انفصام نفسي

Part7 ❤️

خرجت هدير بإبتسامه بينما نامت ميرا تبكي وجلس عاصم يحبس في دموعه ووقفت نهله تبكي بحرقه
دخلت نهله لعاصم لتجلس بجانبه وبدون نطق اي كلمه أخذته في احضانها تربت على ظهره بحنان وهي تحاول عدم البكاء لتعطيه القوه فالتمسك
ولكن انهارت كل حصونها عندما سمعت شهقه منه لتندفع هي ايضآ ف البكاء وهي تربت على شعره
لتردف بنبرة حانيه : متزعلش يا حبيبي قدام اي كلام المهم اننا بخير ومع بعض وده قدر ربنا واحنا راضيين بيه وعشان كده هو عوضنا بميرا وملك نكون ليهم عيله ويكونوا لنا عيله
ابتعدت عن احضانه لتمسك وجهه بين يديها تمسح دموعه : مش صح يا حبيبي؟
عاصم : صح بس ا... ا
قاطعته هي بوضع اصبعها على شفتيه : مفيش بس متتكلمش يا عاصم
تنفست بقوه لتغتصب ابتسامه على وجهها وتقول بإغواء وهي تقف : اطلع خد شاور على ما اخلص مفاحأتك هتبسطك اوي
انهت كلماتها بغمزه وقبله أرسلتها له فالهواء
ابتسم هو على زوجته الي تحملت معه الكثير ورضيت به رغم عيبه يحبها بل يعشقها حد الجنون بينهم ود ورحمه لكلاهما ليصبح نصيبهم بعد صبر ومحاولة لسنوات ان يتولوا تربية ميرا وملك ليصبحوا لهم كل شئ
بعد سنوات عديده وتحديدآ في في السنه الأخيره لميرا في كلية الطب
ميرا : انا مش قادره أصدق ان النهارده اخر يوم امتحانات اخيراااا خلصت ياه 7 سنين عذاب والله يا ملك
ملك : اهي هانت يا روحي الدور والباقي عليا انا لسالي 3 سنين
ميرا : 3سنين عادي يعني وبعدين دي هندسه يعني
القتها ملك بأحد الكتب لتردف بغيظ : دي هندسه يعني؟ انتي عبيطه يابت ده انا منفوخه مشاريع وقرف حرام عليكي
ميرا : بهزر يابت ربنا يعينك خلصي بس الكام سنه دول   وكل حاجه تخلص
ملك : اه ونبدأ في ليفل الوحش بقى.. الشغل
ميرا بقهقه : عندك حق ده الي هيقضي علينا بقى
مساءآ وبعد انتهاء اختبار ميرا الأخير جالسه مع عاصم
عاصم : نقول مبروك يا روحي
ميرا : مبروك واحده.. دي مليون مبروك ده انا حاسه اني هموت مالفرحه
نهله بضحكه : بعد الشر ياروحي والف مليون مبروك عقبال مااشوف نجاحك في شغلك
ميرا : حبيبتي يا نهوله ادعولي بقى اجيب امتياز
عاصم : يارب ياحبيبتي يارب
قاطع حديثهم رنين هاتف عاصم بإسم خالد
لينظر له عاصم شذرا ثم يغلقه بغضب
ميرا : في ايه يا عمو.. مين
عاصم بضيق : ده خالد
ميرا بغضب : اف ايه القرف ده طب رد كده
عاصم : ايوه يا خالد
خالد : ايوه يا خالو مكلمتنيش يعني ولا رديت على كلامي ليك فقلت اتصل اشوف ايه ردك
عاصم : وهو انا قلتلك اني هرد انا قلتهالك قولاً واحداً لا
خالد : ليه بس طب وايه رأي العروسه
عاصم : انا حذرتك يا خالد انتبه لحياتك ومراتك وابعد عن جر شكلي عشان مزعلكش
أغلق الهاتف بحنق وهو ينظر لميرا اللتي تشتعل غاضبا وقد وقفت وهي تعض على شفتيها بغضب
ميرا : هو ايه مبيفهمش ده أكبر مني ب 10 سنين وبعدين الموضوع ده مش كان خلص من 7 سنين وخلصنا ولا هو قرف وخلاص واتجوز وخلف عايز ايه تاني مني
نهله وهي تحاول تهدئه الأمور رغم غضبها :  الصراحه يا ميرا هو الموضوع مكنش خلص من يوم الموضوع اتفتح وهو كل شويه بيفتح الموضوع مع عاصم بس هو مكنش بيحب يدايقك
ميرا : مش كفايه عليه الفضيحه الي عملهالي ف الجامعه بعد ماطلع اشاعه اني خطيبته وكل الكليه بتاعتي عارفين انه شمام وبتاع مخدرات وكبريهات و... و.... و وفضلت انفي الخبر للكل بعد ماكانوا بيبصولي بقرف واستهزاء اني قبلت بواحد زيه... واخيرا قلت اتجوز وهيحل عني ايه هو مريض
