للكاتبة: زهراء الموسوي.
وشكثر حاولت اگلك لچن خانتني الجساره
ويامه من عمري ليالي لخاطرك راحن خساره.
………………………………………
كمت بدلت ورحت طلعت برة لحجرة
شفت لكل نايم دخلت بحجرة بتول
شفتهة بسابع نومة وابنهة وابن رمح بصفها
كرار طالع طاردينة تدنيت يمهة حاولت احركنهة
غافية نومها ثكيل شلت ابن رمح وخذيته
لمجان لكاعدة بي اغادير جانو كلهم نايمين
خليت لجاهل بحظنهة واعرفن اغادير موش
بوعيهة وراح تموت لفرخ وتخنگة حدرها وهيج
راح افتك من اغادير وبدال ما يعالجونهة
يطلگونهة وراها ديلارا هيج ارتاح طلعت بسع اركض
رديت لحجرتي مجاي اكدر اصبر مشتهية
اريدن رجل اخخ يدحام تروح بس لذيج
لجن بعلي الا اخليك تكرها مكدرت كمت
قفلت لحجرة وجبت لماسك كال لمشط
وبديت اريح روحي لمن ما كبت لعيطه برة.
____________
جنة نحجي وسمعنه صياح عمتي فخرية وزكية
طفر دحام لكف لكلبية وراح واني كمت لبست
ملابسي ولفيت لحجاب شلون مكان وطلعت
شفت اغادير صافنه ع لحايط وزكية تخفگ
بيهة رئسن رحت جاي اجرن اغادير وطبكتني
وياها ودحام وعلي سحبوها وهية تمرغلت
بالكاع وتلطم على وجهة درت وجهي ولون
اشوف ابن رمح وجهة مدمي وما يتحرك
اني كعدت من خوفي ارعش وهيلة كطعت
روحها رمح شرد من لبيت ما ضل من شاف
ابنه دحام صاح.
دحام … شلوووننن صااارر هييجج ابنننجج
شوصله يمهة.
هية فاقدة تلطم وتصرخ كطعت شعرها عقلهة
طار طفرت على اغادير تولتهة كتل خلتهة تدمي
واريد اجرها رفستني بطني صاح دحام على
خواته يسحبنهة اجت عائشة وثريا وبتول
وشمس سحبنهة بتول ضلت تبجي باوعت
اغادير لثريا وضلت تكول بس محد منتبهلهة
كلهة متسودنة عالطفل.
اغادير … انت لجتلتي انت لخيتي انت شيطان
لصار بيهة وبالبيت من وراج.
جانت تحجي بصوت ناصي خزرتهة ثريا
باوعتلهة وثريا دارت وجهة عني ضلت تصرخ
زكية.
زكية … لمسودنة ما تبكه هناااانهههه يطلگهااا
ويشمرهااا عند اهلهة لو اجتلهة بيدي مننن
وراااهاااا مات لجاهل من وراهااا.
كامت وادت تكتلهة وسحبوها صاح دحام
على علي وخالد.
دحام … شووفووو اخوكممم وين راحح
لا يصيرر بي شي.
ركضو لولد رعم لشيخ عدنان جان كاعد
بس محد منتبهلة باوعتلة اشوفه لسانه
مطلعه وعيونة فاتحهن واني صرخت دارو
كلهم علية وكبت لعيطة ولتملخ كعدت ابجي
لليل كله ما نمنا ولولد خذو ابوهم ولشيخة
زمنهن بجت بجت وتعبت رتفع ضغطها
اجو خذوها بقت اغادير كلساع واجن كتلنهة
لمن ما طلع لفجر ولبيت كبت فاتحتة
ونوب خوات هيلة سمعن بابنهة وهنة لتمن
على اغادير كطعنهة تكطع واني تسودنت
كمت ادفع بيهة وامبخهن وهنة يكتلنهة
ماتحملت ركضت جبت عصة وطكيتهن
خاطر ابعدهن وهنة تكابلن علية وضلن
يصيحن لنسوان ويفاككنه.
أنت تقرأ
ديرت البخت
Ficção Geralأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
