Third Person View
මුළු කාමරේ පුරාම විසිරිලා තිබ්බ බියර් කෑන්,සෝජු බෝතල් ඒ කාමරේට ගෙනාවෙ අපිළිවෙළ පෙනුමක්..හැමතැනම විසිකරලා දාලා තිබ්බ බඩු මුට්ටු පෙන්නුම් කරේ කොල්ලාගෙ හිතේ තිබ්බ වේදනාව..කාමරේක මුල්ලකට වැටිලා මේ ගෙවුණ කාලය තුළ කොල්ලා කොච්චර තැවුණද කොච්චර ඇඬුවද කියලා කොල්ලාවත් දන්නෙ නෑ..ටේහියොන්..ජීවත් වෙන්න ඕනෙකමට ජීවත් වුණා මිසක් කිසිම ආසාවක් තිබ්බෙ නෑ මේ ජීවිතේ..
ආත්මයක් නැති මලකඳක් ගානටයි ටේහියොන් ජීවත් වුණේ...වරු ගණන් අඬන්න ඇති...බෙරිහන් දිදී අඬන්න ඇති..රෑ අහසෙ හඳට තරු වලට කොල්ලා දුක කියන්න ඇති...විඳවපු නැති දවසක් මතකයේ ඇත්තෙම නැති තරම්..
ඇස්වලින් වැටුණ කඳුළු වලටම පෙඟිලා බොඳ වෙලා ගියපු අතේ තිබ්බ කොල කෑල්ලත් තුරුළු කරගෙන ගෙවපු මේ දවස් ටික ටේහියොන්ව අමනුස්සයෙක් ගානට දැම්මා...බිමටම වකුටු වෙලා කොල්ලා සීතල පොළවෙ නිදාගන්නකොට ඒ හැමවෙලාවකම කොල්ලාගෙ පපුවට ගුලි වෙලා තිබ්බෙ එයාගෙ සුරංගනාවිගෙ සුවඳ තැවරුණ ඇඳුමක්...එහෙමත් නැත්නම් කෙල්ලගෙ ෆොටෝ එකක්..
එකට ගෙවුණ කාලෙ...ඒ හිනාව...ඒ උණුසුම...මතක් වෙන හැම වතාවෙම ටේහියොන් මතක එක්ක තනිවුණා...කොල්ලාගෙ ජීවිතේ ලස්සනම තැන් හදපු ඒ සුරංගනාවිව මතක් වෙන වාරයක් වාරයක් පාසා පිච්චි පිච්චි අඬපු කඳුළු වලට තවමත් අවසානයක් නෑ...එයාලගෙ ආදරේ වගේම දැන් ටේහියොන්ගෙ ඇස්වලින් වැටෙන කඳුළුත් දවසින් දවස වැඩිවෙනවා මිසක් අඩුවක් නෑ..ළඟ නොහිටියත් තවම හිතට පිරෙන මේ ආදරේ කාට පුදන්නද??
ආදරය කියන වචනයේ අකුරු හතර එක්ක අද ටේහියොන් තනි වෙලා...අහම්බෙන් වගේ වෙහෙස වැඩිකමට ඇස්වල කඳුළු නතර වෙද්දි ආයෙත් ඒ ඇස්වලට කඳුළු උනනවා...
ආධ්යාගෙ අන්තිම වචන ටික ලියවුණ කොළ කෑල්ල සියදහස් වාරයක් කොල්ලා කියවන්න ඇති...ඒ කියවලා...ඊටත් වඩා සියදහස් වාරයක් කොල්ලා විඳවන්න ඇති...ආයෙ ආයෙත්..ආයෙ ආයෙත් ඒ කොළ කෑල්ල කියවලා හිත පාරගන්න එක ටේහියොන්ට පුරුද්දකට ගිහින්...ඒත්...ඒ කිසිම වෙලාවක ඒ කොලේ ලියවිලා තිබුණ දේ විශ්වාස කරේ නෑ කොල්ලා...ආධ්යා අකුරු කරලා තිබ්බ ඒ වචන කොහොම විශ්වාස කරන්නද??
YOU ARE READING
Broken Angel | Taehyung Centric | Completed
Fanfiction~අහසයි පොළවයි එකතු වෙන්නෙ නැහැ ටේහ්යොන්.. ~ඔයා වැරදියි ආධ්යා..ක්ෂිතජය අහසයි පොළවයි මුණගස්වනවා කියලා අමතක වුණාද? Taehyung centric fanfiction • Mature Contents - Sexual Harassment , Self harm , Depression , Violence can be included Started - 2021.07...