا حياة
_ديه ماسه صاحبة نور هات رقمك عشان اكلمك
املاها تيم رقمه ورقم زوجته ورحلت حياة الى منزل ماسه الذي كانت تذهب اليه لأول مره
دخلت حياة المنزل الذي كان تملؤه الاتربه فقالت ل ماسه الذي كانت تقف في ردهة المنزل:
_هتبيعيه ولا ايه
_لا مش هبيعه هنضفه عشان هقعد فيه ونور قالتلي اخليكي معايا عشان متقعديش لوحدك
سألتها حياة قائله:
_انتِ كنتِ عارفه صح؟
ابتلعت ماسه لعابها وهي تقول:
_كنت عارفه ايه
_متستعبيطيش عليا يا ماسه انتِ اكيد كنتِ عارفه بالحادثه وكمان كنتِ عارفه ان عندى اخ عشان لما سألتيني من كام يوم "لو طلع عندى اخ فجأه هعمل ايه" ولما سألتك ايه اللي طلع السؤال في دماغك قولتيلي انك لقيتيه منتشر اوي على السوشيال
وامام قبر والدهم
كانت تقف نور والدموع تملئ وجهها وهي تقول:
_كنت بقول احلام ومش هفكر فيها وكنت دايماً شايفاك my hero (بطلى) وكنت بقول انك عمرك م هتعمل حاجه تأذيني وكنت دايماً واقف جمبي وبتدعمني وكنت بحب علاقتك بماما....مكنتش اعرف انك بتعاملها عشان متحسش بالذنب عشان مكنتش عايز تحسسها انك بتخونها بعد لما مت انا لقيت كل اللي يثبت انك دخلت في شغل مشبوه واننا كنا هنبقى على الحديده بسببك وبسبب الستات اللي بتجرى وراهم استغليت اني اشتغلت معاك اربع شهور وخليتني عملتلك توكيل وورطني معاك في شغلك ال*** اللي حتى بعد ما خرجت نفسي منه بصعوبه خايفه منه ان يأذيني انت لو كنت عايش وشوفت انا اتعذبت اد ايه بسببك كنت هتبقى مبسوط كنت هتكون مرتاح وانت شايف بنتك كل يوم قاعده لوش الفجر بدور على حل لكل المشاكل اللي كنت مورطني فيهم.....
كادت ان تكمل كلامها ولكن قاطعها رنين هاتفها المستمر وعندما اجابت اتاها صوت رحيم.هو يقول:
_مصيبه يا نور مصيبه
أنت تقرأ
نور الزين(قيد الكتابه)
Diversosهو القاسي المغرور مع كل البشر ولكن معها يكون ك الطفل الصغير وهي الذي تحملت المسؤليه منذ نعومة اظافرها وقد وعدها ان يعيد لها بسمتها التي لم يراها الا مرات قليله بل لم يراها ابدا وايضا قد وعدها ان يتحمل اي مسؤليه كانت على عاتقها سابقا ولكن هل سيفى...
