انفصام نفسي

Part28🖤

بعد شهر عسل ميرا وسليم عاد كلاهما لحضور زفاف ملك وتميم
كان يوم حافل بالكثير من الفرحه
تميم بعد عقد قرانهما : مبروك عليا انتي
ملك : الله يبارك فيك
قهقه تميم : احنا شكلنا معاتيه زي بعض
ملك : لا بعد الشر عليا من عتهك انت ف ليفل صعب اوي فاكر لما ندهتلي وقلتلي انا عايز شاي
ضحك تميم : اهو الموقف ده بالذات مش قادر افهم عقلي كان فين
تم زفافهما وسط رقص وغناء وفرحة الجميع ومساءاً اوصلهم الجميع لفيلتهم
ميرا : حطها ف عنيك يا تميم خد بالك منها دي أغلى حد ف حياتي
احتضنتها ملك بقوه وبعد وداع حار للجميع دخل كلاهما للبيت
ملك : انت طالع فين يا تميم شيلني
تميم : ايه الجو ده اشيلك ايه بس يلا يابنتي اطلعي
ملك : مش هطلع الا لما تشيلني
حملها تميم بقلة حيله حتى وصلوا لغرفتهم
ملك : رايح فين خلاص نزلني
تميم : والله أبداً انتي الي أصريتي اكمل مهمتي بقى
تركها هو برقة على حافة السرير
القى بسترته أرضاً واقترب منها تراجعت ملك بتوتر
ملك : الحمام هناك اهو روح خد شاور يلا وانا هستحمى في اوضة الأطفال
لم يسمعها تميم واخذ يقترب اكثر ف اكثر وملك تتراجع للوراء حتى اصطدمت بالحائط خلفها
لتنظر لتميم بتوتر ويبستم هو بخبث
هدأها هو بقبله لطيفه على جانب شفتيها

بعد شهر وبعد عودة ملك وتميم من سفرهم وانتهاء شهر عسلهم
دخلت ملك بفرحه كبيره لبيت عاصم والذي صادف تواجد ميرا وسليم فيه
ملك : الله الحبايب كلهم هنا طب اسمعوا بقى
عاصم : استر يارب
ضحكت ملك : والله خبر حلو
واقتربت من عاصم حتى جلست بجانبه أمسكت بيديه لتقبلها ثم وضعتها على بطنها
ملك بصراخ : هتبقى جده يا عصوميي
ابتسم عاصم ولكنه قفز بعدها عند استيعابه لحديثها : انتي حامل؟ قولي والله؟ بجد... بجد يا ملك انا مش، مصدق مبروك يا حبيبة قلبي.. مبروك يا تميم يابني
تميم : ربنا يبارك فيك يا عمي
تساقطت التهليلات على ملك من كل مكان بفرحه

شهرين اخرين مروا عليهم بسعاده.. حتى تلك المكالمه
هدير : ايوه يا ميرا
ميرا : ازيك يا عمتو
هدير : بخير يا بنت جاسر... طمنيني فالشهر الكام دلوقتي
ميرا : شهر ايه
هدير : الحمل
ميرا : بس انا مش حامل
هدير بإصطناع : ايه ده معقول.. ليه كده مأجلين ولا ايه.. ده ملك متجوزه بعدك وماشاء الله ف التاني اهو.. اوعوا تأجلوا انتي داخله عال30 يا حبيبتي وفرصك بتقل
ميرا : مش مأجلين ولا حاجه احنا سايبنها لربنا
هدير : طب مكشفتيش انتي وجوزك اسمه كريم باين؟
ميرا : سليم. اسمه سليم كريم الغندور ولا مكشفتش لأن لسه بدري جدا على القلق
هدير : بس نتطمن برده ابقي تابعي مع دكتوره نشوى كانت مامتك الله يرحمها تابعت عندها.. ايه ده انتي متعرفيش اصلها قعدت سنتين برده مبتخلفش.. لا يكون وراثه وخدني الموضوع منها.. الحقي نفسك بقى... يلا سلام يا حبيبتي
اغلقت هدير مع ميرا لتبتسم بخبث وتهاتف احداهم
هدير : ايوه يا نشوى.. كلمتها اكيد هتجيلك قريب اعملي زي ماقلتلك ودي دكتوره برده ف تاخدي بالك من شكل الحبايه وعلبتها
نشوى : بس كده حسابنا يكتر دي شكلها واعيه وعايزه تخطيط
هدير بتأفأف : هاديكي الي تعوزيه بس نفذي صح