Unicode
အပိုင်း(၂၇)-(၂) Lili က နှင်ထုတ်ပြီလား
Liza ကားကို လမ်းဘေးချရပ်ကာ စက်သတ်လိုက်သည်။ နောက်ကြည့်မှန်ကို သူမ မျက်နှာဘင်လှည့်လိုက်ကာ ကိုယ့်ပုံရိပ်ကို ကြည့်လိုက်၏။ သူမ ခေါင်းစောင်းလိုက်တော့ မိတ်ကပ်နဲ့ ဖုံးထားတာတောင် နှုတ်ခမ်းထောင့် နားက ခြစ်ရာကို မမြင်ဘဲ မနေချေ။ အဲ့ခြစ်ရာနားက ယောင်နေတဲ့ နေရာကို လက်နဲ့ တို့ကြည့်လိုက်သည်။
နည်းနည်းတော့ နာနေတုန်းပင်။
နောက်တော့ Lisa သူမကိုယ် သူမ ဧည်သည်လုပ်ပြီး Jennie ရုံးခန်းကို ရောက်လာသည်။ Jennie က သူမကို ဝမ်းနည်းနေတာတွေ သက်သာအောင် နှစ်သိမ့်ပေးတဲ့နေရာမှာ ဘယ်တာ့မှ မကျရှံုးဖူးသလို သူမကိုယ်သူမ ပြန်ရပ်တည်နိုင်အောင်လည်း ဖြေသိပ်ပေးတက်သည်။
အရာအားလုံးက အဆင်ပြေသွားမယ်ဆိုတာ သေချာအောင် Jennie ရဲ့ နှစ်သိမ့်မှုေတွကို သူမ လိုအပ်သည်။
Jennie က အစည်းအဝေးခန်းမှာ ရှိနေပြီး သူမရဲ့ အတွင်းရေးမှူးက မကြာခင် အစည်းအဝး ပြီးတော့မှာ ဖြစ်တဲ့အတွက် ရုံးခန်းထဲမှာ စောင့်နေလို့ရကြောင်း ပြော၏။
Lisa ပြတင်းပေါက်ကနေ တဆင့် ရှုပ်ထွေးနေတဲ့လမ်းမပေါ် ငေးကြည့်မိသည်။
"ဘာကြည့်နေတာလဲ" Jennie ရုတ်တရက်ကြီး သူမနောက်က ပေါ်လာသည်။ သူမ ဝင်လာတာကို Lisa မကြားလိုက်ပေ။ Jennie က အမျိုးသမီးဝတ် အနက်ရောင် ကုတ်ကို ဝတ်ထားပြီး သူမရဲ့ အညိုနက်ရောင် ဆံပင်ကို ပုခုံးထက် ဝဲချထားသည်။
"ဘာမှ မဟုတ်ဘူး" Lisa လည်ချောင်း ရှင်းလိုက်ပြီး Jennie က သူမ ဒဏ်ရာ တွေ့မှာ စိုးတဲ့အတွက် ခေါင်းငုံချလိုက်သည်။ "ခဏလောက် ငါနဲ့အတူတူ နေပေးရင် အဆင်ပြေမလား" Lisa ခေါင်းမမော့ဘဲ မေးလိုက်၏။
"ရတာပေါ့။ တစ်ခုခု သောက် မလား" Lisa ယဉ်ယဉ်ကျေးကျေးပဲ ငြင်းလိုက်သည်။
"ဘာဖြစ်လို့လဲ Lili" Lisa က အခုထိ သူမရဲ့ အကြည့်ကို ရှောင်နေတာကြောင့် မေးလိုက်သည်။
သတိကြီးကြီးနဲ့ Lisa ခေါင်းမော့လိုက်ကာ မမြင်စေချင်တဲ့အရာကို ဖုံးကွယ်ဖို့အတွက် အောက်နှုတ်ခမ်းကို ဖိကိုက်ထားလိုက်သည်။
CZYTASZ
Home (MM Translation)
Fanfiction[Edited] တစ်ခါမှ မတွေ့ဖူးတဲ့ တစိမ်းတစ်ယောက်ကို တစ်နှစ်ပဲ ရင်းနှီးအောင်လုပ်ပြီး လက်ထပ်ဖို့ဆိုတာ ဖြစ်နိုင်ပါ့မလား?? Lalisa Manoban အတွက်တော့ မဖြစ်နိုင်ပါဘူး။ ဆိုးတာက Lisa ဆိုတာ လွယ်လွယ်နဲ့ ချစ်မိတက်တဲ့လူ မဟုတ်။ အချစ်ရေးမှာလည်း ကံဆိုးမှုတွေရှိခဲ့တော့ တ...