نور الزين(قيد الكتابه)

الفصل الرابع (تشعر بالهواء)

حب الطفوله........حب الطفوله هو اصدق حب من الممكن ان تراه على الاطلاق فدائما ما يقولو ان الاطفال لا يعرفون المكر او الخداع ولكن هذا لا يستمر طويلا فمجرد ان يكبرو ويصبحو شبابا واناثا يتغير كل هذا
سمعت حياة هذا الصوت وانقبض قلبها خوفا من ان تكون نور عي التي على الباب ولكن حالفها الحظ هذه المره وكانت ماسه هي التي على الباب خطت داخل الغرفه قائله بأبتسامه:
_انا جيتلك اهو يا ستي قولي كنتي هتيجي تقوليلي اقول ل نور على اي وبتكلمي مين في الفون
زفرت حياة بأرتياح وقالت:
_بعدين يا ماسه هقولك
امسكتها الأخرى من يدها واجلستها على الفراش وقالت:
_يا بت متفكريش ان انا هبله عشان ملاحظش كلامك اللي كان على الفطار ده وقعدتك طول الليل في التراس كل ده ميدلش على حاجه

تأكدت حياة ان لا أحد يستمع أليهم وقالت بخفوت وخجل:
_بصي هو انا عارفه ان ممكن اللي يكون بعمله ده مش صح خالص بس انتي غير نور نور مندفعه جدا لكن انتي هتفهميني وتسمعيني وكمان انا واثقه انك هتساعديني اخد القرار الصح
نظرت لها بشك وقالت بعدم ارتياح:
_الموضوع في شاب مش كده
اومأت لها حياة بخجل وقالت بسرعه:
_بس قبل ما اقولك اي حاجه عيزاكي تتأكدي ان هو شاب كويس جدا وكمان والله من عيله محترمه وانا واثقه جدا ان هو بيحبني و.......و وكمان انتي تعرفيه
زفرت ماسه بترقب وقالت:
_انجزي يا حياة هو مين
نظرت لها حياة بتردد وخوف قائله:
_ز..... زياد الالفى اخو الدكتور فارس
ظلت ماسه عدة ثواني صامته تحاول استيعاب ما تفوهت به حياة الآن تكلمت حياة بخوف قائله:
_ماسه....... هو يعني ممكن متقوليش لنور لحد ما انا اقولك تقوليلها
تحدثت ماسه بهدوء قائله:
_سيبك من ان انا اقول لنور او لأ عشان كده كده هيجي يوم وتعرف بس ليه مقولتليش من الاول وازاي عمرك مـ شكيتي ان هو ممكن يكون بيلعب بيكي او........
نفت حياة سريعا:
_لا والله ابدا هو اكيد مش بيلعب بيا واساسا بيعمل حاجات كتير علشاني حتى والله هو نزل يشتغل مع اخوه من اول السنه اللى فاتت علشان يجي يتقدملى وعلطول بيقولى اني اقولك او اقول لنور علينا ماسه والنبي متقوليش لنور
ردت عليها ماسه بنفس هدوئها:
_تمام بصي انا مش هقول لنور بس هقول ل رحيم ورحيم هيسأل عنه يشوفه كويس ولا لأ و كمان انتي اوعديني ان هو لو طلع مش كويس مش هتكلميه تاني و هتقفلي صفحته من حياتك ولا كأنك تعرفيه
نظرت لها حياة بتردد وهي تقول:
_ممكن بس بلاش ابيه رحيم اصل هو ممكن يزعق
_لا متخافيش مش هيزعق ولا هيعملك حاجه طول م انا موجوده تمام يا حياة
اومأت لها حياة:
_تمام يا ماسه انا هقوم البس علطول وانتي قومي البسي انتي كمان عشان تقريبا كده عندك شغل
هات ماسه بسرعه:
_ياربي ازاي نسيت باي يا حياة كلميني لما توصلو

خرجت ماسه من غرفة حياة و عادت حياة لإستكمال تحضيرها لملابس الحفله على الصعيد الاخر كان زياد ينتابه ااقلق لأجل حياة وكان يفكر من الذي كان على باب حياة وماذا فعل لها حتى جاءت اليه هذه الرساله من حياة والذي جعلته يطمئن كثيرا وكان مضمونها "زياد اطمن انا كويسه وكمان نص مشكلتنا اتحلت"
اطمئن زياد.كثيرا بسبب هذه الرساله
وبعد مرور بعض الوقت كانت تخرج نور من باب منزلها بهيبتها التي يعشقها صاحبنا وقالت ل شقيقتها:
_خليكي هنا ثواني وهرجع
اومأت لها حياة التي كاد ان يخرج قلبها من قفصها الصدري من فرط الحماس
اتجهت نور الى القصر المجاور وعنده كان زين يستعد لركوب سيارته ولكن لاحظ هذه الحوريه التى تقف على باب حديقته فأتجه اليها سريعا وهو يقوم بفتح الباب وكان يقول:
_أنسه نور في حاجه ولا ايه
نفت نور وهي تقول بأبتسامه مشرقه:
_لا ابدا بس جيت أأكد على حضرتك ميعاد الحفله و.. و كمان في حاجه تاني
عقد زين حاجبيه قائلا بأستغراب:
_اتفضلي انا تحت امرك
اجابته نور:
_مش عارفه حضرتك تعرف ولا لأ ان اختى هتحضر معانا الحفله دي

