عندما عادت للمشفى كان زياد قد خرج من غرفة العمليات وانتقل إلى غرفه عاديه وكان حازم يقف بجوار زين حتى أتت نور وشرحت لهم الوضع ولكن بالطبع لم يخلو الأمر نظرات زين الغاضبه نحوها
حتى لم تسطيع نور السيطره على غضبها وقالت صارخه به:
_والله حضرتك بقا عايز تاخد حقك اتفضل روح للي ضرب اخوك لكن انا مش هسمح انك تشيل اختي الذنب
رد الاخر بنفس الغضب :
_والله لو مكنتش اختك بتلف حواليه مكنش ده حصل
تدخل حازم سريعًا :
_لا عندك انا اختى مش بتلف ورا حد
وسحب شقيقتيه خلفه وخرج بهم من المشفى ووجه حديثه لنور قائلًا :
_مين الشخص السخيف ده؟
ردت نور بخفوت:
_جوزي
ثم وجهت إلى شقيقتها :
_مش معني اني متكلمتش انك مكونتيش غلطانه لا انتٍ غلطانه
وقفت حياة وردت بعند :
_لا انا مش غلطانه وهرجع اقعد معاه لحد ما يفوق
كانت نور قد تقدمت بضع خطوات ولكنها توقفت والتفتت اليها وقالت :
_انا لسه عند كلامى اتصرفى زي ما يعجبك وبصير لحياتك بس بعدها ابقى بصي لتصرفاتك برضو وبصي على زياد وشوفى تصرفاتك عملت في ايه
زاغت أعين حياة وقالت بعيون دامعه :
_انا روحت عشان كنت بدور عليكي مكنتش عارفه اعيش منغيرك بس انتِ عرفتي وكمان بصي اخونا كمان فاق وايهم موجود وماسه كانت دايمًا عندى ورزان مسابتنيش بس انا مكنتش عايزه كل دول انا كنت عايزاكي انتِ
اقتربت منها واحتضتنتها واقترب أيضا حازم واحتضنهم الاثنين وانتهت الصوره المثاليه لهذا اليوم
عادت نور وايضا الجميع الى المنزل الجميع فعلياً
وكان الوضع متوتر للغايه ولكن قطعه حازم وهو يسأل :
_ايمان فين
ردت نور ببعض من التوتر الذي كان يسيطر على الاجواء:
_ معرفش مشيت بعد الحادثه انا هقولك الصراحه اني محاولتش ادور عليها
نهض من مكانه وقبل رأسها وقال:
_شكراً انك استحملتي كل اللي كان بيحصل لوحدك
ارجعي ل جوزك يا نور متسيبهوش لوحده
_جوزي هاا انا بس قاعده معاكم كام يوم هو عارف يعني متقلقش مفيش مشاكل
رد وقال :
_طب لنا هطلع انام بكره هنقعد مع بعض ونشوف الشغل وهنعدى الصبح على الولد اللي في المستشفى
_اوكي يا حبيبي تصبح على خير
واخيراً تكلم تيم بحنق :
_انا مش فاهم ايه البرود اللي هو فيه ده انتِ كنت فيز اصلا انتِ وهي
نهضت نور هي الاخرى وهي تقول بارهاق:
_بكره...بكره يا تيم هشرحلك كل حاجه بس انا فعلاً تعبانه دلوقتي
وانحنت اخدت الصغير النائم تضعه بغرفته
وجه نظره نحو حياة يريد ان يسألها ولكنها أجابت مسرعه هي الاخرى:
_انا اصلاً معرفش حاجه انا عامله مصيبه وبكره لما اصحى هبقى احلها انا طالعه انام انا كمان
استدار بغضب نحو زوجته ولكنه وجدها تضحك بهدوء وهي تقول:
_يا حبيبي أحمد ربنا ان اخوك بقا كويس قوم نام انت كمان الوقت اتأخر يلا يلا بينا يا حبيبي نطلع
امسكته وسارت به نحو غرفتهم
في المستشفى
كان زين يجلس على الاريكه الجلديه بجوار أخيه النائم بفعل المنومات
وعلى الكرسي المجاور له جلس فارس وهو يسند رأسه بين يديه وينام
هكذا كان الوضع لم يأتي والدهم او اخوتهم عندما علمو لم يهتم زين بالأساس هو فقط يهتم بأخذه هو لم يريد احد غيره هو وفارس فقط
