نور الزين(قيد الكتابه)

الغصل التاسع(ستوافق)

قلة العقل....اغلب العشاق يتصرفون مع قلة العقل بغضب ولكن البعض الاخر يتصرف وكأنها مرض يُعالج بالاحتواء والحنان
في تركيا
كانو يجلسون على الافطار وكان زياد متهجم الوجه بسبب حياة الذي قالت له انها وافقت على امجد وايضا ابسامة صافي وزوجة والده الشامته وايضا والده الذي عندما اخبره زياد انه يريد ان يتزوج من حياة قال له "انت لسه صغير" ومن زين الذي لم يدعمه
قطع شروده هو سؤال سُليمان لزين:
_والدتكم عامله ايه يا زين؟
هذه المره اجاب زياد بسخريه لاذعه:
_كويسه جدا طول م انت ومراتك بُعاد عنها ومرتاحه على فكره بعد الطلاق واقولك على حاجه حياتها موفقتش عليك
_زياااد
كان هذا صوت زين الغاضب من رد زياد على والدهم
حاول زياد السيطره على غضبه فقال:
_انا ماشي
خرج وخرجت خلفه فريده الذي نظرت لهم جميعا بغضب وايضا خرج تيام وغسان ووجدو زياد يستعد لركوب السياره فأوقفته فريده وهي تقول:
_زياد انت رايح فين
_ادخلى يا فريده.... متقلقيش مش هسافر مصر دلوقتي
تحدث تيام قائلا:
_طب هي هتدخل وانا وغسان هنيجي معاك
رد زياد بغضب:
_قلت مش عايز حد معايا
نظرو الي بعضهم وقامو بالركوب في السياره
شعر زياد انه لن يتخلص منهم وركب السياره بنفاذ صبر وما أن ركب سألته فريده:
_هتعرف مكان نروحه ولا اقولك انا
تولى مهمة الرد غسان وهو يقول:
_وهو هيعرف منين اطلع بينا على البحر الاسود
ردد زياد. بتعجب:
_البحر الاسود؟
اجابه غسان:
_ايه متعرفهوش ده احسن مكان انك تشكي همك فيه انا هوصفلك الطريق وانت هترتاح راحه عمرك م ارتاحتها في حياتك

وفي الولايات الامريكيه المتحده
كان ليث ابن سليمان الالفى وايضا زوج شقيقة صافي يطعم زوجته الذي تزوجها بالسر بصبر فهي في آخر شهور حملها فقال:
_يا حبيبتي مينفعش كده لازم تاكلي
ردت عليه هذه الفتاه النصف تركيه ونصف عربيه وهي تقول بتعب:
_صدقني والله انا مش قادره اتنفس
وضع الطعام جانباً وقال:
_نِفّس مينفعش كده وانا وانتي عارفين انه غلط لكن انتي لسه بتعاندي وانا قولتلك نقضي اخر شهر ده في المستشفى لكن انتي مرضيتيش
ردت عليه ببكاء:
_لا انا خايفه اروح المستشفى اوي حاسه ان انا لو روحت مش هرجع منها تاني انا خايفه اوي وحاسه ان انا مش هشوفها يا ليث
احتضن كفيها بين يديه وهو يحاوة السيطره على دموعه فخو يعلم حالة زوجته الخطره وقال:
_مين قالك بس كده انتي هتشوفيها وكمان هتشوفي ولادها واللي انتي فيه ده قلق طبيعي يا حبيبتي
_مش حاسه انه قلق طبيعي يا ليث خايفه اوي
_متخافيش بس انتي وكل حاجه هتعدي زي م احنا بنتمنى
همست ببكاء بينما وضعت يدها على بطنها الذي يرزت كثيرا قائله:
_يارب

اما نور كانت تجلس بشركتها بكل غرور لا يليق إلا بها ودخل اليها جاسر مكتبها وهو يقول بغضب قليل:
_بقى كده يا نور عيله لسه مكملتش19سنه عايزه تجوزيها
_ومين قال انها هتتجوز لسه قدامها فترة خطوبه كبيره وبعدين كده احسن م حد يلف عليها وهي اساسا وافقت كده لكن لسه هتقعد معاه انهارده وتقول قرارها الاخير
_هيجي الساعه كام
_سبعه
_تمام هعدي عليكو عشان عايزك انتي كمان في موضوع مهم
_تمام
خرج من مكتبها وهي خرجت فهي يجب عليها الذهاب
وعندما خرجت من الشركه وجدت تيم يستند على باب سيارته وكان يراقبها وايضا كان يجلس صغيرهُ بالسياره على كرسي الاطفال
فأتجهت اليه نور بعدما عرفت هويته فقالت:
_استاذ تيم
افاق تيم سريعا وهو يقول بتفاجئ مصطنع:
_ايه ده انسه نور بتعملي اي هنا
_شركة والدي هنا وانا اللي ماسكاها
_كنت بحسبك بتروحي اي شركه تانيه غير شركة والدك
_قصدك على المجموعه التانيه
_اه
_المجموعه التانيه اونكل جاسر هو اللي ماسكها وساعات بروح يعني مش كنير بس ديه الاهم عندي
اه قولي بتعمل ايه هنا
_مراتي بقالها تلات ساعات في الكوافير
نظرت نور حولها وقالت بتعجب:
_بس غالباً مفيش بيوتي سنتر هنا
نظر تيم حوله وقال بتوتر:
_ يبقى اتلغبط في العنوان
ابتسمت بمجامله ونظرت الى الصغير وقالت:
_أبنك؟
_اه ريان
_ماشاء الله
مشت نور وكذلك تيم وفي البحر الاسود كان يجلس على الصخور ووجد نفسه تلقائي يشكي همه للبحر وكان يتابعه من خلفه اخيه غسان فقال له باقتراح:
_مـ تخطفها يا زياد
ردد زياد بتعجب:
_اخطفها
_ايوه اخطفها فيها اي يعني
_غسان انا عملت كتير عشانها وتعبت اوي وضحيت كتير وكل ده هي ختمته بأنها رايحه تتجوز امجد اللي هو ابن اخت اللي خربت بيتنا حياة مضحتش بحاجه عشاني
نظر غسان نحو البحر الذي يعرف سره بشرود وايضا بحزن على شقيقه