حك زين ذقنه بتفكير وهو يقول:
_اختك........اه اختك الصغيره كان اسمها حياة تقريبا
اومأت له بأبتسامه:
_ايوه هي حياة......انا بس بطلب من حضرتك انت واللى هيحضرو معاك الحفله ان محدش يجيب سيرة الحادثه وكمان عايزاك تساعدني في حاجه لو ينقع
اجاب زين دون تفكير:
_طبعا اتفضلي
_ممكن بس حضرتك متخليش حد من الصحافه يدخل الصاله اللي هتكون فيها الحفله عشان انا لو عملت كده حياة اكيد هتحس ان في حاجه وانا مش،عايزه حاجه تعكر تفكيرها اليوم ده
_تمام مش محتاجه حاجه تاني
ابتسمت له نور وهي تقول:
_لا.....بس حضرتك مش هتكون عارف انا هكون ممتنه ليك ازاي واسفه ان انا اخرتك على ميعادك
تركته نور وعادت نحو شقيقتها فهي قد تأخرت على ميعاد سفرهم

عندما عادت نور الى منزلها كانت تتحدث مع سائقها
"حسان" وهي تقول:
_يعني العربيه كويسه يا حسان اتأكدت ان كل حاجه في تمام؟
اجابها السائق بأحترام:
_طبعا يا هانم كل حاجه كويسه و كمان في بنزين يكفي السفر
اومأت نور وهي تكمل كلامها:
_طب و عربيات الحرس برضو ايه خليت حد يتأكد منهم
اومأ السائق قائلا:
_اه يا هانم كل العربيات فل وكلهم مستنين حضرتك
عقبت نور بجديه:
_تمام يلا هنتحرك دلوقتي
تركته نور واتجهت نحو سيارتها التي ركبت بها شقيقتها منذ وقت طويل وما ان ركبت جوارها
بالخلف حتى تحدثت حياة قائله بحماس:
_انا بجد مش عارفه اوصف شعوري متوتره اوي وخايفه وفرحانه
ضحكت نور قائله:
_عادي عادي يا حبيبتي اول لما تحضري الحفله والملل اللي هيكون فيها شعورك كله هيختفي ومش هتحسي بحاجه خالص
وضعت حياة رأسها على كتف شقيقتها وهي تقول بجديه:
_نظر هو انا ممكن اقولك على حاجه
ضمها نور وهي تمسد على خصلاتها بحنان:
_طبعا يا حبيبتي قولي

تحدثت حياة بتوتر قائله:
_يعني هو انا لو جيت في يوم قولتلك اني معجبه بشاب هتعنلى ايه
ردت عليا نور ببعض الجمود:
_طلاما انتي فتحتي الموضوع يبقى تسبيني انا اتكلم
بصي يا حياة هو مش لازم تكوني معجبه بيه او لا لانك ممكن تحبيه مع الوقت ممكن تحبيه بعد ما ينكون فيه بينكم حاجه رسمي لكن الاهم انه يكون مركزه كويس
ويكون هيقدر يوفرلك عيشه زي اللي انتي عايشاها ويمكن احسن و كمان يناسب عيلتك وميكونش متهور طبعا كل ده اهم من الاعجاب..... الاعجاب اكيد هيجي مع الوقت
هزت حياة رأسها بيأس ن افكار شقيقتها فبالتأكيد عي مخطأه في كل ذلك فالحب لا يأتي مع الوقت لكن بالمعامله الحسنه والشعور بالمسؤوليه تجاه من تحب وبالتأكيد الغيره فهي عامل اساسي على قيام الحب وايضا الحب لا يخلو من بعض التضحيات من الطرفين

على الجانب الأخر طرقت ماسه باب مديرها بهدوء فأذن لها فارس بالدخول........فدخلت هي وجلست امامه وهي تقول:
_انا جايه اتكلم مع حضرتك في موضوع شخصي
____________________________
Selmar /Mallak Mahmoud
رأيكم؟!
توقعاتكم؟!
تفتكرو كلام نور صح؟!
لو حياة قالت لنور انها بتحب زياد هتعمل ايه؟!
زياد من فيه مواصفات الشاب اللي نور بتتمنى انه يكون لحياة ولا لأ؟!
ايه الموضوع اللي ماسه عايزه فارس فيه؟!