جف البُكا معدش باقي في عيني شيء.'
#أرغمت علي حبه
#الفصل الثالث والعشرون
#عطر الليل
_____________
فات اليوم وجاء المساء بنور قمره... وجمال نجومه...!
كانت جالسة فى صالة الڤيلا تراجع أوراق المهمة.. حتى جاء مازن من خلفها ثم تحدث بجانب أذنيها: بخ
مريم ببرود: إممم وإيه كمان
مازن بتذمر: يابنتى إنتِ بارده كده إزاى
مريم: مازن سيبنى أركز بقا
مازن بسخرية: أصلا مش عارف إيه اللي خلاكِ تدخلى الكلية دى معملتيش زي ليه ودخلتى هندسة
مريم بهدوء وهى تترك الورق: أولًا عشان أنا كنت علمي علوم... ثانيًا بقا أنا بحب الشرطة إنت مالك
مازن بإستهزاء: أنا بحب الشرطة إنت مالك...ثم وقف وقال: يلا أنا هروح أنام أحسن من الكلام معاكِ أصلا
ثم غادر من أمامها
مريم وهي تنظر فى الأوراق مره أخري: يارب صبرني علي المجنون ده
وبعد وقتٍ ليس بقصير دلفت إلي غرفتها وإتجهت إلى فراشها للنوم، فالغد هو يوم المهمه التي ستغير كل شيء...!
____________
أعشقها
_ ماذا تعشق فيها
جنونها، وعفويتها
في بيت ساره
كانت تجلس في صالة المنزل، تراجع الورق الموضوع أمامها فهي تعينت رسمي بعد فترة من التدريب فى المستشفي.... ولكن عذرًا عزيزي القاريء فمازالت ساره مجنونة كما هي
فادى وهو يجلس أمامها ويقول: بت ياساره بقولك
ساره: هشش يافادى سيبنى أشوف الورق ده بس
فادى: يابت بصي.... ساره... بتت
ساره وهى تترك الورق بزهق: يوووه إيه يافادى
فادى: أنا عاوز عروسه
ساره بسخريه: شايفني كاتبه على رأسي أم سماح للتعارف الجاد مثلًا... يأخى إتنيل
ثم نظرت فى الأوراق مره أخري، وبعد دقيقه
ساره وهي تنظر لِ فادى ببراءه: فادى.. حبيبي
فادى وهو يتظر لها بِ طرف عينيه: نعم ياختى
ساره وهي تترك الورق وتتحدث بحماس: تعالي نخرج
فادى: لأ أنا مش عاوز أخرج
ساره: تعالي نخرج عشان خاطرى... يلا يا فادى
فادى بتصميم: أنا قولت لأ يعني لأ كلامى يتسمع
وبعد نصف ساعه
فادى: بس إيه رأيك بقا فى الأيس كريم اللى أنا جبتهولك
ساره بإستفزاز: عادي جدًا على فكره
فادى وهو يمسكها من طرف قميصها: وحيات أمك طب هاتيه بقا
ساره: إضرب إضرب وأنا هعمل فيك بلاغ شاب يتعدي على مواطنه طيبه وبنت حلال
فادى بسخريه: طيبه.. وبنت حلال كمان... لا إتصدمت فيكى
ساره وهي تبعد يده عن قميصها: سيب بس التيشرت كدهو
فادى: كدهو.. فى دكتوره محترمه تقول كدهو
ساره: إن كان عاجبك ولو مش عاجبك إشرب من البحر.... ثم قامت بمد لسانها له
________________
"وسيأتي يوم ما ونلتقي ....
متي..؟.
لا أعلم ولكن سيأتي هذا اليوم لا محاله"
أشرقت الشمس بنورها..... وبدأ يوم جديد مليء بالأحداث.....
كانت تجلس مريم فى المكتب مع اللوا رأفت ينتظرون ما يسمى ب فهد الخابرات
مريم بزهق: هو مش ناوي يجي
اللوا رأفت بإبتسامه: دقيقتين بالظبط وهيدخل
مريم بإستغراب: لازم دقيقتين يعني
اللوا رأفت: اه... هو دقيق جدًا فى مواعيده بيوصل بالدقيقه.....
وبالفعل بعد دقيقتين، دلف فهد المخابرات وهو يرتدى قناع يغطي وجهه، ويرتدى بنطال باللون الأسود وتيشرت باللون الأسود...
