ديرت البخت

† البارت 30 †

للكاتبة: زهراء الموسوي.

‏لاتِنشد عَلينه منيِن
مِن ضِلع الحُزن
والتعَب
والحُرمان
نلتَم والأغانِي تگُوم تچفِينه
عِشنه هواي
وغبنَه هواي
لا رَنت سراگِينه
ولا مِرسال يچوينه
ونرد يومِيه تالي الليٌل نطُوطَح
ورانَه اتخُط اسامِينه
ذوله احنه
تِتَن سِحگته شفاف الناس
ونعاويّ
ودَمع مو وَكته
غريبين شيِدلينَه .

..........................................

دحام ... من يمته هاي حالتهة.

رمح ... قبل شهرين هيج بس مو هيج
تبجي ونتعارك ما تريد تبقه بالحجرة لو
ما تريدني اگربلهة مرات اعنادنهة واتكرب
ليهة نتعارك عادي وضلت تتحلم لو من انام
تصرخ ومن اطلع تسكت لحد ما هجرتهة
لان من ادخل لحجرة بيهة ريحة اكللهة
ونتعارك واطلع بعد ما اطبن.

قدرية ... شلون تسكت وهية هيج حالتهة.

ديلارا ... شراح تسوون راح تبقه هيج.

رمح ... لاا اموت كون تبقه هيج اخذنهة
وين ما جان.

دحام ... اكو شيخ اعرفنه بهالسوالف مالات
لسحر ورفيج ابوي ناخذهة باجر.

ديلارا ... اروح وياكم.

دحام ... اكلج ركني بمجان موش تعلمتي على
لطلعه.

قدرية ... انت حبلة وين تطفرين ديري بالج
على لبطنج.

دحام ... لا شلون اذا موش هية اول لطافرين.

شلو يحجون علية واحد يرفع واحد يكبس
اني سكتت لحد موصلنه للقصر شفت غرفه
اغادير مفتوحة خفت اروح اسدهة ركضت
لغرفتي لليل خفت وتخيل اصوات ودحام ما
اجه لغرفتي مكدرت اضل اخاف ولبردة مالت
لشباك كلساع وطير متحملت كمت فكيت لباب
اجت عيني ع غرفه غدو وانه محس الا ركضت
لغرفه ثريا من خوفي ردت دحام يجي يمي
دكيت لباب اسمع صوتهم جوة لاوين فتحت
لباب ثريا.

ثريا ... هاا ديلارا شنو تردين.

ديلارا ... دحام وينة.

ثريا ... نايم.

ديلارا ... لا مو نايم صيحيلة.

جاي احجي وياها وطلع هوا.

دحام ... شنو شبيج.

ديلارا ... نام يمي.

ثريا ... شنهي ينام يمج لليلتي هاية.

ديلارا ... والله داخاف من لغرفه مكدر انام.

دحام ... صلي على محمد ونامي بحجرتج
انه هنانة اباتن.