أرغمت على حبه

part 21

مكتوب للغايب يوم هيعود، مكتوب للغصن يضُم ورود.
مسار إجباري.
************
*أرغمت على حبه*
الفصل الواحد والعشرون
عطر الليل
*************
توقفنا البارت السابق على هروب مريم وذهابها إلى الإسكندريه عند اللوا رأفت
عند آدم
رجع آدم من الشركه وكاد أن يصعد إلى غرفته حتى أوقفه صوت الداده سنيه  
الداده سنيه بتوتر: آدم يابنى
آدم بإستغراب من توترها: خير ياداده فى إيه
الداده سنيه: مريم يابنى مرجعتش من الصبح
آدم بصدمه: إيه يعنى إيه ياداده
وصعد سريعًا إلى غرفتها ولكن لم يجدها نزل سريعا إلى الحرس
آدم: عثماااان يا عثماااان
عثمان * قائد الحرس *: نعم يابيه تؤمرنى بحاجه
آدم: مريم خرجت إمتى
عثمان: الصبح بدرى ياباشا وكان معاها شنطه زى شنطه سفر كده
آدم بصدمه ولكن سرعان مانفي تفكيره وصاح بصوت عالى وغضب : تقلبوا الدنيا عليها  إلا ورحمه أمى هوريكم وش ميعجبكوش ومترجعوش من غيرها فاااااهم
عثمان بخوف من غضبه: فاهم ياباشا، وأخذ بعض من الحرس وذهبوا للبحث عنها
أما آدم صعد سريعا إلى غرفتها وفتح دولاب الملابس الخاص بها وكانت الصدمه... لم يجد بها سوى ملابس قليله، ولكن لاحظ ورقه مطويه دخل الدولاب أخذها سريعا وقام بفتحها وكان يقرأ وعلامات الصدمه والدهشه هى المرسومة على وجهه
"إعرف إنك لو بتقرأ الورقه دى الوقتى يبقى أنا مشيت، مشيت عشان أحقق حلمى، بس حبيت أقولك متدورش عليا لإنك مش هتلاقينى، إحنا جوازنا كان إجبارى عيش حياتك وانسانى، عمرك ما أذتنى وأنا بحترمك جدا بس حلمى أهم من كل حاجه.. لو فى يوم اعتبرتنى حتى بنت عمك سبنى اعيش من غير مشاكل ومتدورش عليا
مريم"
كان فى حالة من الصدمه والذهول كيف تفعل هذا هل معقول هربت...!
*************
عند مريم  استيقظت من النوم على الساعه العاشره مساءً ثم هبطت للأسفل، وجدت اللوا رأفت يجلس بمفرده، ذهبت إليه
اللوا رأفت: صباح الخير يابنتى، كويس إن مازن مش هنا نقدر نتكلم بهدوء، بصى يابنتى أنا قررت أساعدك بس أول حاجه إنك لازم تخفى وشك وتتدربي عشان تقدرى تتحملى الأيام اللى جايه، وبحكم إنك بنت لازم تدربي كتير، في غرفه هنا خاصه للتدريب فيها جميع الأدوات اللى هتحتاجيها ..
مريم بهدوء: تمام ياعمى وإن شاء الله هتدرب بسهوله
**************
عند ساره كانت جالسه على الهاتف تُقلب فى الإنستجرام ورأت صوره مراد
ساره وهى تتمعن فى الصوره: أنا حاسه إنى شوفت الخلقه دى قبل كده... فين... فين ياربى.. اااه مش دا الواد المز اللى أنقذنى مرتين
وقامت بفتح حسابه وشاهدت صوره وعلمت أنه مدير فى شركه المنشاوى
وبعد وقت ليس بقصير ذهبت إلى النوم...!
************
ملحوظه): أي بطلين ملهمش علاقه بغيرهم...! لا زمان ولا مكان...!
نرجع..
************
عند آدم
كان يبحث عنها فى كل مكان گالمجنون أو بالأحري كالطفل الذى أضاع دميته ولكن لم يجدها كما فى المثل (فص ملح وداب)
جلس على الأريكة وهو ينظر للفراغ وعيناه حمراء كالدماء من يراها يرتعب خوفًا
مراد وهو يجلس جواره: إهدى يا آدم أكيد هنلاقيها
آدم ومازال ينظر فى هذه البقعه: ورحمة أمى ألاقيها بس كده وهوريها أيام عمرها ماكانت تتخيلها... بقا هي تهرب.. وأنا اللى كنت....
مراد بإستغراب: كنت إيه
آدم وهو يقوم من مكانه: مفيش.. أنا هطلع أنام عشان الشركة
وصعد سريعًا إلى غرفته
مراد: إيه دا هو ناوى يروح الشركة... لاء ربنا يستر أنا مش متفائل.... وبداخله خوف من القادم
وذهب إلى منزله
***********
أشرقت الشمس وهي تحمل حزنًا للبعض... وفرحًا للبعض الآخر...!
فى منزل ساره
حنان وهى تدخل غرفه ساره كى تُقيظها ك حال كل يوم بعد معاناه  ولكن صدمت مما رأت فكانت  ساره ارتدت ملابسها وتمشط فى شعرها
حنان: انتى صحيتِ إمتى... ومين صحاكِ
ساره اقتربت منها وهى تقول بإبتسامه: مالك يا حينان الصدمه مأثره ولا إيه... صحيت من ساعه ومحدش صحاني
حنان وهى تضع يدها على جبين ساره: إنتِ تعبانه صح
ساره: لا ياباشا أنا زى الفل..... ويلا بقا سلاااام يا حينان
وذهبت سريعًا من أمامها
حنان: عوض عليا عوض الصابرين يارب
*************
تسريع للأحداث
فاتت أيام كثيرة جدا وصلت للسنتين
وآدم مازال يبحث  عن مريم ولكن لم يصل لها حتى الآن ، وشخصيته  متغيره 180 درجه أصبح عصبي لأبعد الحدود، حاد التعامل جدًا

ومراد دايمًا مع آدم ولم يري ساره أبدًا

أما بالنسبه لبطلتنا مريم فعملت فى الشرطه ولكن بإسم (اللهو) وتغطى وجهها ولا يعلم أحد عنها سوى اللوا رأفت ومازن الذى أصبحت علاقته بمريم قويه جدًا

وساره بدأت فى التدريب وتعينت فى المشفى، ولم ترى مراد مره أخرى ولكن مازالت تتابعه دائمًا على صفحته فى الإنستجرام.......
***********
الروايه هتنتهى بعد فتره أتمنى تكون عجبتكم
ومتنسوش التصويت 🖤
#عطر الليل
#أرغمت على حبه