Father Aiden

III

Mabuti nalang at maagang matapos ang monthly parish meeting nila kaya mula sa suot niyang itim na roba ay nagpalit si Aiden at nag suot ng white shirt, jogging pants at jacket na may hoddie at lumabas na sa Rectory para tumakbo.

He's planning to jog kahit quarter to 9 na ng gabi. Hindi kasi siya nakapag exercise man lang kanina dahil hectic ang naging schedule niya ngayong araw.

Binisita niya ang Parish school ng Barrio, nagkaroon din sila ng munting staff development meeting at may mag-asawa din siyang kinausap nang halos tatlong oras para sa marriage counseling. Idagdag mo pa ang monthly parish meeting nila na katatapos lang.

Gusto sana ni Aiden na tumakbo at magpapawis muna bago bumalik sa rectory para maging mas mahimbing ang tulog niya.

Habang nagjo-jogging ay may namataan si Aiden na kumpol ng mga tao. Hindi nga lang niya makita kung ilan sila o sino sino sila dahil madilim ang buong kalsada at ang ilaw lang na galing sa mga poste ang siyang nagbibigay ng konting liwanag sa paligid.

Napakunot ang noo niya nang mapag-tantong tila nagsisigawan ang mga ito. Ngunit hindi niya malaman kung ano ang eksaktong pinag-tatalunan nila kaya lumapit siya para malaman ang nangyayari.

"Hayop! Mga hayop! Mga baboy!"

Naging mas malinaw ang mga boses sa pandinig ni Aiden.

Nanlaki ang mata niya nang malaman na may babae pala na pinalilibutan ng mga nasa pitong mga binatang lalaki.

"Aba't--bro, gusto atang masaktan netong babaeng to!" Sigaw ng isa sa mga binatilyo at akmang pagbubuhatan sana ng kamay ang babae.

Takot na sumigaw ang babae at nagmaka-awa na wag itong saktan. Sukdulan ang panginginig ng katawan nito habang tinatago ang sarili sa mapayat na mga braso nito.

Hindi niya nakilala ang babae, kung nakatira ba ito sa barrio o isang dayuhan ngunit ang malinaw lang kay Aiden ay dapat may gawin siya.

Tumakbo siya ng mabilis papunta sa binata upang mapigilan ito sa nais na gawin.

Marahas niyang hinigit ang nakataas na palad ng binata.

"What do you think you're doing?" Malamig na sabi niya.

Yes, he is a priest and he knows that it's wrong but he gets angry too sometimes. And this scene of hurting a defenseless woman really made him lose his temper right now.

"F-Father Aiden..."

Naningkit ang mga mata ni Aiden nang tuluyan nang maaninag ng buo ang mga mukha ng pitong binatilyong ito. Hindi ba't ito yung mga pasaway na estudyante ng parish school?

Ilang beses na rin niyang naka harap ang bawat isa sa mga binatang ito para sa counseling sessions. Hindi na kasi sila makontrol ng kanilang mga magulang at pamilya kaya bilang padre ng kanilang parokya, siya ang hiningan ng tulong para intindihin at payuhan ang mga ito.