البارت الثانى عشر
نقدر نقول كدا ياجدعان إن من أول البارت دهه والروايه هتبدا بجد أو بمعنى أصح هتولع
يعنى اللى فات كله حماده واللى جاى حماده تانى خالص💛😂وهيظهر ناس جديده وحجات جديده 😂😉 وفوت وفولو بقا وإنت معدى وإستمتعوا بالروايه 💛
بسم الله نبدأ
________________
وقفنا البارت السابق على ....
الحلم التانى لمريم" اللى هيفاجأكم مفاجأه مش مش مش متوقعه😂"
ونهايه الإسبوع كمان اللى خلص وبدايه الدوام للجامعه
**********
إنتهى إسبوع من بعد زياره عائلة المنشاوي لحامد بيه
ويبدأ الدوام الجامعى..! لمريم وساره
إستيقظت بطلتنا على صوت المنبه وكانت الساعه السابعه صباحاً قامت بتثاقل من على الفراش وتوجهت إلى المرحاض وإتوضت وصلت وبدأت بإرتداء الملابس للذهاب إلى الجامعه
إرتدت مريم بنطال من النوع الجينز وبلوزه باللون السكرى أسفلها شميز باللون الأبيض وحجاب باللون الأبيض وكوتش رياضى باللون الرصاصي
ونزلت إلى الأسفل وجدت آدم جالس على طاوله الطعام ويرتدى بنطال باللون الرصاصى وقميص باللون الكحلى
مريم وهى تجلس بهدوء: صباح الخير
آدم دون أن ينظر لها: صباح النور...أول يوم جامعه إنهارده صح
مريم: أه
آدم: تمام..عم حسين السواق هيوصلك ويرجعك
مريم: تمام
تناولوا الفطور بهدوء تام لايخلو من بعض نظرات آدم لمريم
أكمل آدم فطوره ثم قام وذهب إلى شركته
وكذلك مريم
____________________
عند ساره إستيقظت من النوم وقامت بعمل روتينها اليومى وإرتدت بنطال من النوع الجينز وبلوزه باللون الأسود وتركت لشعرها العنان ونظرت فى الساعه وجدتها 8 فهرولت خارج الغرفه وجدت فادى يجلس مع حنان والده ساره
فادى أول ما شاف ساره: القرده صحت أهى
ساره بضحك سريع : أنا مش فاضيالك الوقتى...والحساب يجمع يافادى
حنان: تعالى إفطرى يا ساره
ساره بسرعه: لا شكرا يا حنون أنا متأخره أصلا....مريم هتولع فيا....يلا سلام بقا وخرجت مهروله دون سماع الرد
وهى فى منتصف الطريق وجدت مريم ترن عليها هاتفياً
ساره وهى تتنفس بسرعه: الو يامريم إنتى فين
مريم بعصبيه: أنا متنيله فى الجامعه وإنتى
ساره: أنا خلاص وصلت أهو
مريم: عشر دقايق ياساره وألاقيكى قدامى
ساره: ماشي يلا سلام
أغلقت مريم الهاتف بوجهها
_________________
فى الجامعه
كان يوجد بعض الشباب ينظرون لمريم نظرات وقحه
رامى: أوبا شوفت يا سامر البت الجامده دى
سامر وهو ينظر لمريم: يابنى دى شكلها مش من إياهم ومحجبه وكدا
رامى بسخريه: لا إنت بيضحك عليك بسرعه يابنى
سامر:أيوا هتعمل إيه يعنى
رامى بتفكير: نصبر ونشوف إتقل بس
وعند مريم
كانت تقف وتنتظر ساره حتى لمحتها تدخل من باب الجامعه
ذهب مريم بإتجاهها
ساره وهى تتحدث قبل ما مريم تتحدث: ياشيخه بالله متتكلمى سماح ياباشا غلطه ومش هتتكرر
مريم بضحك: عشان تعرفى إنى طيبه وبس عفونا عنكم
ساره بطريقه مضحكه: أحبك كده ياجميل
مريم: طب يلا ياختى عشان نلحق أول محاضره لينا فى الجامعه
ساره وهى تمشي بجوار مريم وتتحدث بطريقه جديه مضحكه : يشهد التاريخ أن بهذا اليوم وفى هذه الساعه وفى هذه الجامعه أول محاضره للطبيبه المشهوره مستقبليا سااره 😂
ضحكت مريم وساره وإتجهوا إلى المدرج
__________________
عند آدم
