أرغمت على حبه

part 13

البارت الثالث عشر
فى مفاجآت فى البارت ده ياجودعان😂💛
فوت وفولو وإنت معدى
_________________

وقفنا البارت السابق على.....
نهال وهى بتتكلم مع شخص مجهول..!
ياترى هو مين؟!
________________
فى الجامعه
أكملت مريم وساره محاضراتهم وخرجوا من الجامعه وجدت مريم عم حسين السائق ينتظرها
مريم لساره: تعالى يابنتى هنوصلك فى طريقنا
ساره بضحك: تؤتؤ أنا أحب المشي والمشي يحبنى...
مريم:هههه ماشي خلاص إنتى حره
غادرت ساره بينما ركبت مريم السياره وتوجهت إلى الڤيلا وفى عقلها أفكار كثيره مشتته!!
___________________

فى الشركه
مراد وهو يدخل المكتب عند آدم أو بمعنى أصح يقتحمه: ها يا آدم آسر دا جيه ولا لاء
آدم: لا لسه....
قاطعهم دخول نهال (السكرتيره): آدم بيه آسر بيه موجود فى غرفه الإجتماعات
آدم وهو يقف: تمام إحنا رايحين هناك..وعاوزين 3 قهوه
نهال بسهوكه: تؤمر ياباشا
قام مراد وآدم متجهين إلى غرفه الإجتماعات ودلفوا
آدم: أهلا آسر بيه نورت الشركه
آسر بخبث: أهلا يا آدم بيه..منوره بأصحابها
آدم: شكرا.. إتفضلوا إقعدوا
جلس الجميع وبدأوا يتحدثون فى العمل
آدم: الأجهزه هتيجى إمتى
آسر: بعد إسبوعين
مراد: بس إحنا هنحتاج نشوف الأجهزه الأول
آسر بخبث: أكيد ياباشا..حقك
وأكملوا الحديث عن العمل وسط خبث آسر وعدم إرتياح مراد إليه
_____________________

ساره وهى تمشي بإتجاه منزلها رأت شاب يبدو عليه الثماله والشرب يضرب سيده عجوز بالقلم هرولت ساره إليه
ساره بغضب: إنت إزاى تضرب واحده أد مامتك كدهه...وذهبت لترى السيده العجوز..إنتى كويسه ياخالتى..عملك حاجه
السيدة العجوز بدموع تنزل من عينيها: لا يابنتى دا إبنى
ساره بصدمه: إيه إبن حضرتك إزاى
الشاب: وإنتى مالك إنتى ياسكر...يلا ياعسل شوفى إنتى راحه فين....وإنتى ياوليه تعالى معايا كده
ساره وهى تبعد يده عن السيده العجوز: إبعد كده
ولكن فجأها الشاب بصفعه على وجهها......هدوء فى المكان....صدمه ألجمتها...لم يجرأ أحد على صفعها طيله حياتها..حتى والدتها
ساره بغضب أعمى وأردفت بصوت عالى: إنت إزاى تتجرأ وتعمل كدهه...إنت متخلف يلا..لا يابابا فوق لنفسك....... لو فاكرنى هسكت يبقى بتحلم.....دا أنا هخلى عيشتك سوده
تجمع الناس حولهم ولم يتجرأ أحد أن يتدخل وفجأه سمعوا صوت عربيه الشرطه قادمه نحوهم
الظابط: حلو أوى...لا وفى الشارع كمان....ياعسكرى...خدهوملى على القسم
ساره: قسم إيه ياباشا إللى بتقول عليه أنا مش راحه فى حته
الظابط: ياعسكرى... خد البت اللى لسانها طويل دى
العسكرى: تمام ياباشا
ساره: لسانها طويل فى عينك
العسكرى: اسكتى يابت.. وقدامى يلا
ذهبت ساره معه وهى ترتعش بداخلها من الخوف فهى دائما فى المواقف الصعبه تتظاهر من الخارج بالبرود كالثلج...ولكن بداخلها يهتز قلبها خوفاً
___________________

