عصامية يتيمه

المشهد الأول

#عصامية_يتيمه
#ياسمين_مصطفى
//المشهد الأول//

///دا مشهد بسيط لعيال سوريانا وجزء صغير من حياتهم واللي عاشوه بعد كم المعاناه والحرب اللي كانت في حياتهم سابقًا لو لقيت تفاعل هنزل مشهد تاني يوم الجمعه///

بعد مرور عشر سنوات علي زواج عدي وسوريانا .

في مكان بعيد قد تم ترميم معظمه على نفقة الدوله، تقف بفستانها الوردي الرقيق ذو الأكمام القصيره تطالع تلك الصورة الكبيره المحاطه بذلك الحد الخشبي ذو الطراز الحديث والتموجات الأنيقه بشرود وعيون دامعه، لم تفق من شرودها سوى علي تلك اليد القويه التي تحاوطها من الخلف، مالت برأسها قليلًا جهة اليسار بإبتسامه مرحه لتطالع عينين ضيقتين تنظر للصوره بتركيز شديد، لكمته سوريانا بمرح، تأوه عدي بألم ورفع رأسه المائله على كتفها ينظر لها بشر فضحكت بمرح وحاولت الإفلات من قبضته لكنه أحكمها حول خصرها وهمس في أذنها بإبتسامه عذبه : ربنا يرحمها ويغفرلها يا حبيبتي هي دلوقت في مكان احسن معززه مكرمه عند اللي خلقها.
تنهدت بحزن وقالت بإشتياق ينبع من صميم قلبها : وحشتني اوي يا عدي ملحقتش أشبع منها.
قال عدي بمواساه : هتتقابلوا في الجنه يا سوريانا وانا هبقي آجي أشتمكوا وأطلع أجري عشان انتوا الاتنين مفتريين اكتر من بعض وايدكوا تقيله
أفلتت ضحكه مرحه تحرك رأسها بيأس حتى وجدت جسد صغير يحاول الدخول بين سوريانا وعدي ليرفعها عدي وينظر لها بغيظ فضحكت الصغيره ذات الأربع سنوات وجذبت إحدى خصلات عدي بعنف لتضحك سوريانا بقوه هاتفه : أحسن أحسن
نظر لها عدي بضيق ثم للصغيره قائلًا بيأس : هستنى إيه من بنت سوريانا انها تاخدني بالحضن مثلًا
إلتقفتها سوريانا من بين ذراعيه وسارت متجهه حيث شرفة منزلها تبعها عدي الذي يداعب الصغيره من الخلف الى أن جلست سوريانا على كرسيها المفضل وكذلك عدي جلس قبالتها
نظر عدي للمكان من حوله قائلًا بتنهيده : جميله سوريا
إبتسمت سوريانا تحرك رأسها مؤكده قبل ان يغمز عدي بمشاكسه مكملًا جملته : وأهل سوريا
طالعته بنصف عين قائله : أهل سوريا كلهم!!
أعاد عدي نظره للطريق أمامه وسير السيارات قائلًا بتنهيده عميقه : كلهم جمال في تعاملهم وأسلوبهم وعاداتهم وكل حاجه بس اللي سرقت قلبي دي ليها جمال خاص كدا مش زي اي حد
- يا سلاام؟
= سلامين سلم كمان
شردت سوريانا ب ملامح صغيرتها "فريده" وأردفت بملامح مبهمه : مين كان يصدق إن كل دا عدا في عشر سنين، يعني إتجوزت وإترقيت وكمان سوريا الى حد ما نضفت من القرف اللي فيها واختي أستشهدت وانا حملت في زين ورجعت بيتي القديم في سوريا مع جوزي وولادي وقدمت إستقالتي بإيدي ...
قاطعها عدي بهدوء : ندمانه؟
- على إيه؟؟
= على أي حاجه من اللي حصلت دي يعني انتي كنتي رافضه موضوع الخلفه ومأجلاه عشان شغلك بس ربنا أراد انك تحملي ساعتها انتي قررتي تسيبي شغلك اللي كان في يوم من الأيام حلم حياتك وسافرتي سوريا عشان تربي عيالك هناك يعني مش حاسه انك اتسرعتي في كل دا
إبتسمت سوريانا وقد فهمت ما يحاول عدي الوصول اليه فقالت مبتسمه : انا عمري ما أندم يا عدي أندم ليه أصلًا؟؟
انا لو ندمت على شيء فهو اني كنت في يوم رافضه جوازي منك انت أحسن وأطيب قلب شوفته في حياتي صديق وفي وزوج مخلص بيحب مراته وبيضحي عشان الحياه تمشي وانت بتضحيتك عشاني بإنك تسيب كل حياتك في مصر وتيجي معايا سوريا دي مقدرش اقولك خليتني أحترمك وأحبك أضعاف مضاعفة إحترامي وحبي ليك، صبرك عليا في جوازنا وكمان تفهمك ليا ولتقلباتي المزاجيه وغير كل دا أب جميل قريب من ولادك فكريًا ومتفاهم معاهم بتربيهم صح انا بجد يا عدي مش قادره أوصفلك مدى إحترامي وحبي ليك ،وانا قايلالك على فكره من زمان اوي ومن قبل ما نتجوز اني هسافر على سوريا وهستقيل من شغلي وأعيش حياتي بهدوء حتى لو لوحدي كفايه اني هعيش في سلام نفسي كدا بروقان من غير ما أكون متهدده من دا وقاعده على اعصابي عشان شغل او حاجه من القبيل دا، احنا دلوقت بنيجي سوريا في الأجازات عشان خاطر شغلك لكن لما عيالي يكبروا وانت تطلع علي المعاش هنييجي نعيش انا وانت هنا على طول زي ما إتفقنا مش كدا ؟
إبتسم عدي بسعاده وعشق صادق يشع من مقلتيه يقسم انه لن يقدر على حبها اكثر من ذلك صمت لبرهه ثم قال : معاكي حق في كل كلمة قولتيها بس انتي ولادك متربوش يا سوريانا متعشيش الدور اوي كدا دول بلطجيه!
صاحت سوريانا بتذمر : ماتقولش على كتاكيتي بلطجيه
ضحك بسخريه يعيد نظره للأمام قائلًا بتهكم : كتاكيت اه، تشهد فلوسي وشقا عمري اللي ضايعه كلها على أثاث البيت اللي عيالك مش بيحلالهم اللعب غير بيه اول مره أشوف بنت بتلعب بالمفك والشاكوش هتطلع نجاره هنقولها بعد كدا أسطى حوريه
- سيبها براحتها بنتك ليها مستقبل باهر خلي بالك وبكره تقول سوريانا قالت
= طب بلاش بنتك الوسطانيه خلينا في البلطجي الكبير اول يوم مدرسه السنه اللي فاتت جاله إستدعاء ولي امر عشان بيسرق الساندوتشات من العيال سنه رابعه إبتدائي وبيبلطج علي زمايله اومال لما يكبر شويه هنجيبه من الأقسام بالليل؟؟ ايش حال اني مدخله مدرسه لغات محترمه
- إحمد ربنا، مش أحسن من خالد ابن روبين اللي أخد إستدعاء ولي أمر في اول سنه دراسيه ليه عشان بيبوس البناات في الجاردن بتاع الحضانه
ضحكت سوريانا بشده وهي تعود بذاكرتها لذلك اليوم..