دلف إلى الشركه بهيبته المعتاده وسط همسات الموظفات التى تزيده غروراً دلف إلى مكتبه وبعد ثوانى دلفت نهال (السكرتيره) وهى تتحدث بمياعه: صباح الخير يا آدم بيه
آدم بهدوء: صباح النور ...فى إيه النهارده
نهال: فى إجتماع مع مستر آسر صاحب شركه اللؤلؤه النهارده على الساعه 1..وفى شويه ورق كمان محتاجين توقيع حضرتك
آدم: تمام..هاتى الورق..والقهوه بتاعتى
نهال بسهوكه(البت دى أڤورت فى الأداء 😂): تؤمر بحاجه تانيه يا آدم بيه
آدم بنفاذ صبر: لا إتفضلى على مكتبك
غادرت نهال المكتب وجلس آدم يراجع الورق الموجود على المكتب أمامه وبعد بضع دقائق دلفت نهال إلى المكتب بعدما طرقت الباب وأعطته فنجان القهوه والأوراق التى تحتاج إلى التوقيع وغادرت
__________________
عند مراد دلف إلى الشركه وذهب إلى مكتب آدم
مراد بضحك: نهال أخبارك
نهال: هبقى بخير إزاى وصاحبك كل وقته شغل فى شغل
مراد: ماهو طول عمره كدا
نهال: اه
مراد: إستحملى إنتى بس 😂
ودلف إلى مكتب آدم كعادته البارده😂دون طرق الباب
مراد: دومى حبيب قلبي وحشنى يا راجل
آدم بيأس من عادته: عاوز إيه يازفت مش وراك شغل
مراد بزهق: يابنى إنتى حياتك كلها شغل فى شغل ليه كدا
آدم: بلاش دلع وقوم يلا وااه فى إجتماع الساعة 1 مع شركه اللؤلؤه
مراد: مش دا اللى صاحبها آسر
آدم بتأكيد: اه هو
مراد: بصراحه يا آدم مش برتاحلوا كده
آدم: هو إنت هتتجوزه يابنى دا شغل..ولا بقولك إيه روح على مكتبك
مراد بدلع: إنت بتطردنى يا دومى
آدم بعصبيه : هتقوم يامراد ولا أقوملك
مراد يتصنع الفزع ويقف: لا ياعم وعلى إيه الطيب أحسن
وغادر مراد مكتب آدم سريعاً
____________________
فى الجامعه
بعد ما خرجوا وراحوا الكافيه وقت البريك
ساره بتمثيل: إهىء إهىء وأنا اللى مفكره الجامعه زى الأفلام
مريم بضحك: أفلام إيه بس يابنتى
ساره: أنا جعانه عاوزه أكل ماهو مش خيبه أمل وجوع
مريم: همك على بطنك..تعالى نروح نجيب لنا أكل
عند رامى وسامر
رامى وهو يراقب ساره ومريم وهم يتجهوا ليحضروا الطعام
رامى بخبث: إتعلم بقا
سامر: أما نشوف
أحضرت الفتيات طعامهم وفى إتجاههم للجلوس لقت اللى يخبط فيها من كتفها
رامى بأسف مصطنع: أنا آسف جدا يا آنسه
مريم بهدوء: عادى ولا يهمك
ساره: ماتفتح يابنى إيه إتعميت
رامى بغيظ: معلش يا آنسه مش قصدى
ساره: ولا قصدك يلا إتكل وأمسكت بمريم وإتجهوا للجلوس
مريم بضحك: يخربيتك يابنتى...مكنش له لزوم يعنى
ساره: ياستى إنتى ما تعرفيش الأشكال دى
مريم: ماشي يلا نأكل عشان نلحق المحاضره
ساره: إشطا
_________________________
فى الشركه
عند نهال
نهال وهى تتحدث بصوت هامس فى الهاتف: ياباشا قولتلوا.......لا ياباشا شكله مش شاكك خالص.....هيوافق ياباشا إن شاء الله.....تؤمرنى بحاجه تانيه....تمام ياباشا سلام عشان لو حد جيه...سلام
________________________
خلاص كدهه يا صحاااابي 💛
البارت خلص رأيكم بقا وفوتس كتشير أوى أوى
وبس كدا
أنت تقرأ
أرغمت على حبه
ChickLitروايه مختلفه سيكا عن الباقى، البطل مش بيكابر، مش العصبي لأبعد الحدود، بالعكس البطل متصالح مع نفسه، لكن هتدور القصه حول كثير من الأحداث المشوقه، البطله ليست ضعيفه لأبعد الحدود، تمتلك الثقه بالنفس، حلمها هيغير شخصيتها تمامًا، وسيتسبب فى تغيير حياتها...