اللوا رأفت: أعتقد إن حاليًا تقدروا تروحوا، وإنتم فاهمين المهمه طبعًا، ودايمًا هنبقى مع تواصل دايم...
وبالفعل غادرت مريم وفهد المخابرات المجهول بالنسبه لها.. ولكن بالنسبه لنا فهو مكشوف 😉، وغادروا بإتجاه سيناء الحبيبه
_____________
"لو كان الندم يأتي قبل الغلطة لما كانت الغلطة وما سمي ندما"
فى مركز "نجع حمادى"
كان الجميع يجلس على طاولة السفره، يتناولون الطعام بهدوء، قاطعه محمد وهو يقول: لسه عاد يا أبوي متعرفش حاجه عن مريم واصل
نظر له نصر بغضب ثم قال: أنا قلتلكم ميت مره، السيره دى متتفتحش هنيه واصل
الجد المنشاوي: إسكتوا إنتوا التنين... أنا خابر حفيدتي فين
نظر له محمد ونصر بصدمه.... هل يعرف أين هي كل هذا الوقت ولم يتحدث
ثم أكمل الجد المنشاوي: أيوا خابر حفيدتي فين، وبطمن عليها كمان
نصر بغضب: فين يا أبوي، عشان أجتلها وأغسل عارى
الجد المنشاوي وهو ينظر له بغضب: تجتل مين إنت إتجنيت ولا إيه..... دى حفيدة المنشاوي... محدش يقدر يمسها واصل ... فاهمين ولا لع
أومأ له محمد في حين توقف نصر عن الحديث، إحترامًا لوالده..... ومن داخله يتوعد لها كثيرًا
______________
في ألمانيا وتحديدا في مدينه فرانكفورت
كان آسر يجلس فى مكتبه فى حين جاء له شخص يقول أن مدير الشركه يريده
ذهب آسر بإتجاه مكتب المدير، ولكن فى أثناء سيره رأي ليان هي الأخرى تتجه إلي مكتب المدير (ماكس)
آسر بإستغراب: إنتِ بتعملى إيه هنا
ليان بإستغراب مشابه: إنت اللى بتعمل إيه
آسر: المدير طلبني
ليان بدهشه: طلبنى أنا كمان...... ثم قالت بخوف: تعال نشوف يا أخويا شكلنا هنترفد مره واحده يلا يلا
آسر بإبتسامه من مجنونها، ثم دلفوا إلى داخل مكتب المدير....
ماكس وهو يقول: Sie setzen sich
_إجلسوا
جلس كلًا من آسر وليان
ماكس: Wie Sie ägyptians mögen, entschied ich, dass Sie in einem Büro zusammenarbeiten werden
_بما أنكم مصريون مثل بعض، فقررت أنكم ستعملون سويًا فى مكتب واحد
نظر كلًا من آسر ومريم إلي بعض بدهشه، ثم تحدث آسر
آسر: Aber warum ist diese Entscheidung Sidi ..?
_ ولكن لماذا هذا القرار سيدى..؟
وأضافت ليان بإستغراب أيضًا: Ja Sidi .. Warum ist diese plötzliche Entscheidung..؟
_نعم سيدى.. لماذا هذا القرار المفاجيء..؟
ماكس ببرود: Dies ist meine Entscheidung und Sie werden ausgeführt ..... und Sie können jetzt abreisen .....
_هذا قرارى وعليكم التنفيذ..... ويمكنكم الإنصراف الآن.....
آسر وليان في صوت واحد: ja Herr
_ نعم سيدى
وغادر كلًا منهم من مكتب ماكس
_______________
يكون الإنسان غريباً عندما يكون جسده في مكان، وروحه في مكان آخر.....
#عطر الليل
#أرغمت على حبه
#الفصل الثالث والعشرون
___________________
أنت تقرأ
أرغمت على حبه
ChickLitروايه مختلفه سيكا عن الباقى، البطل مش بيكابر، مش العصبي لأبعد الحدود، بالعكس البطل متصالح مع نفسه، لكن هتدور القصه حول كثير من الأحداث المشوقه، البطله ليست ضعيفه لأبعد الحدود، تمتلك الثقه بالنفس، حلمها هيغير شخصيتها تمامًا، وسيتسبب فى تغيير حياتها...
