للكاتبة: زهراء الموسوي.
مشيت بتعب خسرت كلشي امي اخواني
ابوية مبقالي احد رئساً تذكرت علي اخوية
وين ضل.
عزام … شبيج كمزتي.
سلوان … علي اخوية وينة.
عزام … تلگينه بيت عمي رمح.
سلوان … وديني الة فدوة هسة خايف لان
ماما ماهي فدوة.
عزام … مو شنج زودتيهة بالطلاب صعدي بدون
حجي مالي حيل كافي.
سلوان … اترجاك والله مينام لليل اذا مانومة.
ضل ساكت بقيت اتوسل مايجاوبني كمت
ابجي لحد ماوصلنه للقصر اشرلي انزل كلي.
عزام … دخلي على مادخل لسيارة.
باوعتلة لانو ماكدر ادخل وحدي ستصعبتهة
كام يفرك وجهة وعاط بية.
عزام … نزلييي وفضيهة.
نزلت بسع وهوا نزل فتح لباب وصاح.
عزام … امم علي وينننج.
ام علي … ها خالة.
عزام … صعديهة لحجرة جويهة.
ام علي … صار.
راح هوا ولخالة دخلتني باوعتلي ثريا بحقد
سالني عمو دحام.
دحام … شلون صارت.
سلوان … بعدهي تعبانه.
اسمع ثريا كالت عساها بموت ردت ارد بس
ردي مراح يغير خليت وصعدت تمددت بالكاع
ويمي جيهان وبتهة تلعب بحضنهة بتسمت على
لسان بتهة كعدت.
سلوان … بيا صف انت.
رنا … بالابع.
سلون … صدك بالرابع بتج.
جيهان … هههههه لا بس هية تسمع لجهال
يگولون بالرابع وهية تحجي وياهم بعدهي
مامسجلينهة لسنة لجاية انشاء الله.
سلوان … انشاء الله مطالعة عليج خالص.
جيهان … تشبه المرحوم ابوها.
سلوان … ها شلون گدرتي تربينهة وحدج.
جيهان … عزام ماعافني هوا صارلهة ابو حتى
من طحت مريضة وفترة علاجي هية جانت
متعلمة على عزام وهم من تزوجت يعني هوا
لتعب عليهة.
سلوان … هالدرجة ماتركها.
جيهان … ابد حتى من جنت اتعصب عليهة
واريد اجتلهة يلعب جولة بية وياخذهة مدللهة
دلال ربي يحفظة.
بقيت ساكته لان واضح لبت تحب خالهة كلش
هواي بقينه نسولف وسولفتلي على عيالهة ورجلهة
يوسف واحنة نسولف دخل عزام ولازم علي
بسع طفرت متوقعته راح يجيبه ركضت جريته
منه وشبكتة وابوس بي هوا بجه بسع.
أنت تقرأ
ديرت البخت
Ficção Geralأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
