Section Z (Senior High School) | ✓

•Kaguluhan 18•

Paul Pelaez

***

"Hoy! Ang aga-aga dito ka natutulog sa bench, Pelaez!" May yumugyog sa balikat ko.

Pakiramdam ko ay naalog ang aking brain cells dahil sa hunghang na nanggising sa'kin. Padabog akong nag-angat ng tingin at sinamaan ang sino mang gumising sa'kin.

"Ano lalaban ka?" Asik ni Elise habang nasa likuran naman niya si Jia. Binelatan niya 'ko habang ngumunguya ng bubblegum.

"Ba't ba nanggigising kayo?" Nag-tsk ako at nagkamot ng batok.

"Aba, lunch na para sabihin ko sa'yo," Saka niya 'ko inirapan. Nanlaki ang mata ko at saka pinalibot ang tingin sa gym.

Kakaunti na lang ang tao at kalimitan ay yung mga officer na kumakain ng mga baon nilang pagkain.

Napangiwi ako. Pvta, ang haba pala ng itinulog ko.

"Ba't ngayon niyo lang ako ginising?" 'Di ko makapaniwalang nilingon ang dalawa. Humalukipkip si Elise habang si Jia naman ay nang-aasar na nakatingin sa'kin.

"Ginising ka na ni Vicca pero tulog mantika ka. Pati rin si Klea ginising ka na rin pero ang sarap ng tulog mo. Kaya hinayaan ka na namin dahil baka gumisng ka rin. Pero pambihira, tumili na ang lahat ng nandito pero ang sarap-sarap pa rin ng tulog mong tukmol ka!" Mataray na sabi ni Elise.

"Napasarap pala tulog ko?" Natatawa kong sabi sabay kamot ulo. Pasimple pa akong tinawanan ni Jia.

"Kanina ka pa hinahanap nina Vincent, nandoon sila sa room," aniya at naglakad na paalis. Mabilis naman akong sumunod sa kanila hanggang sa makarating na kami sa room.

Tama nga si Elise dahil kasalukuyang nang-aasar sina Dino kina Sofia at Jenny. Pero ang lubos kong napansin ay ang babaeng nasa sulok ng room. Mag-isang nakaupo habang kumakain.

Lumapit ako sa kaniya.

"Eyan?" tawag ko at nag-angat siya ng tingin sa'kin.

Si Eyan nga! Nanlaki ang mata ko at OA na nagtakip sa bibig.

"Ba't nandito ka?" 'Di ako makapaniwala habang nakatingin sa kaniya.

Tiningnan niya lang ako at umiling-iling bago ipinagpatuloy ang pagkain. Magsasalita pa sana ako nang may biglang nagtakip sa bibig ko at kinaladkad ako palayo kay Eyan.

Nagpumiglas ako mula sa hawak si Adam saka ko siya mabilis na binatukan. Anak ng! Nalasahan ko kaya ang kamay niya. Pwe, ang alat, amputa.

"Huwag mo munang guluhin si Eyan," Bulong niya at parehas pa kaming tumingin sa pwesto ni Eyan.

"Kailangan niya ng katahimikan para sa kaniyang pagsesenti, kaya layo-layo muna tayo," dugtong pa niya habang tinatapik ang likod, palakas ng palakas hanggang sa halos matumba na ako.

Tanginang 'to!

Bumawi ako at tinapik din ng malakas ang likod niya. Hanggang sa magtapikan kaming dalawa.

"Itigil niyo nga 'yan! Para kayong mga bata," Sabay kaming napatigil ni Adam at napatingin kay Kian.

Walang sali-salita namin siyang tinapik sa likod. Sabay kami ni Adam kaya halos sumubsob ang panget niyang mukha sa desk.

Hanggang sa makisali siya sa tapikan namin.

'Yan ang aming, hapitot.

---

Humikab ako habang nanuod ng basketball. Kasalukuyang naglalaro sina Zenon at ang kalaban ay mula sa ABM strand.

Lamang ang kalaban ng tatlong puntos. Ang masasabi ko lang, nakakaantok ang manuod ng laro nila. Wala bang away d'yan?