للكاتبة: زهراء الموسوي.
اليذكروني عفتهم لجل شوكي وياك
واني اتذكّرك وانت الي ناسيني
بايعني برخص واني بغلاة أشريك
مو انت الگلت بالروح تشريني ؟
روح وداعت الله بس أگلّـك ها
الي رب كريم الصبر ينطيني
…………………………………
رادت تكوم لجن وجعتهة رجلهة كلهة لشيخ
وهوا يوگف ومدنج راسة.
الشيخ عدنان … ضلن بوية لبنية موش گادرة
خلهة لحد مايطيب رجلهة لگصر واسع.
جيهان … تسلم شيخ لاكن بنتي تركتها لحالهة
بالبيت ولدنيا ما تتامن.
الشيخ عدنان … على راحتج بوية لجن لبنية
اذا موش كادرة خلهة يم لبنات هنا يدارنهة وهية
بحسبت بنيتنه رويحة.
ضلت محتارة جيهان شافت بتهة متكدر تكوم
ومناك بتهة فتنه لوحدها تخاف عليهة اخر
شي ضطرت تعوف ديلارا بيت شيخ وضلت
توصي ونسوان لشيخ گوة طايگاتهة وخصوصي
هية مفرعة وحلوة وصة لشيخ عدنان وحيد
من لولد ياخذونهة يوصلونهة وضلت ديلارا
بغرفه لشيخة زمنهن اغادير تاخر لوكت ورادت
تروح لاهلهة لجن ديلارا ماخلتهة.
ديلارا … فدوة لتعوفيني وحدي هناية.
زكية… شنهي ناكلج وماندري.
اغادير … ماگدر اهلي مايدرون.
ديلارا بجي … لتركيني اترجاج.
قدرية … ضلي يمهة ليوم موش صويحبتج
لا تهدينهة.
اغادير … لجن يشيخة انه ماگايلهة لاهلي
ومايدرون.
قدرية … هسة اودي طارش يعلمهم تطمني
عدنة يخلوج.
اغادير بفرحة … مشكورة شيخة.
دنت اغادير وهية تضحج تشاور ديلارا.
اغادير …ليوم نضل بيت شيخ نشبع اجل ههه.
ديلارا ... اكولج شي.
اغادير … كولي.
ديلارا … اني اكدر امشي شوية لاكن ردت
اخليج انتِ ورمح قراب من بعض وتعمدت
ابقيج وازود عود كُلش تاذيني.
اغادير وهية باين عليهة لصدمة وفاجة
عيونهة بكبرهن ورجعت شاورتهة … ولج
طلعيتي موش هينة بعلي لو ادري هيج
جان عفتج ومشيت.
ديلارا … نجبي شتعوفيني انت مو تتمنين
تصيرين شيخة وابن لشيخ يحبج فسويت
هيج لخاطرج.
أنت تقرأ
ديرت البخت
Ficção Geralأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