عند مريم
وصلت إلى الڤيلا ورأت الداده سنيه تشرف على الخدم
الداده سنيه: أهلا يابنتى..عاوزه تأكلى أو أى حاجه ياحبيبتى
مريم بلطف: لا يا داده شكرا...أنا هطلع أرتاح فى أوضتى شويه بس
الداده: براحتك يابنتى...إتفضلى
صعدت مريم إلى غرفتها وأغلقت الباب بالمفتاح وبدلت ثيابها ثم أمسكت الهاتف الخاص بها وقامت بالضغط على بعض الأرقام حتى سمعت صوت شخص
الشخص: السلام عليكم..مين معايا
مريم: أنا مريم بنت نصر صديقك يا أنكل
الشخص بفرحه: مريم يابنتى...مشفتكيش من زمان..عامله إيه يا حبيبتى إنتى وباباكى
مريم بلطف: إحنا بخير يا أنكل الحمد لله.....بصراحه كده ياعمى كنت عاوزه أطلب من حضرتك حاجه بس تبقى سر ما بينا محدش يعرفه أبداً
الشخص بإستغراب: خير يابنتى...إتفضلى
مريم: معلش يا أنكل..إوعدنى الأول
الشخص بإستغراب أكتر: أوعدك
مريم براحه: تمام يا أنكل إسمعنى كويس...أنا كنت عاوزه مساعده حضرتك فى إنى أوصل ل*********بتدريب حضرتك طبعا
الشخص بذهول: بس يابنتى دا يبقى خطر عليكى...وبعدين باباكى عارف ولا لاء
مريم: بصراحه كده يا أنكل بابا مش عارف........**************************
وبعد إقناع طويل وافق الشخص على مساعدتها وتدريبها
*تدريبها على إيه بقا منعرفش يا جودعان 😂؟*
وبعد إنتهائها من المحادثه معه
خرجت مريم إلى الشرفه وجلست بها وهى تنظر إلى السماء وشارده وتتذكر كيف أخذت رقم هذا الشخص الذى تحدثت معه..!
flash back

عندما جاءت عائله المنشاوى وذهب كل شخص إلى غرفته كى يرتاحوا
ذهب نصر إلى غرفته ليرتاح قليلاً من عناء السفر ...وقبل أن يغوص فى النوم وجد من يطرق على الباب
نصر: إتفضل
مريم وهى تدخل: إذيك يابابا ياحبيبي
نصر بحنان: تعالى يا مريم ياحبيبي...عامله إيه يابتى مع آدم
مريم: الحمد لله يابابا كويسين..أخبارك إنت وأخبار صحتك
نصر: بخير يابنتى....كنتى عاوزه حاجه ولا إيه يابتى
ساره: اه يابابا..ممكن تلفونك بس شويه
نصر يإستغراب: ليه يابتى
مريم بتوتر أخفته: كنت حاطه عليه شويه أرقام لصحابي وصور ليا يعنى ف هنقلهم عندى وأجيبه تانى
نصر: ماشي ياحبيبتى خوديه
أخذت ساره الهاتف وإتجهت إلى غرفتها
جلست تبحث عن الشخص التى تريده حتى وجدته أخيرا...قامت بنقل الرقم إلى هاتفها بسرعه....وبعدها ذهبت إلى غرفه والدها ووضعت الهاتف مكانه وخرجت
back
______________________
فى القسم
عند ساره
الظابط: أعرف بقا اللى حصل
ساره: ياباشا شوفته بيضرب والدته روحت أدافع عنها..لقيته ضربني أنا وأنا بقا مش هسكت وهردله القلم ده
الشاب:  لا ياباشا كدابه محصلش دى بتتبلى  عليا ياباشا...أنا أصلا معرفهاش أنا كنت ماشي وأنا وأمى لقيتها جايه نحيتى وقعدت تزعق بس ياباشا
ساره بذهول: ياكدااب
الشاب: إنتى اللى بتكدبي...حتى إسأل أمى كده ياباشا....مش صح ياما ولا إيه
والدته بخوف وتوتر: أيوه ياباشا هو معملش حاجه...إحنا أصلا منعرفهاش
كانت تتحدث وسط زهول ساره ولكنها إستنتجت أنها خائفه من إبنها
الظابط بزهق: يوووه ما تخلصوا بقا..ها أكمل المحضر ولا هتتصالحوا
ساره: ممكن ياباشا بس أعلم تلفون
الظابط: إخلصى تلفون واحد بس
ساره: تمام ياباشا
قامت ساره بالإتصال على فادى
فادى : الو....ساره.... إتأخرتى كدا ليه يابت..
ساره: تعالى يافادى على قسم **
فادى: إيه عملتى إيه يابلوه
ساره: يابنى تعالى بس
فادى بسرعه: ماشي خلاص جاى سلام
وبعد قليل من الوقت حضر فادى وقاموا بالتصالح وفادى ينظر لساره نظرات ناريه
فى السياره عند فادى
فادى بغضب: بقا أخرتك تروحى قسم ياشيخه دا أنا مدخلتهوش قبل كده أدخله على إيدك إنتى
ساره بمرح: ياباشا عدى أمورك كده وفك المهم..يلا بس عشان أنا جعانه قوى
فادى: اااه قلبي...يارب صبرنى على ما إبتلانى..إنتى يابت مش هترتاحى غير لما تجيبيلى الضغط
ساره: ههه بعد الشر....يلا بقا عشان حينان زمانها قلقانه
فادى: يلا ياختى
وذهبوا بإتجاه المنزل
__________________
وكده يكون البارت خلص
عارفه إن فى حاجات كتير مش مفهومه أو غامضه بالنسبه ليكم بس كل حاجه هتتوضح مع الوقت فى البارتات الجايه إن شاء الله

وفولو وفوت وإنت معدى ياقمر 💛