[Unicode]
အပိုင်း(၃၂)-(၂) ကာကွယ်ပေးရမယ့်သူ
Lisa က Jennie ရပ်နေတဲ့ နေရာကို ဦးတည်လျှောက်သွားလိုက်၏။ တခြားလူတွေမှာ အခန်းထဲကို ပြန်ဝင်သွားပြီဖြစ်သည်။
"ဘယ်လိုလုပ် ဒီကို ရောက်နေတာလဲ"
"ငါ့သူဌေးလေ" Jennie က တံခါးနောက်က အခန်းကို ညွှန်ပြရင်း ပြောလိုက်သည်။
"ငါ့လူနာက နင့်အလုပ်ရှင်ပေါ့"
"အင်း" သူမက အတည်ပြုပေး၏။
"ဘာလို့ မပြောပြတာလဲကွာ"
"ငါလည်း ဒီမနက် မှ သတင်းရတာ Lili ရဲ့။ နင့်ကို ဖုန်းခေါ်တယ်လေ မဟုတ်ဘူးလား။ နင်အလုပ်များနေတယ်ပြောတော့။ ဒါနဲ့ နင်အရမ်းမိုက်တာပဲ။ နင်အလုပ်လုပ်နေတာကို ဒီလောက် နီးနီးကပ်ကပ် မမြင်ဖူးဘူး" Jennie က သူမရဲ့ချစ်ရသူကို စနောက် ရင်း တစ်ခစ်ခစ်ရယ်နေ၏။
"နင် ငါ့ကို နောက်ယောင်ခံလိုက်နေတာလား ဘာလား" Lisa က လက်ကို ရင်ဘက်ရှေ့ထားရင်း ပိုက်လိုက်၏။
"လိုက်ကာစည်းကြားကနေ နင့်ကို ရှင်းရှင်းလင်းလင်း မြင်နေရတာဆိုတော့ နောက်ယောင်ခံလိုက်နေတာ မဟုတ်ဘူးပေါ့"
"အေးပါ။ ငါ့ကို မိုက်တယ်ပြောမှတော့ ဘာပြဿနာမှမရှိဘူးပေါ့"
သူတို့ နှစ်ယောက်စလုံးရယ်လိုက်ကြသည်။
"ဆိုတော့ နင် ငါနဲ့လိုက်မိတ်ဆက်ချင်လား" Jennie က ခဏနေတော့ မေးလာသည်။
"ငါ့ ကြည့်ရတာ အဆင်ပြေရဲ့လား" Jennie က သူမကို အလုပ်ရှင်နဲ့ မိတ်ဆက်ပေးတော့မယ်ဆိုတော့ Lisa ရုတ်တရက် သူမရဲ့ပုံစံကို စိတ်ပူလာသည်။
"ဟမ်... နင် ခုဏလေးတင် သူနဲ့ စကားပြောလာတာလေ"
"သူရဲ့ ဆရာဝန်အနေနဲ့ပြောလာတာလေ။ သူ သဘောအကျဆုံးဝန်ထမ်းရဲ့ ဇနီးလောင်းအနေနဲ့မှ မဟုတ်တာ" Lisa က အချက်အလက်ကြီးတစ်ခုလို ပြောပြ၏။
"နင့်ကြည့်ရတာ သပ်သပ်ရပ်ရပ်နဲ့ ဉာဏ်ကောင်းတောက်ပပြီး ကြည့်ကောင်းတဲ့ပုံပေါ်တယ်"
Jennie က Lisa ရဲ့ ကုတ်ကို သပ်ပေးလိုက်ပြီး ပါးကို တစ်ချက်နမ်းလိုက်၏။ "သူ နင့်ကို သဘောကျမှာပါ"
VOCÊ ESTÁ LENDO
Home (MM Translation)
Fanfic[Edited] တစ်ခါမှ မတွေ့ဖူးတဲ့ တစိမ်းတစ်ယောက်ကို တစ်နှစ်ပဲ ရင်းနှီးအောင်လုပ်ပြီး လက်ထပ်ဖို့ဆိုတာ ဖြစ်နိုင်ပါ့မလား?? Lalisa Manoban အတွက်တော့ မဖြစ်နိုင်ပါဘူး။ ဆိုးတာက Lisa ဆိုတာ လွယ်လွယ်နဲ့ ချစ်မိတက်တဲ့လူ မဟုတ်။ အချစ်ရေးမှာလည်း ကံဆိုးမှုတွေရှိခဲ့တော့ တ...