أرغمت على حبه

part 15

البارت الخامس عشر
أصدق حب عندما تحب إنساناً ولا تعلم لماذا أحببته..؟!
نبدأ البارت بالصلاه على من أشرق الكون بنوره 💛
______________________
#البارت الخامس عشر ♡

وقفنا البارت اللى فات على سؤال مراد لآدم
مراد:  هسألك سؤال وترد بصراحه يآدم
آدم: اممم إتفضل يا أخويا 
مراد: إحم هو إنت يعنى بتحب مريم مراتك
صدم آدم من سؤاله وبعد قليل من التفكير
آدم بهدوء:  مش عارف
مراد:  مش عارف إيه
آدم:  بص يلا بما إنك دنجوان عصرك وكده هحكيلك وأمرى لله
مراد بفرحه:  إشطا ياصاحبي إحكى وأنا كلى أذان صاغيه
آدم بتنهيده:  بص بتبقى دايما فى مخيلتى فى كل مكان بروحه، وببقى عاوز أشوفها ع طول، عاوزها تبقى أدام عينى، بحسها بنتى مش مراتى،عاوز ابقى أمانها على طول، بص ممكن أكون أُعجبت بيها لكن موصلتش لدرجه الحب فاهمنى 
مراد بغيظ منه:  لا أبدا يابنى إنت شويه بس وهتفرقع من العشق مش من الحب
آدم بغضب: ولا إطلع برررره
مراد:  إحم خلاص يا آدم مش هتكلم
آدم بغضب: بقولك إطلع بررررره يااامراااد
مراد:  ماشي ياعم متزوئش بس
وفر مراد هارباً عندما ألقى آدم القلم من يديه خوفاً من غضب صديقه، الذى لايرى أمامه أثناء غضبه
جلس آدم يتنفس بصعوبه بعد ذهاب صديقه، ويفكر فى كلامه!!. وأبعد هذه الأفكار من رأسه وأكمل عمله وباله منشغل بحوريته كما أسماها.!!! ولا يعلم هذا الغبى أنه تعدى مرحله العشق....؟!
___________

فى الجامعه
كانت تنتظر صديقتها ساره بغضب وهى تتوعد لها!
سامر وهى يرى مريم: واد يارامى مش دى البت اللى كنا بنتكلم عنها
رامى وهو ينظر بخبث لمريم: اه هيا... بس إتقل أيام وهتبقى تحت رجلى وهأخد منها اللى عاوزه برضه
سامر ببعض الخوف: مش مطمن ليه مش عارف
رامى بسخريه: إنت اللى خواف..