حرك زياد يديه بخفوت لاحظها زين وانتقل سريعًا إلى جواره ومع حركة زين استيقظ فارس بفزع وانتقل هو الاخر بجواره
حاول زياد رفع رأسه ولكنه لم يستطيع ولكن قال زين برفق:
_براحه يا حبيبي ارفعها براحه وانا هساعدك
بالفعل ساعده إخوته في الاعتدال وبعد فتره قليله تحسنت حالته وطلب له زين بعض الطعام الصحي وجلس يطعمه وقام فارس لينهي مروره الليلي على بعض المرضى
سأل زياد وهو يقول:
_هو ايه اللي حصل مين اللي جابني هنا
رد زين بأقتضاب:
_الاسعاف
_وهو مين اللي طلب الاسعاف ...صح هي حياة فين
اجابه زين :
_روحت اختها اخدتها وروحت ومتخافش يا حنين هي كويسه
طلب زياد قائلًا:
_زين معلش ممكن تجيبلي تليفوني
_معرفش فينه نام شويه يا زياد نام وارتاح يا حبيبي
وفي الصباح
استيقظت حياة بمزاج معكر بسبب ذلك الكابوس الذي راودها وانقذها منه هذه الطرقات المستمره على باب غرفتها نهضت من سريرها بكسل وهب تتجه نحو الباب فتحته ووجدت شقيقتها
دخلا سويًا إلى الغرفه واغلقت نور الباب
بدأت نور الحديث وهي تقول بحزم :
_حياة انا اكيد مش اول مره ممكن افرض قراري عليكي لكن ممكن تعتبرها الحقيقه
جلست حياة جوالها بقلق وهي تمسك بيدها و تقول:
_نور انتي اكيد مش هتمشي تاني صح
تفت نور برأسها:
_لا لا كويس انك اتكلمتي في الموضوع ده انا اسفه والله اسفه اني سيبتك ومشيت
اشرق وجه حياة قليلاً :
_عادي خلاص المهم انك بقيتي كويسه ها ايه بقى الموضوع التاني
تحدثت نور بجديه قليلاً وهي تحاول أن تضع بدايه لهذا الحديث الذي بالتأكيد لن يعجب شقيقتها :
_مبدأئياً كده قبل أي كلام انتي مش اختي يا حياة انتي بنتي وكل حياتي انا لو كنت بتعب السنين اللي فاتت ف كانت كلها عشانك يا عمري انتِ لسه صغيره ولسه ياما هتشوفي في الدنيا الكبيره ديه انا مش عايزاكي تتعلقي بزياد كده يا روحي كل حاجه بتروح مننا ولو يعني بعد كتير كتير اوي كمان ربنا كاتب ليكم نصيب مع بعض هتكونو لبعض وهو كمان انا هتكلم معاه واقولو انه مينفعش يكون ليكم علاقه ببعض
امتعض وجه حياة وحاولت ان تشرحه وجهة نظرها ولكن اكملت نور :
_في أول كلامنا قولتلك ان ده فرض رأي ومن دلوقتي اعتبري كل اللي تعوزيه موجود
تشعر حياة انها أصيبت بالشلل لا تشعر انها تريد قول شيئ لا تشعر بأي شيئ تقريبا ولكن احتضان شقيقتها والذي كان اشاره لها لتبدأ في البكاء وهي تقول :
_انا مش هقدر اخالف كلامك بس ليا عندك آخر طلب
اشوفه بس واطمن عليه
ابعدتها نور عنها وهي تقول:
_ايه ده مالك طريه كده ليه اوعي في يوم تعيطي تاني وانا موجوده أمسحي دموعك وهخليكي تشوفيه بس من بعيد
أضافت حياة :
_واديله حاجته
صححت الاخرى جملتها وهي تقول:
_هنديها ل اخوه يديهاله قومي اغسلي وشك واعتبري الكلام في الموضوع ده منتهي يا حياة هاا منتهي
__________________________
Mallak Mahmoud
أنت تقرأ
نور الزين(قيد الكتابه)
De Todoهو القاسي المغرور مع كل البشر ولكن معها يكون ك الطفل الصغير وهي الذي تحملت المسؤليه منذ نعومة اظافرها وقد وعدها ان يعيد لها بسمتها التي لم يراها الا مرات قليله بل لم يراها ابدا وايضا قد وعدها ان يتحمل اي مسؤليه كانت على عاتقها سابقا ولكن هل سيفى...
