"أهذا هو الحب؟! " قسوة الجبروت الجزء الثاني

الفصل الخامس " مقابله"

الفصل الخامس... " مقابلة "
ياسين ببرود : وايه يعني ؟!
جنى : انت جايب البرود ده منين... احنا لو اتكشفنا هنروح في دهية...
ياسين ببرود : متقلقيش كل حاجه هتتظبط...
قاطعهما دخول السكرتيرة الخاصه به...
ليلى : ياسين باشا اخدنا معاد من ادهم الشرقاوي.. بكرا الساعة 6 في الشركة عنده...
ياسين بأبتسامة مكر : تمام اووي...
خرجت الفتاه وأغلقت الباب خلفها...
ليردف ياسين : قربت اخلص منها... قربت اووي ومنه كمان...
ــــــــــــــــــــــــــــــــــــــ
انتهى من عمله وعاد للقصر.... دلف بغضب ليجد والده ووالدته جالسين مع قمر وجميله يضحكون بحب...
فارس بهدوء : ايه داخل شايط كدا ليه
ليردف ادهم : جميله... قمر على اوضكوا...
نور بتعجب : في ايه يا ادهم...
ليشير ادهم للفتاتين بأصبعه للاعلى... وانصرفا ليجلس امام والده... وما ان تأكد من صعودهما..
ليردف : مين ياسين اسر مدحت الشرقاوي... ده... ومتقوليش ابن عمك لاني عارف انه ابن زفتي...
نظر فارس لنور بتعجب...
ليردف فارس : وصلك ازاي...
ادهم ببرود منافى لاحتراقه من الداخل : واخد مني معاد يقابلني بكرا...
فارس بغموض : اتوصى بيه يا ادهم... ظهوره ده وراه مصيبه كبيرة...
ادهم بسخرية : اه ما انا عارف ...ده انا هتوصى بيه احلى توصية...
ليكمل بهدوء : انا هأخد قمر وجميله الشركة معايا بكرا...
ليردف فارس بتعجب : ليه ؟!
ادهم ببرود : هقولك بعدين... يلا...  انا طالع هقولهم يحضروا نفسهم بكرا...
صعد لغرة شقيقته ليجد الفتاتين جالستين بملل..
ليردف ببرود : اعملوا حسابكوا هتيجوا معايا بكرا الشركة...
جميله : ليه يا دوما ..
ادهم بهدوء : تغيير...
قمر بأبتسامة هادئة : اللي تشوفه يا ابيه..
اتجه للخارج ومنها لغرفة الرياضه لخاصة والده الذي قضي بها اكثر من الساعتين يحاول تفريغ غضبه الجام من ذلك الياسين الذي اخذ منه موعداً بالغد....
ــــــــــــــــــــــــــــــــــــــ
بأحدى محافظات الصعيد...
بذلك المنزل العائلي الكبير...
يجلس سليمان كبير العائله على رأس المائد ...
سليمان : محدش فيكوا عرف يوصلها.... ايه محدش عارف يجيبها خلاص... اروح انا ادور عليها...
منصور بنفي : لا يا بوي ان شاء الله نعرف نوصلها... مهما كانت هي قريبتنا ولازم نلاقيها...
هيثم ببرود : لو لقتوها هتجوزهالي....
سليمان : ان شاء الله يا هيثم... نلاقيها بس...
ثم شرعوا في تناول طعامهم وكل منهم يخطط للبحث عنها..
ــــــــــــــــــــــــــــــــــــــ
صباح يوم جديد انتهى من تدريبه بغرفه الرياضه ليهبط لغرفته تحمم وارتدى حُلته السوداء التي زادته وسامة متجهاً للاسفل ليجد الفتاتان في انتظاره...
جميله : يلا يا ادهومي...
ادهم بهدوء : يلا يا بنات...
واتجه ثلاثتهم الي الخارج ودلفوا للسيارة متجهين للشركة...
ــــــــــــــــــــــــــــــــــــــ
انتهى من عمله متجهاً لغرفه الاجتماعات جلس ثلاثتهم
ادهم يترأس الطاوله وبجانبه الايمن جميله وقمر وبجانبه الايسر صالح ابن أنس ودارلين...
اتجه ياسين للداخل بهالته البارده الرجوليه الصارخة ينظر للجميع بأستهزاء بجانبه تلك الشمطاء جنى....
