للكاتبة: زهراء الموسوي.
……………………………………
رمح … هوا هيج راح اودي غدير لبيت اهلهة
على ما ابني بيت گريب ع اهلهة.
زكية … واذا ضلت مسودنة.
رمح … يمة ما اطلگها هاي لسالفة گطنة
وشيليهة من ذانج لو اشوفنهة تركض بالشارع
وتملخ شعرها هم اريدنهة.
ضلو يتعاركون هوا وامة وطلب مني الم هدومها
كمت كوة حيل بطني ماذيتني دخلت للغرفة
مالتهة شفتهة كاعدة كعدت يمهة باوعتلي
وضليت كاعدة هية كضت بطني وكلتلي.
اغادير … هذا راح يكرهج ويسند ثريا
لجن جگد شخصيتة قوية ويهز لقصر بجلمتة.
ديلارا … يكرهني ليش.
اغادير … طلعتج من لبيت گربت يديلارا.
خفت حيل من حجيهة كمت بسع لزمت بطني
لاا ماكو طفل يكره امة كمت بسع لغرفتي مشت
ليوميم ورمح اخذ اغادير لاهلهة ومستمر بعلاجهة
واني بطني كلما جاها تاذيني جنة كاعدين بالهول
واجة علي كعد يم دحام وكلة.
علي … انه راح اكمل دراسة بغداد.
دحام … وشمالهة لبصرة ادرس بيهة.
علي … خوية هنا دراسة ما تمشي عدل بغداد
تدرس منا طبق منا بالمستشفيات وتوضيف
مضمون.
دحام … انت ماعدت صغير روح لاوين
ما تريد لان رجال وتعرف مشيتك زين.
زكية … بكيت مزهرية محد ينشدني من ولدي.
علي … حشاج يمة لجن غير دراستي ومستقبلي.
خلت وكامت زكية تمسح دموعها بشيلتهة
دحام اشر لعلي علمود يكوم الهة وهوا كام
شوي وطبت خالة ثريا وبنية شابة لابسة
عباة ونقاب كلشي مطالع منهة كام دحام
سلم وهنا مدنگ وراح طلع وهية كعدت
وستقبلنهة عمات دحام وقدرية ولبنات كعدن
من بعد لمباوس ولبنية كشفت وجهة عين
لباردة تخبل عيونهة ملونة وكبار وشفايفهة
متروسة وجسمهة حلو وعدهة خدود وخدودهة
ورديات من لحر وخشمهة منصوب نصب زغير
حيل حلوة كعدت واجت ثريا سلمت عليهن
كلتلهة عمتي جاسمية.
جاسمية … هاي لحليوة بتمن.
ثريا … خيتي يعمة.
جاسمة … عين لباردة شحلاتهة ما تنطونهة.
ضلن يحجن بيهة عماتي وعلى جمالهة ما
تشبه ثريا احلاا منهة بهواي ضلن يسولفن
لحد ما كامن لغرفة ثريا اني بقيت كاعدة.
قدرية … بعشوي عمتج فخرية تفحصج.
ديلارا … اخاف.
فخرية … يمة ما اعورنج لجن بطنج جبيرة
نريد نعرف ولادتج يمتة.
بقن يحجن لمن ما كمت لغرفتي.
________________
تقى … شحلات لگصر خوش گعد حظج
هناا.
أنت تقرأ
ديرت البخت
Ficción Generalأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