تنفست بقوه ثم اردفت : عمو ارجوك اديله رفض تام للموضوع ده وقوله ميتعرضليش تاني لأنه عارف كل مره بيمشي ورايا فيها ويكلمني ببقى هاديه معاه المره الجايه مش هقدر اتحكم في نفسي
عاصم : خلاص يا حبيبتي متزعليش انتي ولا تشيلي هم انا هنهي الموضوع ده خالص متقلقيش
نهله بمرح : اه سيبك من الموضوع ده مش هتقومي تحتفلي مع حد من صحابك تخرجي او اي حاجه
ميرا : صحاب مين بس يا نهوله دي هي همسه الوحيده الي ليا معاها كلام الباقي معارف بس وانتي عارفه
نهله : احسن برده انا مبحبش الصحاب يبقوا كتير بتعمل مشاكل
ميرا : مش موضوع كده انا مبعرفش اتأقلم او اتعلق بحد بتعب كفايه اوي حياتي بيكوا انتوا وملك
عاصم : حب.... ا
قطع كلامه دلوف ملك وهي تصيح بمزاح : الكلام على ايه جايبين سيرتي ليه
عاصم بضحكه : مفيش يا حبيبتي كنا بنقول اني محضر لميرا مفاجأه حلوه جدا وهنخرج دلوقتي نحتفل
ملك : اوبااا.. حلو ده وانا اخر امتحان عندي بعد يومين مش مشكله اتشخلع دلوقتي 
عاصم : انتي متأكده انك في هندسه؟؟ ايه الكلام ده يا بنتي
ملك : يا عصومي ده انا كل مابنزل موقع من المواقع بشوف ناس غريبه جدا والله كلامهم بيلزق في بوقي بقى
نهله : عصومك مين يابت ده عصومي انا ايه هنقطع على بعض ولا ايه
ملك وهي تحتضن نهله : لا حاشا لله كله الا انتي يا نهوله
ميرا : طب يلا يا بكاشه البسي مااشوف المفاجأه الي مستنياني دي
خرجوا جميعاً حتى توقف عاصم بالسياره لينزل ويفتح الباب لميرا
لتنظر هي لهم بإبتسامه حالما تحولت لضحكه صاخبه عندما وضع عاصم يديه على عينيها
ليتقدمها هو للحظات حتى وقف لتنزل ملك من السياره لتصرخ بحماس
ميرا بشوق : يلا بقى هي حلوه اوي كده يا ترى ايه
نهله : واحد.... اتنين..... تلاته
ازاح عاصم يديه من على عيون ميرا لتفتح هي عيناها ببطئ وترقب
ميرا بصدمه وهي تضع يديها على قلبها : ده.. ده عشاني.. عشاني انا
عاصم بحب : اه يا روحي عشانك
ضمته ميرا بقوه لتهمس له بحب : كل الحاجات الحلوه في حياتي انت سببها انت ونهوله ربنا يخليكوا ليا
مسد هو على شعرها ليقبل جبينها قائلاً : لو أطول اجبلك حته من القمر يا حبيبتي والله ماتغلى عليكوا انتي وملوكه حبيبتي
احتضنت ميرا نهله بحب
ملك بمزاح : بس اسم طبي برده عيادة الدكتوره ميرا جاسر
ميرا بدموع : ده حتى خد باله من التفاصيل وهو عارف اني بحب اسمي كده مش بإسم العيله.. ربنا يخليكوا ليا
ملك : اهو هتقلبها نكد اهو تعالي ندخل نشوف العياده من جوه
دخل جميعهم لتطلع مير لها بإستراحتها الواسعه لإستقبال المرضى وغرفة الكشف الواسعه المريحه الأعصاب من لون الجدران الدافئ إلى ديكورها العصري
ميرا وهي تلتف فيها : حلوه حلوه اوي اوي
ملك : انا اول زبونه عندك يلا
تمددت ملك على الشازلونج
ميرا : لسه يااختي 4 سنين دراسه تانين على الله نخلص واشتغل بقى
ملك : هانوا هانوا وبعدين ممكن يبقوا 3
لتقرب ميرا الكرسي منها وهي تجلس وتضع البالطو عليها وتمسك بدفتر وقلم وقد ارتدت نظارته الطبيه
لتضحك ملك بشده بينما تنحنحت ميرا : احم احم اتفضلي ياانسه ملك انا سامعاكي عايزاكي تهدي خالص وتحكيلي كل الي بتحسي بيه بالضبط وانا أن شاء الله هقدر اساعدك
وقفت ملك لتصفق عاليا : هايل هايل جدا يا فنانه
نهله وهي تنظر لتلك الشاره الموجوده في مقدمة مكتب ميرا واللي تحتوي على اسمها لتردف بفخر : الدكتوره ميرا أشهر وانجح واعظم دكتورة نفسيه في مصر بإذن الله
احتضنتها ميرا لتتنهد براحه وسعاده وتتمتم : يااارب