وفي المساء طانت حياة تجلس بحزن امام المرأه وبيدها الفرشاه الخاصه بمستحضرات التجميل وكانت تنظر الى نفسها بغضب من تصرفها واستمعت الى رنين هاتفها فاجابت بملل:
_الو يا ماما
_ايه يا حياة عامله ايه يا حبيبتي
تجاهلت حياة سؤالها وقالت:
_ماما انا هقعد معاه انهارده وممكن تحدد معاد الخوبه على الشهر الجاي هتكوني فاضيه
قالت المرأه دون تردد:
_مش هقدر انزل يا حياة الفتره ديه عشان تعبانه
_براحتك وجودك مش هيأثر كتير.. سلام
اغلقت حياة مع والدتها وقررت ان تنهى هذه المهزله التي فعلتها من اجل امرأه لا تعرفها
قطع شرودها دخول ماسه الغرفه وهي تقول:
_وصل يا حياة
نزلت حياة للأسفل برفقة ماسه وكانت نور تجلس مع امجد وانضمت اليهم ماسه وحياة ورحيم وجاسر وبعدها تركوهم وحدهم لم تهتم حياة لأي شئ ولم تشعر جتى بأقترابه منها ولم تنتبه إلا عندما شعرت بيده الخشنه على وجهها فقالت بحده وهي تبتعد عنه:
_اوعي تفكر انك تقرب مني
جلس جوراها مره اخرى وهو يقول بسماجه:
_مالك بس انا كنت بمسحلك دموعك
_ملكش دعوه بيا خالص
قالتها حياة بحده واكملت قائله:
_انا اصلاً وافقت عليك عشان نور مش اكتر تمام
يعني فترة الخطوبه هنقضيها كام شهر وبعد كده هنقول ون احنا مش مرتاحين وكده احسن لينا كلنا
_وانا هعمل كده ليه انا بحبك وعايزك
_امممم هتعمل كده عشان لو قلت لرحيم ان انا مجبوره هيمحيك من الدُنيا
انهت كلامها وفرت من الغرفه واتجهت مسرعه نحو غرفتها وخلفها كان رحيم يحاول ان يعرف ما بها
ولكن حياة لم تسمح لأحد فقد اغلقت باب غرفتها سريعاً
فنزل رحيم الى امجد الذي ظل مكانه وقال بغضب وصوت جهوري:
_عملتلها ايه
اجابه امجد ببرود تام:
_معملتش حاجه هي قالت الخطوبه هتكون بعد تلات اسابيع وجريت كده
_بجد والمفروض ان احنا نصدقك
كان هذا صوت نور الغاضبه
_ومتصدقيش ليه يا نور هانم حضرتك تعرفيني من بدري وعارفه اخلاقي كويس
رد عليه رحيم قائلاً ببرود هو الأخر:
_تمام اطلع بره
_نعم
_اطلع بره ايه مسمعتش
خرج امجد. من المنزل وهو يتوعد لهم جميعاً وخاصة نور وحياة
وبعدما ذهب قالت نور للجميع:
_ياريت يجماعه كلنا ننسى اليوم ده كلنا
وقال جاسر ايضاً بما ان اليوم هيتنسى ف أنا عايزك يا نور انتي وحياة عشان نبدأ كل حاجه من جديد
جلسوا جظيعا في غرفة الاجتماعات الذي كانت بمنزل نور وكان يترأس الطاوله جاسر وقال بحزم:
_انا دلوقتي هتكلم ولو سمحت مش عايز حد يقاطعني
اولاً: حياة والدك ووالدتك اتوفو من خمس سنين في الحادثه اللي انتي فقدتي ذاكرتك فيها
شحب وجه حياة للغايه وقالت بنبره اوشكت على الجنون:
_ا.. انت انت بتقول ايه مين دول اللي ماتو انت اكيد بتهزر.. مفيش هزار في الحاجات ديه والنبي متهزرش
قاطعها بهدوء جعلها تفقد اعصابها:
_اقعدي يا حياة وانا هحكيلك لم تستمع حياة الى اي كلمه ولكن هو امسك يدها وجعلها تجلس جواره بينما هي كانت كالمغيبه تماماً
ثانياً: انتم عندكم اخ من الاب وهو مستعد انه يقابلكم
انهارت نور اكثر وقالت:
_انت بتهزر صح اخ مين انا معنديش حد. غير حياة وحازم..... بابا اكيد مكنش بيخون ماما متهزررش
_انا معايا كل الاواق اللي تثبت كده يا نور ومش انا اللي ههزر في حاجه زي ديه واخوكي يا نور جاي مش طمعان في ورث ولا حاجه هو جاي عشان يريح والدكم يا نور
وثالثاً ديه هتعرفوها قريب...
____________________________
Selmarim/Mallak Mahmoud
رأيكم؟؟!
توقعاتكم؟؟!
ايه سر غسان؟؟!
ايه ثالثاً بقا؟؟!
نور هتتقبل تيم ولا لأ؟؟!
امجد هينتقم منهم ازاي؟؟!
زياد هيقف جمب حياة في اكتر وقت هي محتاجه ليه ولا اي؟؟!