جلس هو وشقيقته ببرود... ونظرات جنى تكاد تجرد ادهم من ثيابه من جرائتها القاتله... اما هو ينظر لها ببرود قاتل... وقمر تكاد تفتك برأس تلك الحية البارده...
ادهم : خير يا ابن عمي...
انصدم الجميع من معرفته بهذا الشخص مسبقاً...
ياسين بأبتسامة بارده : كويس... ايه جايب القطتين بتوعك معاك علشان تبان دكر قدامهم...
نظر له ادهم ببرود و ابتسامة مستفزه...
ليردف : انا دكر غصب عن اللي مخلفينك...
جنى ببرود : عمو طه عبد الرحمن ودتوا فين يا سفاحين...
ادهم بأبتسامة باردة : فسحناه..
جميله : هو ايه اللي بيحصل معلش...
جنى بغرور : انا اقولك يا قطة... اخوكي المحترم هو ووالدك قاتلوا واحد اسمه طه عبدالرحمن جوز ماما...
ادهم بهدوء قاتل : لولا انكوا في شركتي انا كنت اتصرفت تصرف عمره ما كان هيعجبكوا..
جنى بتحدي : ايه هتقتلنا احنا كمان...
ادهم بغموض : انا مش قتال قتله... وكل واحد عارف نفسه... هو عمل ايه زمان...
جنى ببرود : whatever  انا عايزه الصفقة تتم ويبقا بينا شراكة يا ادهم... بعيداً عن اي مشاكل بينك وبين اخويا....
ادهم بنبرة ارتعد لها الجميع تحمل الوعيد : اسمي Mr ادهم واحفظي لسانك معايا يا Mrs جنى... كلامي واضح...
بدأ يتحدثون بأمور العمل وتلك الجنى لم تفارق عيناها وجه ادهم... وقمر تغلي بل تكاد تنفجر غيظاً من تلك العاهرة التي تنظر لحبيبها...
لتنهض بغضب وهي تنظر لها..
مردفه : ما كفايه بقا... شيلي عينك من عليه شوية ما تقومي تأكليه .. مفيش احترام ابداً...
اندهش الجميع من رده فعلها لينهض ادهم ممسكاً برسغها برقة...
ليردف : الاجتماع اتأجل واستنى معاد تاني Mrs دارلين هتبلغك بيه...
ليرحل مع صغيرتيه تحت نظرات جنى وياسين الساخرة...
ــــــــــــــــــــــــــــــــــــــ
اتجه مع صغيرتيه نحو مكتبه..
ليردف بهدوء وهو يمسح بكف يده على وجهه بأرهاق : ايه اللي انتي عملتيه ده يا قمر...
قمر بغضب : انت مش شايف كانت بتبصلك ازاي...
ليردف بغضب : قـمـــر...
ليقترب منها محذراً اياها بنبرة اجفل لها قلبها من شدة رعبها : مش هسمحلك تكلميني بالطريقة دي... نسيتي انتي بتكلمي مين وبتتعاملي مع مين...ولا ايه
عادت للخلف خطوتين خوفاً منه بينما شقيقته جالسه في حاله من الصدمة...
لتردف قمر بحزن : انا اسفة...
لتتركه مغادرة وسط نظراته الغاضبه... ليضع يده على وجهه بغضب من نفسه ليطيح بكل ما يوجد على مكتبه ارضاً...
لتنظر له شقيقته بقلق...
لتردف : وبعدين ؟!
ليردف بتعب : مش عارف... انا تعبت... تعبت من كل حاجه... تعبت يا جميلة ومبقتش قادر افهم علاقتنا....
لتردف محاولة تهدئته : اهدى طيب..  كل حاجه هتتحل...
ــــــــــــــــــــــــــــــــــــــ
خرجت وهي تضغط على زر المصعد لتجده يقف بجانبها..
ليردف : ابن عمتك ده معندوش كرامة ولا احساس انه يسيب قمر زيك يمشي وهو متعصب كدا...
حدجته بنظرات بارده تكاد تثلجه من برودتها.....
لتردف ببرود : تعرف تسكت...وتخليك في حالك
ليردف بنبرة مستفزه وهو يقترب منها حتى ألصقها بالحائط : مسيرك تقعي تحت ايدي... يا جميل ...
ليبتسم لها بجانبية واستفزاز..... ارتعدت من نبرته لتفر هاربه لادهم....
تفاجئ ادهم من دخولها ونظر لها بتعجب ويدعو الله ان كل شئ يكون على مايرام................................................................................................................................