للكاتبة: زهراء الموسوي.
عزام ... شبيك عضيد ماناوي تبارك لخوك.
راد يطگني وجريته من ياخته وحجيت بصوت
ناصي.
عزام … ديرر بالك بعد تدنة يم مرتي خليني
حاسبك اخوي.
اسحاق … لخوة گطعتهة بعملتك ومرجوعها
الي وعينك تشوف.
حيل غثني بحجيه دفعته خلة وطلع وزهور
خبصت لبيت بالبجي ولصريخ وتملخ بروحها.
عزام … صووووتتتجج شوفي يزهووور نفس
منج اسمعه تلگين روحج بيت اهلج فستري علي
روحي وجعدي وسكتي.
زهور … ليش انه بشنهي گصريت وياك شنهي
رته وماسويته الك حتى بزر بسع حبلتلك.
ثريا … ام علي اخذي زهور بحجرتهة ترتاح
وانت يعزام تعال عندي حجي وياك.
راحت امي للديوانية وانه تبعتهة دخلت وهية
حيل مضايگة.
ثريا … شنهي هذا لسويته تدري بيهة بت ناس
موخوش تدري ابوك معاديهم شنهي يعزام نسيت
سوايت ذيج لمرة ونوب جايب لربتهة شتترجة
منهة ليوم مشت وياك باجر تمشي وية غيرك جدام
عينك شلون ترضة تنزل هيبتي وهيبت ابوك
انه لتعبت عليك وربيتك تالي ماتالي تروح تعرس
من ورانه هذا رباي هيج جازيتني.
عزام … يمة لا تخلين ذيج وية هاي تراها حرمتي
وانه حر بياهي لاخذنهة محد الة يد علية تردونهة
تضل خير على خير ماتردونهة تضل اخذنهة واروح
لغير مجان وانت بكيفج.
ثريا … جاي تهددني تعوفني لجل هالبت شفت
منهة گلي شلكيت بيهة بعت زهور لجنهة گمر
وبت خالتك ماستحيت من خالتك ماگلت فشلة
من ناسي هسة لعالم شيحجون شيگولون علينه
شيخنة ماخذ حرمة وبلاية دريت اهلة تريد تسوينة
علج بحلج ليسوة ولمايسوة.
عزام … اذا على لعرس من عين باجر اسوي اكبر
عزيمة واذا على خالتي مالهة حگ تجي وتحجي
مثل مارضت على روحها تصير لثانية خل ترضاها
على غيرها ومو انه لتمشوني بكيفكم لحجي لعندي
كتلج يا ييمة لرضيتي اضل وابقيهة واذا ماتردينهة
انه ماجبرنج تحبينهة اخذنهة واروح لغير ديرة.
حيل شفتهة تعصبت شوي ودخلت جويهة باين
عليهة لضوجة.
جيهان … گواك الله خوية.
عزام … هلا جويهة.
جيهان … عزام صدج اخذت سلوان.
عزام … هم انت ماتردينهة يجويهة.
جيهان … لا بالعكس انه احبنهة لجن تعجبت
من عرستو بسكته.
جيهان باوعت لامي ورئسا سكتت.
ثريا … خلهة يعزام لجن انه حيل مختاضة منك
ولا تضن لبت رايدتهة لجن ماگدرن على فراگك
فخلهة هنا جد عيني.
أنت تقرأ
ديرت البخت
General Fictionأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