وبعد قليل
أخيراً وصلت ساره ورأت مريم من بعيد فإتجهت لها
مريم أول ما رأت ساره:  كل داا لازم كل يوم أستناكى يعنى... متعرفيش تيجى بدرى ها.. ها بتزلينى يابت إنتى
ساره بضحك:  إيه يابنتى ماسوره وإتفتحت... إحنا آسفين ياباشا سماح المرادى
مريم:  خلاص يلا ياختى عشان علينا الدكتوره سوسو حناكه دي
ساره بضحك: هههه اه والله لايق عليها... مكياجها بيفكرنى بأيام الجاهليه
مريم:  هههه اه يلا بقا عشان هتتكلم كتير
ساره: يلا
وإتجهووا إلى المدرج ولسوء حظهم وجدوا سوسو حناكه😂.. أقصد الدكتوره ساميه موجوده وبدأت بشرح المحاضره بالفعل (عيال فقر):
الدكتوره بغضب:  إيه يا أستاذه منك ليها جايين بعد ما بدأت بخمس دقايق بحالهم لييه ها
مريم بهدوء: آسفين يادكتور آخر مره
الدكتوره بغضب:  إتفضلوا أدخلوا.. وبعد كدا مفيش دخول بعد ما أبدا  المحاضره
دخلت ساره ومريم وجلسوا
ساره بهمس لمريم: والله معاكى حق هى فعلا سوسو حناكه
كتمت مريم ضحكتها بصعوبه وإنتبهوا إلى المحاضره التى تُشرَح برعايه سوسو حناكه (هيهيهي😂😂)
_________________
فى الشركه فى مكتب السكرتيره (نهال)
كانت تتحدث بالهاتف مع أحد الأشخاص المجهولين!
نهال بصوت منخفض: الو ياباشا.. فى أخبار هتعجبك أوى
المجهول: ها قولى ياريت تنفع عشان ميبقاش فيها رقابتك ياحلوه
نهال بخوف: لا ياباشا هتعجبك أنا سمعت آدم بيه وهو بيتكلم مع مراد بيه وبيقولوا إن هو بدأ يحب مراته دى 
المجهول بخبث: متأكده من كلامك ده
نهال:  اه اه ياباشا متأكده
المجهول: أحب أقولك لو غلط قدامه حياتك ياحلوه
وأنهى المكالمه دون سماع ردها
نهال:  اه يابن ال*لب والله لأندمكم كلكم وبرضه هيبقى آدم ليا
فى هذا الوقت كان مراد خارج من مكتب آدم ودخل لمكتب نهال رآه تحدث نفسها
مراد: هو إنتى إتجننتى ولا إيه يا نهال بتكلمى نفسك
نهال بخضه ثم تحدثت بتوتر وخبأت هاتفها خلفها:  ها أ أ صل يعنى لا أبدا مفيش حاجه كنت بكلم واحده صحبتى
مراد بشك وهو ينظر للهاتف: اه ماشي بس أنا مسألتش أصلا
وغادر الغرفه وفى داخله شعور إنها تكدب..!
_________________
فى الكليه
إنتهت مريم وساره من محضراتهم
مريم:  أحسن حاجه النهارده إن مفيش غير محاضره واحده بس
ساره: اه والله يلا بقا نروح عندنا حينان عاوزه تشوفك أوى وكمان نقعد مع بعض
مريم بإستغراب:  حينان مين
ساره بضحك: دى ياستى نبع الحنان
مريم بضحك: وليه بتقوليلها ياحينان
ساره:  عادى متعوده على كده وكمان بدلعها
مريم: لا بقا أنا عاوزه أشوف طنط حينان
ساره: ههه يلا ياختى
ركبوا سياره أجرى وكانت مريم تنظر إلى ساعتها وجدت أن الساعه 11
مريم فى نفسها: لسه ساعتين
_______________
فى نجع حمادى
الجد وهو يتحدث مع شخص
الجد: متأكده من اللى سمعتيه
الشخص: اه ياباشا سمعتها وأنا كنت معديه جنب الأوضه بتاعتها
الجد:  ماشي
وأغلق الهاتف وهو يفكر ولكن وجد الحل أن يتركها فهى بالنسبه له المفضله دائما ولا يمكنه الوقوف أمام حلمها!!!
_________________

وصلت مريم وساره إلى منزل ساره ودلفا إلى الداخل
ساره بصوت عالى وهو تدخل: إنتو ياقوم ياللى هنا
حنان وهى تخرج من المطبخ: إيه يابت الإزعاج كل يوم دهه ورأت مريم فإتجهت لها وحضنتها
حنان: إزيك يابنتى من كتر كلام ساره عليكى حبيتك
مريم وقد أحست بشعور غريب عندما حضنتها حنان.! أحست بحنان الأدم.! أحست بشيء إفتقدته منذ سنوات.!
مريم بإبتسامة صافيه وعيون بدأت بالمعان : بخير  طول ما حضرتك بخير
حنان وقد رأت دموع مريم المتحجره: مالك ياحبيبتى تعالى إقعدى
جلست مريم بجوار حنان
وساره تقف وتنظر لمريم بحزن فهى تعلم ما تشعر به مريم
حنان بحب: مالك ياحبيبتى إحكيلى إعتبرينى مامتك
مريم بدموع بدأت فى الهطول: كان نفسي أمى تبقى معايا وتحضنى على طول بس هى سابتنى وراحت عند ربنا
حنان بحزن: ربنا يرحمها يابنتى هى فى مكان أحسن.. وبعدين تعالى هنا أنا من النهارده مامتك ولا إيه وإمسحى دموعك دى بقا يلا
مريم وهى تمسح دموعها: طبعا ياطنط
حنان بغضب مصطنع: مش قولنا أنا مامتك يبقى تقوليلى ماما أو حينان زى البت ساره
مريم بضحك: ههه ماشي ياماما
حنان بحنانٍ ليس جديد عليها: أحلى ماما دى ولا إيه
قاطعتهم (وصله الحنان) ساره وهى تتحدقت ببكاء مصطنع:  إهىء إهىء إهىء ترانى تأثرت وأبغي أبكى
أمسكت حنان بسلاحها الطائر (الشبشب) وقذفته عليها
حنان:  يلا يبنتالجزمه روحى غيرى
ساره: وربنا ظلم هه بقيت أنا بنت البطه السودا
رأت حنان قادمه ناحيتها فذهبت راكضه إلى غرفتها
حنان وهى تنظر لمريم التى تضحك: مش عارفه إنتى مصاحباها إزاى بقا عندى بنتين أهبل من بعض ودخلت إلى المطبخ وهى تقول: عوض عليا عوض الصابرين يارب
__________________
كده نهايه البارت ياقمرات
دوسو على النجمه دى 😂وإستجدعوا معايا