للكاتبة: زهراء الموسوي.
خذيتهة ورحت لحجرتي جان كوسم كلش
حلو للظهر اجه يوسف كتله راح امشي
وية امه ولبنات رضة هوا راح يم لزلم للديوان
وانه تعدلت ولبست وجريت لكحل وحطيت
حمرة سحرية ودهنت خديداتي ولبست
شالي ولنقاب وعباتي وخذتنه عمتي لبيت عمي
لنسوان بيت عمي وزلم بالديوان هناك شفت
عماتي وبناتهن وبنات عمي كلهن ولمة ونسة
شفت امي اغادير رحت ليهة بوستهة وبوست
تماثيل وكعدت يمهن.
اغادير ... يامفلوكة طالعة جنج لعابة هاج
هاي لبسيهة خل تحرسج من لعيون.
جيهان ... يمة هاي ذهب جاي تحجين ماريدهة.
اغادير ... شنهي هاي واذا ذهب ماينعز عليج
تعالي خل البسج ياها.
لبستني لخناگ جان ضاب على ركبتي وبي
مدالية ام لعين شحلاته صبو لغدة وكعدنة
كلنه نتغدة وراها لبنات تحزمن للركص
اشوف خالتي تقى تخزرني لان كاعدة يم
امي غدير وامي ثريا هم كلبت وجهة علي
انه محجيت ضليت على كعدتي.
ريحانه ... شلونج جويهة شطالعة ولج.
جيهان ... ههههههه عمة ماوصل الج هل طول.
ريحانه ... لا عمة انت حلوة على امج جانت
هم هيج تكطع.
ثريا ... منا نسوان شلج بهل حجي يريحانة.
ريحانة ... شنهي جذبنة جا غير نحجي لحگ.
لاوين ضلينه ملتمات انه وتماثيل واجت ميادة
بت عمتي خديجة وهيفاء بت عمتي ريحانة
وگجرية بت عمي امجد وبنات عمي خالد.
كجرية ... ولج ضعفانه.
جيهان ... احسن شلي بالسمن.
هيفاء ... شوف هاي لزلم يدورون على سمن
حگة يوسف شلونة وياج.
جيهان ... زين ماكو منة.
لبنات ... ريتج.
زهور ... عبير جيبيلي ماي اشرب.
عبير ... ذاك لمطبخ روحي شربي يمج خدم
وتكليلي.
زهور ... عيني هذا بيتكم ويلا عطشانه وابن
لشيخ هم عطش.
كامت عبير تجيبلهة ماي هية خذت لكلاص
وراحت وكجرية ضلت تكرص بعبير.
كجرية ... منهو لكلج تجيبيلهة ختولي.
عبير ... لعلهة رايحة لعزام وشاكيتله نوب ينگلب
علي خل اتكتر عنهة احسلي.
للعصر جابو كيات وركبناهن ورحنة لبيت لعروس
اول ماطبينه طگينة لهلاهل ولتهوس لبت جانت
جاعدة على كرسي ضلينه نهوس وعماتي كلبن
لدنيا ولبت شحلاتهة عيونهة كبار وملونة ويهة
ينصف بياض ومربربة لاوين صاحو راح يعگدولهم
كومن لبت ودخلنهة للحجرة وصارت مجاتل يم
لحجرة لجهال ولبنات لحد ما شافن عزام يريد
يدخل وهنة وحدة كامت طج بالثانية وركضن
للهول.
أنت تقرأ
ديرت البخت
Ficción Generalأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
