أرغمت على حبه

part 16💛

#أرغمت على حبه
إنى عشقتك وأتخذت قرارى.. فلمن أقدم ياترى أعذارى؟  لا سلطه فى الحب تعلو سلطتى فالرأى رأيي والخيار خيارى... هذه أحاسيسي فلا تتدخلى أرجوك بين البحر والبحَّار...! وتسألينى ما الحب؟ الحب أن أكتفى بك ولا أكتفى منك أبداً.
#نزار_ قبانى
***********
#البارت السادس عشر
توقفنا البارت السابق على حزن مريم لعدم وجود والدتها ولكن أصبحت لها أم أخرى (حنان)
كانت مريم جالسه مع ساره فى غرفتها يتبادلون أطراف الحديث بينهم
مريم وهى تنظر فى الساعه وجدتها 12:30: ساره بقولك أنا عندى مشوار صغير كده هخلصه وأجيلك ع طول ماشي
ساره بشك: مشوار إيه
مريم بهمس: بصى وعد هحكيلك لما آجى
ساره بتفكير: ماشي بس متتأخريش
خرجت مريم من الغرفه فقابلت حنان
حنان: راحه فين يابنتى
مريم بإبتسامة صافيه: عندى مشوار ياماما مش هتأخر
حنان بحب: ماشي يحبيبتى
خرجت ساره من غرفتها وهى تقول : إيه جو العشق المفقوع ده ياجدعان ودخلت مره أخرى
ضحكت مريم وحنان على حديثها وغادرت مريم على وعد العوده سريعاً
_________________
عند آدم
آدم وهو يتحدث بالهاتف: نهال نادى مراد خليه يجينى
وبعد بضع دقائق دلف مراد إلى المكتب بعادته المعروفه وبطلته المرحه
مراد: كنت عارف إنك متقدرش تستغنى عنى
آدم: إقعد يازفت
جلس مراد وتحدث بغرور مصطنع: ها قولى عاوز إيه من خدماتى العظيمه
آدم بيأس: وصل موضوع الجامعه لحد فين
مراد بجديه: لسه هيبلغنى النهارده مين الأربعه اللى هيتعينوا فى المستشفيات
آدم: كل أتنين فى مستشفى
مراد: هنعمل كده
آدم: لما يبلغك قولى
مراد: تمام يابرنس... يلا سلام
آدم: على شغلك
مراد ببرطمه وهو يغادر: يأخى أبو برودك على معرفتك معرفه تسد النفس بصحيح
آدم: بطل برطمه وغور على مكتبك يامراد
مراد بغباء: هو أنا حاسس إنى بطرد
آدم بتأكيد: لا ياحبيبى إتأكد
مراد: كده إطمنت.. وغادر المكتب سريعا تجنباً لغضب صديقه.......
______________
دلفت مريم إلى هذا الكافيه المطل على النيل حتى وجدت هدفها يجلس ويرتشف بعض القهوه
مريم بعدما إتجهت إليه: إزيك يا أنكل رأفت
رأفت بود: إزيك يامريم عامله إيه ونصر عامل إيه
مريم: الحمد لله يا أنكل أخبارك حضرتك
رأفت: بخير يابنتى.. ها إحكيلى بقا إنتى فى القاهره إزاى
قصت له مريم كل شيء وكيفيه زواجها من آدم وعن حلمها التى تود تحقيقها
رأفت بتفكير: بس يابنتى دا صعب أوى وخصوصا إنك بنت مش ولد وكمان متجوزه
مريم برجاء: علشان خاطري ياعمى وأنا عندى فكره بعد إسبوعين***********
رأفت بتفكير: طب نعرف نصر
مريم بزعر: لا ياعمى مستحيل يوافق اصلا
رأفت بتنهيده: ماشي يامريم هساعدك وأمرى لله بس لازم تخفى وشك بعد ما ننفذ الخطه دي
مريم بتأييد: اه هعمل كده فعلا
رأفت وهو يقف: تمام أنا هساعدك عشان حسيت أنك فعلا محتاجه مساعدتى وإنك تحققى حلم عمرك
مريم بشكر: شكرا جدا ليك ياعمى عمرى ما هنسي أبدا مساعدتك
رأفت بود: لا يابنتى متقوليش كده... يلا أشوفك بعد إسبوعين
مريم:  مع السلامه
غادر رأفت المكان بهدوء وظلت مريم شارده فى المستقبل المجهول
(رأفت المعمارى: رجل ذو ال 47 من عُمره بنفس عُمر نصر والد مريم وصديق طفولته ولكن إفترقوا بسبب دخول رأفت كليه الشرطه فى القاهرة وإنتقاله إلى هنا وهو يكون اللوا رأفت زوجته متوفيه منذ 3 سنوات ولديه ولد أصغر من مريم بسنه واحده وهو مازن صاحب 18 عام)
وبعد بعض الوقت فاقت من شرودها وخرجت من الكافيه وإتجهت إلى منزل ساره
وبعد نص ساعه وصلت إلى المنزل وهبطت من السياره واتجهت إلى الأعلى
فى المنزل
حنان بصوت عالى: إفتحى الباب يازفته ياللى إسمك ساره
ساره بزهق: يووه مخلاص يا حينان الجيران لسه مسمعتش
حنان: يلا يابت إفتحى الباب زمانها مريم
ساره وهى تفتح الباب: خلاااص ياحنان بقا.... إيه يامريم كل ده تأخير
مريم بتوهان: ها معلش ياساره آسفه
ساره وقد أحست بوجود شيء ما فقالت بصوت عالي: حناان أنا هدخل أنا ومريم الأوضه بتاعتى
حنان من المطبخ: ماشي
ساره وهى تجذب مريم من يدها: يلا يامريم تعالى
دلفوا إلى الغرفه فجلست مريم بإهمال على الفراش
ساره وهى تنظر لها: فى إيه يامريم مالك
كادت مريم تتحدث ولكن قاطعتها ساره وهى تقول بتحذير: ومن غير كذب يامريم
نظرت لها مريم فشعرت بحاجتها للحديث فقصت لها كل شيء وسط زهول وصدمه مريم مما حدث
ساره بصدمه: وه وه دا إيه الروايه دى يا أبوى
مريم بحزن: هى فعلا حاجه متتصدقش
ساره بعدما فاقت من الصدمه: بصى يا مريم إنتى دا حلمك صح
أومأت لها مريم بتركيز لحديثها
ساره بجديه: خلاص حلمك حققيه لو عرفتى .. إنتى هتعيشي مره واحده بس.. عيشي زى ما تحبي... ثم قالت بشك: مريم هو إنتى بتحبي آدم
مريم بإرتباك: ها بصى صراحه مش عارفه
ساره بدهشه: إزاى يعنى
مريم بشرود: يعنى لما بشوفه بحس إنى مطمنه.. بحس إنى ليا سند هنا... بحس ساعات إنى محتاجاه
ساره بحذر: طب لو فعلا بتحبيه وعشان تحققى حلمك هتسبيه..!
مريم بثبات:...........
_______________________
مكان مجهول يدب الرعب فى النفوس.... مليء بالحقد والتخطيط الدنيء
فى غرفه يختفى منها النور
المجهول وهو ينظر لصوره كبيره أمامه ويجلس على كرسي هزاز وبيده زجاجه من المحرمات : هوصلك ياحلوه ووقتها صدقينى هيكون هو فى قبره بيشوفك وإنتى فى حضنى ههههههههههههه هنتقم منه فيكى عشانها اللى ماتت بسببه عشان حبته هو وأنا لاء ثم قال بغضب: هقتله وهعذبه هو السبب فى بعدها عنى لو مكنش عايش كانت هتحبينى أنا
ثم إرتشف من زجاجه الفودكا وظل ينظر للصوره بخبث...!
_____________________
هل حلم مريم سيسبب بعدها عن آدم..؟!
ماذا ستختار حلمها أم إعجابها به...؟!
من هو الشخص المجهول..؟ ومن الفتاه التى يتحدث عنها..!
ومن المختارون للمستشفيات..!
#أرغمت على حبه
#عطر الليل
#الفصل السادس عشر
#فوت وفولو فى الصفحه 💛